¿Ha is che noj toj natahuyej nʼoelh?

Che iche nʼoelh toj is letichunhayaj wet yʼatshan namehen mʼak wok ihuminhichetʼa mʼak toj natʼekhaye wet ihuminchek nakalelhto, iwoyek letujlhache toj lhomhoplhi nʼoelhtso. Nahuminchek namhoplhi «wichi tä tʼukwe lham [Dios]» (Heb. 11:6).

Mat ¿che iche nʼoelh toj lewak ihi, toj tajlhamet ihuminchek tatay nahilahen wok ichuthiyejtʼa toj tahuy namejen? Che malhyejtso is che atamsek ihi toj noj toj letahuyej nʼoelhtso wet nʼalit ahumnhayaj (Prov. 17:14). Yej lhen wʼet mʼayeka toj lhekchʼoye nʼoelh toj letahuyej. ¡Wet nahanhiyejtʼa! Nʼalej toj nʼoelhtso tachʼahuhla namehen ifwala elh (1 Ped. 2:12).