Alewaklhat toj kamaj ihichetʼa mʼak che iwoyek iso amej hawʼatshancheyaj

¿Atsi mʼak toj tamenej iwatlak nalhaiwaklhat? Nilhokej namel ihichʼela mʼayhay toj iselkat namehen wet iwoyek iso namejen lhawʼatshancheyaj wok naseltej toj nʼowo internaya namehen. Che natʼuhlak kachawo yam is toj itetshan mʼak toj inamejen is che natshupiye athana mʼak toj nawohiyela toj kamaj ihichetʼa nʼowitʼay toj iselkat namehen wet nachumyenlhi nʼochʼotyajay toj iche. Che nawoye tajtso nanʼalit toj nenhitʼa wet mʼayeka lhawʼatshancheyaj wet Heowa laka ley toj yome toj iwatlak natakawayhla wʼoyis (Ap Lh 15:28, 29, La Biblia. Traducción del Nuevo Mundo).

¿Chi malhyej (Ep hote) toj nalhaiwaklhat?

• Toj tafwaytshi toj lhen atichunhayaja wet lewo alhyaja, lesayen tarjeta toj yome mʼak toj iwatlak nʼowoyej ame (DPA).a Iyhaj toj iwo lhometa toj pajche lhaiwo bautisaya iwoyek tʼalheje tarjetatso hop ipunfwa toj itetshan publicaciones, wet nʼojchalis wet nʼokolis toj hiwʼen natʼshas toj kamaj hiwʼenhitʼa 18 nekchomis iwoyek tʼalheje Tarjeta de identidad (ic).

• Che lechʼotshan iwoyek letʼalheje hinʼul toj tʼuyehen lepunfwas papel toj lhey Información para mujeres embarazadas (S-401). Tachʼotla ame toj lham is toj letshupiye mʼak toj nʼowohiyejela ame che iche nʼowitʼayhyajay lewhay toj lechʼotshan wet toj lewohla osa.

• Che lewatla procedimiento médico toj iwoyek ichumyenlhi wʼoyis wok is che nʼowo interna ame is che pajche lefwenho hinʼul toj tʼuyehen lepunfwas wet hate lekalelhtho wichi toj ihi kachawʼet toj iwoyek tʼisiyak ame elh toj lenʼohyaj ihi toj hope wichi toj yen lhometa Heowa.

¿Chi malhyej (Ep hote) toj hinʼul toj tʼuyehen lepunfwas iwoyek tachʼot ame? Iwoyek tachʼot ame toj lelesayen tarjeta DPA, mat tatshupihiyetʼala mʼak toj nʼowoyej ame toj ihi kachawʼet wet ifwenhitʼala amho mʼak toj lhamel ihuminchek nʼowoyeje (Ro 14:12; Gál 6:5). Lewhay toj lefwenho hinʼul toj tʼuyehen lepunfwas toj ihi aka congregación toj ihichela lewhay toj kachawo tʼuhlak ichumyenlhi wʼoyis, lhamel yofwajkwet tʼanhiyela hop Comité de Enlace con los Hospitales (CEH).

¿Chi malhyej (Ep hote) toj CEH iwom lechʼotyaj? Ipunfwasna nʼochufwen hopkhilak tachʼote wichi toj ichumlhi toj iyej kachawʼetes wet iyhaj wichi toj itetshan leyes hopkhilak itafwelche atsi mʼak toj tamenej malhyejtso lhatichunhayaj toj natiyej wʼoyis. Lhamel iwoyek ipayne kachawos iyhaj mʼayhay toj iwoyek ichumyenlhi hopkhilak nʼothathitʼa amho wʼoyis wet hate iwoyek tʼukwe kachawo toj ihuminchek tachʼot ame.

YAHIN VIDEO MʼAK TOJ IWOYEK LEWOYE HOPKHILAK LHAM IS MʼAK TOJ LETSHUPIYE TOJ LEWOHIYELA TOJ LECHUMYENLHI WʼOYIS, WET TOJ PAJ CHULHO NʼOYʼATSHANEKNA:

• ¿Atsi mʼayhay toj iwatlak lewoye toj alewaklhat lewhay toj kamaj ihichetʼa mʼak toj iwoyek iso amej hawʼatshancheyaj wet kachawo tʼuhlak ichumyenlhi wʼoyis?

  Your answer