Chʼote hawʼet lheley hopkhilak lhayʼe lhip toj lekajyaj ihi

Heowa tʼuhlak wichi toj lewʼet lheley ihi lekajyaj ihi (Sl 127:3-5; Ec 9:9; 11:9). Mat ichepej lewhay toj wuj toj nayʼenhen wok naweta, nawoye mʼak toj tʼuhawethiyejtʼa wet tajtso iwoyek isoyej lhawʼet lheley lekajyaj. ¿Atsi mʼak toj iwatla nawoye tefwajpejni namel hopkhilak lhawʼet lheley lekajyaj ihi?

Hinʼu toj is yam tefwajni lechʼefwa (1Pe 3:7). Iwo lewhaya hopkhilak iwhaye lechʼefwa. Tʼalhiyetʼa mʼak toj atsinha iwohiyetʼak iwoye wet nilhokej lewhay hiwʼenho gracias mʼayhay toj iwoyeje lham wet lewʼet lheley (Col 3:15). Iwujyen wet ifwenho toj matche toj ihumin (Pr 31:28, 31).

Atsinha toj is lhaikhajyenej toj nilhokej lewhay tachʼote lechʼefwa (Pr 31:12). Lhaithatche mʼak toj hinʼu iwoye, yen lewuka (Col 3:18). Toj yomlhi inʼaltej lehumnhayaj wet yam is toj yomejlhi lechʼefwa (Pr 31:26).

Nʼojchalis wet nʼokolis toj isen iwo lewhaya toj iwhaye leles (Dt 6:6, 7). Ifwenho toj matche toj ihumin leles (Mt 3:17). Ihanej lewhay toj tʼuhawetej toj ifwon wet toj iwoye tajtso inʼaltej lehumnhayaj (Ef 6:4).

Naʼtshas toj isen tachʼahuye wet yenhitʼa wet mʼayeka lajcha wet lako (Pr 23:22). Ifwenho mʼak toj tumho lehusek wet mʼak toj yen letichunhayaja. Tachumla nʼofwonyajay toj lajcha wet lako hiwʼenho wet inʼaltej lehumnhayaj (Pr 19:20).

YAHIN VIDEO MʼAK TOJ IWOYEK LEWOYE HOPKHILAK HAWʼET LHELEY LEKAJYAJ IHI, WET TOJ PAJ CHULHO NʼOYʼATSHANEKNA:

¿Atsi mʼak toj tefwajpejni lhamel iwoye hopkhilak lewʼet lheley lekajyaj ihi?