• ¿Chi malhyej (Ep hote) toj iwo tesa nʼowʼatshancheyaj?
    ¡Iwoyek lepes ihihitʼa akajyaj! Libro toj ichufwen amej mʼak toj ihi Biblia

    • 3. ¿Atsi mʼayhay toj wichi iwoyek iwoye toj itshatay ikalhihitʼa che iwoye?

      Toj tafwaytshi toj yenlhi Honhat, Heowa yenlhi halʼoy wet itshatay. Toj paj «Dios yenlhi hinʼo, wet itechʼayen lhamej» (yahyen Génesis 1:27). ¿Atsi mʼak toj tamenej toj nahatehitʼa iwoye itshatay? Toj Dios itechʼayen lhamej toj nayenwetha, iwoyek naten lakeyis, malhyej lehumnhayaj wet leʼisyaj. Lham hate hiwʼen namhohen lhahanyaj hopkhilak nahanej nʼolhomtes iyhaj toj wʼenhahiche, wet toj nen kajyaja toj natchʼahuye música wet mʼayhay toj isis toj nawʼen. Wet namel, iwoyek nanʼokwiyej elh toj lhenhay nilhokej mʼayhay, toj itshatay iwohiyetʼak iwoye tajtso.

  • ¿Chi malhyej (Ep hote) toj iwo tesa nʼowʼatshancheyaj?
    ¡Iwoyek lepes ihihitʼa akajyaj! Libro toj ichufwen amej mʼak toj ihi Biblia

    • 5. Mʼayhay toj nʼolhenhay toj Biblia yome hope tʼat mʼak toj matche

      Toj ihi Génesis capítulo 1 yome lenʼayij toj iwo pʼante tesa toj nʼoyenlhi Honhat wet nilhokej mʼayhay toj ihi. ¿Ha matche mʼayhaytso toj Biblia yomeje wok tajlhamet pʼalhalis? Yahin VIDEO wet ame mʼayhayna:

      VIDEO: ¿Ha iche pʼante elh toj yenlhi mʼayhay toj ikapha? (lhip) (3:51)

      Video ‘¿Ha iche pʼante elh toj yenlhi mʼayhay toj ikapha?ʼ lepʼeyak. 1. Seis ifwalas toj nʼoyenlhi mʼayhay. 2. Honhat toj tafwaytshi toj nʼoyenlhi iche fwala, honhat toj tamchay, inat, halʼoy, afwenchey, itshatay wet wichi.

      • ¿Ha Biblia yome toj Honhat wet nilhokej mʼayhay toj ihi, nʼoyenlhi pʼante toj ihi 6 ifwalas toj natafwelej?

      • ¿Ha lematitche toj mʼayhay toj Biblia yome toj nʼoyenlhi pʼante hope mʼak toj matche? ¿Atsi mʼak toj tamenej?

      Yahyen Génesis 1:1 wet ame mʼayhayna:

      • Wujpe científicos yome toj Honhat wet nilhokej mʼayhay toj ikapha iche pʼante lewhay toj iwo tesa toj iche. ¿Ha yiwitla mʼayhay toj lhamel letichunhayaj mʼak toj am leyahyenne toj ihi Biblia?

      Iche wichi toj tayʼatshan lhamehen, che Dios ichumyenlhi pʼante evolución hopkhilak yenlhi mʼayhay toj lewʼatshancheyaj ihi, wok yen tichunhayaja toj Dios yenlhi celulafwaj hopkhilak che paj lhaiwo elha wet lhaiwelanhat toj lhayen hopeya mʼayhay toj lewʼatshancheyaj ihi. Yahyen Génesis 1:21, 24, 25, 27 wet ame mʼayhayna:

      • ¿Ha Biblia yome toj Dios ichumyenlhi evolución hopkhilak yenlhi wʼahat, itshatay wet wichi? Wok, ¿ha yenlhi pʼante mʼayhay toj wʼenhahiche toj lewʼatshancheyaj ihi?