Mʼak toj lehumin toj lewoye lewhay toj atamsek ihi is che ikajyenlhi Heowa

Heowa hope Dios toj «lakajyaj ihi» (1 Timoteo 1:11, NWT). Lham ihuminchek lhakajyaj ihi wet nen kajyaja mʼak toj nehi. Heowa ihumin che namel natʼukwe lewhay hopkhilak nawo tʼelakwʼeta. Toj ihi nʼochufwenyajna, natetshanla mʼayhay iyhaj toj iwoyek tachʼot namehen toj nam is toj nachumyenlhi lewhaytso, wet toj tajtso Heowa kajelhi.

1. ¿Atsi mʼak toj is che natetshan che natshupiye mʼak toj nahumin toj nawoye che lhatamsek ihi?

Toj lewo tʼelakwʼeta, ¿atsi mʼak toj lehumin toj lewoye? Iche wichi iyhaj toj lewhay toj letamsek ihi ihumin toj iyahyen libro, tachʼahuye música, iyahin película wok tiyajo internet. Iche iyhaj toj ihumin toj iwoye mʼayhay toj lhayʼe lakalayʼis, malhyej toj ilunwetha, tʼilin, ikoyej mʼak wok ikoywetha. Mʼak at che nahumin toj nawoye, is che kalelhaj namhohen toj natshupiye «mʼak tä Lhawuk ihuminche» (Efesios 5:10). Laha ihi che kalelhaj namhohen tajtso. ¿Atsi mʼak tamenej? Hop toj wujpe mʼayhay toj wichi ihumin toj iwoye Heowa ihuminhitʼa, malhyej toj wichi inʼalit lefwitseyaj, nʼokainʼoyaj wok iwoye mʼak toj talhe hiyawul lechumtes (yahyen Salmo 11:5). ¿Atsi mʼak toj tachʼotla namehen toj natsupiye mʼayhay toj isis?

Che natshupiye lhakalayʼis toj ihumin Heowa, isila mʼak toj nehi wet tachʼotla namehen toj nam is mʼak toj natshupiye toj nahumin toj nawoye che lhatamsek ihi. Malhyej toj nahanejne toj ihi nʼochufwenyaj 48, «elh tä lhaipʼajtej iyhäj tä ihan mʼakejen, lehanyaj ihihila». Hate, nalechufwenejne toj iyhaj toj yen keya toj lhayʼepej wichi toj yen wʼet mʼayeka Heowa laka leyes «lewitʼäy ihihila» (Proverbios 13:20).

2. ¿Atsi mʼak toj tamenej toj is che natetshan che tʼuhawetej lewhay toj nawoye mʼak toj nahumin?

Tej toj mʼayhay toj nahumin toj nawoye is, hate is che natetshan toj wujitʼape horas toj nawoye tajtso. Hop toj, che malhyejtso, nawʼenhitʼala lewhay hopkhilak nawoye mʼayhay toj laha ihi. Biblia yome toja: «Wo kotsayej lewhäyna wet äm is mʼak tä lewoye» (yahyen Efesios 5:15, 16).

NATʼAYHETTSHI TOJ NALECHUFWENEJ

Natetshan mʼak toj am iwoyek lewoye toj letshupiye mʼayhay toj isen toj yiwite mʼak toj lehumin toj lewoye che atamsek ihi.

3. Kawayhla mʼak toj lehumin toj lewoye toj iwoyek iti amej awitʼay

¿Atsi mʼak toj tamenej toj is che natetshan atsi mʼak toj nahumin toj nawoye che lhatamsek ihi? Yahin VIDEO wet ame mʼayhayna:

VIDEO: ¿Atsi mʼak toj is che okoyej? (4:39)

• ¿Atsi mʼak toj tamenej toj mʼak toj Roma lhayis ihumin pʼante toj ikoyej, ifwalasna wichi hate ihumin toj ikoyej?

• Malhyej toj ihi video, ¿atsi mʼak toj ihanej Danny toj talhe mʼak toj ikoyejpej?

Yahyen Romanos 12:9 wet ame mʼayhayna:

• ¿Chi malhyej (Ep hote) toj tachʼot namehen versiculona toj nam is mʼak toj natshupiye toj nawoye che lhatamsek ihi?

