Chi malhyej (Ep hote) toj iwoyek lewʼen hawʼet lheley toj lekajyaj ihiche (lhip 1)

Iyhaj toj nechʼe toj tawhayeyhen tataye che lepes ihihitʼa lekajyaj toj inʼalit ifwalatso wet iwoyek nʼokalhi tajtso. Cristianos toj pajche toj tawhayeyhen wet toj lhaikhajyenej toj ihanlhi mʼayhay toj matchehen toj ihi Biblia iwoyek ikalelhat tajtso.

1. ¿Atsi nʼofwonyajay toj Biblia hiwʼenho hinʼu toj lechʼefwa ihi?

Hinʼu toj lechʼefwa ihi lhetekej lewʼet lheley, tajtso hope lechumet toj Heowa hiwʼenho (yahyen Efesios 5:23). Wet tataye che itshupiye mʼayhay toj isen toj lewʼet lheley isej. Biblia yok: «Amel tä hinʼol tä hachʼefwas ihi, humin hachʼefwas» (Efesios 5:25). ¿Atsi mʼak toj hope tajtso? Hinʼu toj ihumin lechʼefwa itiyej tʼat lehumnhayaj che ihi lewʼet wok che lhayʼe wichi iyhaj. Tʼuye wet lhaikhajyenej hopkhilak lechʼefwa ilat lhame toj letamsek ihi, lekajyaj ihi wet hiwʼenho mʼak toj iwatla (1 Timoteo 5:8). Wet mʼak toj lhayʼe lhip toj laha ihi toj iwoye, hope toj tachʼote lechʼefwa toj ise hop Heowa (Mateo 4:4). Malhyej toja, iwoyek iyahyen Biblia wok iwo tʼalhyaja toj lhayʼe lham. Che hinʼu inʼaltej lehumnhayaj toj tʼuye lechʼefwa hate tʼu lhame toj ise Heowa (yahyen 1 Pedro 3:7).

2. ¿Atsi nʼofwonyajay toj Biblia hiwʼenho atsinha toj lechʼefwa ihi?

Dios Lhomet ifwenho atsinha toj isitʼak «yen wʼet mʼayeka lechʼefwa» (Efesios 5:33). ¿Chi malhyej (Ep hote) toj iwoyek ikalhi tajtso? Iwoyek yen tichunhayaja lakeyis toj isen toj lechʼefwa inʼalit wet toj matche toj lhaikhajyenej toj tʼuye hop lham wet leles. Hate lewhay toj tahuyej lham inʼalit lehumnhayaj wet yam is toj yomhoplhi. Hate yenhitʼa wʼet mʼayeka mʼak toj lechʼefwa itshupiye tej toj lechʼefwa tʼekhahiyetʼa mʼak toj lham tʼekhaye.

3. ¿Chi malhyej (Ep hote) toj hinʼu wet atsinha iwoyek ikhajyen laka matrimonio?

Biblia yomeje iyhaj toj tawhayeyhen toj yok: «Lhamel täkwfwasna [dos] mälhyej chik weihalha» (Mateo 19:5). Tajtso hope toj is che itiyej kanhi mʼak at che hope toj iwoyek itontehla elh. Hop toj tamenej toj yen keya toj tʼukwe lewhay hopkhilak iwoye mʼayhay wet inʼalit lhamehen lehumnhayaj lewhay toj yomwetha, ifwel lhamhohen mʼak toj ilate wet yome mʼak toj matche. Hate ihichetʼa mʼak at che hope wok wichi at che hope toj inuhatpe Heowa wet lechʼefwa. Wet lhamel tʼu lhamehen hopkhilak ihichetʼa nʼoelh che ihuminla elh.

NATʼAYHETTSHI TOJ NALECHUFWENEJ

4. Hinʼu, humin wet uye hachʼefwa

VIDEO: Hinʼu toj hachʼefwa ihi, humin hachʼefwa malhyej toj alehumin (9:53)

• ¿Atsi mʼak toj iwoyek iwoye hinʼul toj inʼaltej lehumnhayaj wet yen lhakliya lechʼefwa?

Yahyen Colosenses 3:12 wet ame mʼayhayna:

• ¿Chi malhyej (Ep hote) toj hinʼu iwoyek inʼalit nʼokeyisna toj ihi laka matrimonio?