¿Atsi mʼayhay iyhaj toj Heowa nʼayiho? Yahyen Proverbios 6:16, 17 wet Gálatas 5:19-21. Che noj toj leyahyen textos, ame mʼayhayna:

• Mʼayhay toj texto yome, ¿atsi iyhaj toj lefwetaj toj wichi iwoye ifwalasna?

Chi malhyej (Ep hote) toj nam is toj natshupiye mʼak toj nahumin toj nawoye

Atshan ame:

• ¿Ha hope mʼayhay toj Heowa nʼayiho?

• ¿Ha yiwite mʼayhay iyhaj toj lahal ihi?

• ¿Ha wuj toj olhayʼajte wichi toj ihuminhitʼa Heowa wok wuj lewhay toj olhayʼe lhamel?

Hopkhilak kamaj lelay is che aletontehla awitʼay. Hop toj tamenej toj is che natekawayhla mʼayhay toj nahumin toj nawoye che nahanej toj iwoyek iti namejen lhawitʼay.

4. Am is lewhay toj lechumyenlhi

VIDEO: ¿Atsi mʼayhay toj iso amej lewhay toj lewʼen? (2:45)

• Tej toj ipunfwa toj ihi video iwohiyetʼa mʼak toj niʼisa lewhay toj letamsek ihi, ¿chi malhyej (ep hote) toj yʼaje lham mʼayhay toj iwoye?

Yahyen Filipenses 1:10 wet ame mʼayhayna:

• ¿Chi malhyej (Ep hote) toj iwoyek tachʼot namehen versiculona toj natshupiye chifwajte (ep hote toj ihi) lewhay toj natihiyeja mʼak toj nahumin toj nawoye che lhatamsek ihi?

5. Che atamsek ihi tshupiye mʼak toj lehumin toj lewoye toj is

Matche tʼat toj Heowa ihuminhitʼa mʼayhay iyhaj toj nahumin toj nawoye, mat iche iyhaj toj ihumin, wet namel iwoyek nen kajyaja tajtso. Yahyen Eclesiastés 8:15 wet Filipenses 4:8 wet ame mʼayhayna:

• Che atamsek ihi, ¿atsi mʼayhay toj is toj lehumin toj lewoye?

MʼAYHAY TOJ LETETSHANNE

Heowa ihuminchek natshupiye mʼayhay toj is toj nawoye wet nen kajyaja tajtso.

Mʼayhay toj nalechufwenejne

• ¿Atsi mʼayhay toj cristianos tekawayhla toj iwoye?

• ¿Atsi mʼak toj tamenej toj is che natetshan mʼayhay toj nahumin toj nawoye hopkhilak isohitʼa namejen lewhay toj nawʼen?

• ¿Ha lehuminchek letshupiye mʼayhay toj lehumin toj lewoye che atamsek ihi toj Heowa kajejlhi? ¿Atsi mʼak toj tamenej?

IWOYEK LEWʼEN IYHAJ MʼAYHAY:

Tetshan atsi elh toj is che lhaitumtej toj tatshupiye mʼak toj nahumin toj nawoye.

«¿Ha wichi toj yen lhometa Heowa hiwʼen lista películas, nʼotenkay wok libros toj niʼisahen?» (Nʼochufwenyaj toj ihi jw.org)

Yahyen chi malhyej (ep hote) toj iwoyek nam is toj natshupiye mʼayhay toj nahumin toj nawoye lewhay toj lhatamsekis ihi.

«¿Ha is mʼayhay toj nahumin toj nawoye?» (La Atalaya, 15 toj octubre toj 2011)

Iche hinʼu toj yome mʼak toj ihi pʼante, «Nechʼe owo tesa toj owʼawlhatcha wichi», tetshan mʼak toj tamenej toj hinʼulna ileyej mʼayhay iyhaj toj ihumin toj iwoye.

«Dios Lhomtes iwo elha mʼak toj ihi» (La Atalaya, 1 toj febrero toj 2010)

Yahin mʼak toj tatshupiye pʼante atsinha toj itiyej kanhi mʼak toj ihumin toj iwoye toj yiwite mʼayhay toj talhejla ahot lhayis.

Tekawayhla mʼak toj nʼohumin toj nʼowoye toj yiwite hiyawul lechumtes (1:59)