5. Atsinha, humin wet yej lhen wʼet mʼayeka hachʼefwa

Biblia ifwone atsinha toj lechʼefwa ihi hopkhilak yenhitʼa wʼet mʼayeka lechʼefwa tej che nʼokwiyej Heowa wok kha. Yahyen 1 Pedro 3:1, 2 wet ame mʼayhayna:

• Che hachʼefwa nʼokwihiyejtʼa Heowa nʼalej toj am letataye che iwoye tajtso. ¿Atsi mʼak toj ikalhi mʼayhay toj is: che lefwenhopej mʼak toj ihi Biblia, wok toj lhenhitʼa wʼet mʼayeka wet lenʼaltej akey toj is? ¿Atsi mʼak toj tamenej toj malhyejtso atichunhayaj?

Hinʼu wet atsinha iwoyek tatshupiye mʼayhay toj isen, mat ichepej toj atsinha letichunhayaj hatehitʼa iwoye lechʼefwa letichunhayaj. Che malhyejtso iwoyek yam is toj ifwenho lechʼefwa mʼak toj itichunejlhi wet yenhitʼa wʼet mʼayeka lham. Mat hate, is che ihusekchʼoye toj Heowa hiwʼenho lechʼefwa lechumet, toj is che tatshupiye mʼak toj lewʼet lheley isiyeja. Wet hate is che lhaikhajyenej toj lhaithatche mʼak toj lechʼefwa tatshupiyela. Che iwoye tajtso tachʼothiyela toj nʼotamsek ihi lewʼet. Yahyen 1 Pedro 3:3-5 wet ame mʼayhayna:

• ¿Chi malhyej (Ep hote) toj ilat lhame Heowa toj hiwʼen toj atsinha yenhitʼa wʼet mʼayeka lechʼefwa?

6. Iwoyek nʼotumla nʼowitʼayhyajay toj ihi matrimonio

VIDEO: Chi malhyej (Ep hote) toj nʼokhajyen matrimonio (5:44)

• ¿Atsi mʼayhay toj inʼalit hinʼu wet atsinha lhimpajpej toj lhaipʼajthitʼawek?

• ¿Atsi mʼayhay toj iwoye hopkhilak ikhajyen laka matrimonio?

Yahyen 1 Corintios 10:24 wet Colosenses 3:13. Che paj toj leyahyen versículo, ame mʼayhayna:

• ¿Atsi mʼak toj tamenej toj ikhajyen matrimonio che nʼohanlhi nʼofwonyajna?

Biblia yome toj is che natiʼpej lhamejen lhanʼohyajay weihalhapej namel wet tajtso hope toj nanʼaltej nʼoelh at che hope lhahumnhayaj wet nenhitʼa wʼet mʼayeka. Yahyen Romanos 12:10 wet ame mʼayhayna:

• ¿Ha hinʼu wok atsinha toj lechʼefwa ihi is che ichunkat toj inʼaltej lenʼohyaj elh? ¿Atsi mʼak toj tamenej toj malhyejtso atichunhayaj?

MʼAYHAY TOJ LETETSHANNE

Hinʼu wet atsinha iwoyek lekajyaj ihiche che lhaihumnhen, lhayenhitʼa wʼet mʼayeka wet ichumyenlhi mʼayhay toj matchehen toj ihi Biblia.

Mʼayhay toj nalechufwenejne

• ¿Atsi mʼak toj hinʼu iwoyek iwoye hopkhilak laka matrimonio lekajyaj ihi?

• ¿Atsi mʼak toj atsinha iwoyek iwoye hopkhilak laka matrimonio lekajyaj ihi?

• Che am pajche letawhayey, ¿atsi mʼayhay toj matchehen toj ihi Biblia iwoyek tachʼot ame toj ikhajyen aka matrimonio?

IWOYEK LEWʼEN IYHAJ MʼAYHAY:

Tetshan nʼofwonyajay toj iwoyek tachʼot ame toj lhen akajyaja hawʼet lheley.

Hawʼet lheley iwoyek lekajyaj ihi (Librofwaj)

Yahin video toj inʼalit nʼokopfwayajay toj iwoyek nʼokalhi che nʼohanlhi Dios lefwonyajay toj yiwite matrimonio.

Nʼohumnayaj toj matche (4:26)

Tetshan atsi mʼak toj hope toj atsinha yenhitʼa wet mʼayeka lechʼefwa lenʼohyaj.

«¿Atsi mʼak toj tamenej toj atsinhay isitʼak yen wʼet mʼayeka hinʼul lenʼohyaj?» (La Atalaya, 15 toj mayo toj 2010)

¿Atsi mʼak toj iwoye hinʼu wet lechʼefwa toj tatayhla nʼowitʼayhyajay toj ayteschehen malhyej divorcio?

Yachajo toj olhamel okhajyen oka matrimonio isej Heowa (5:14)