-
Nen hopeya mʼak toj laha ihi nʼowʼatshancheyaj¡Iwoyek lepes ihihitʼa akajyaj! Libro toj ichufwen amej mʼak toj ihi Biblia
-
-
2. ¿Chi malhyej (Ep hote) toj iwoyek nanʼaltej lhaka gracias Heowa toj hiwʼen namhohen nʼowʼayhatna?
Talhe lewhay toj ako wet ajcha ayenlhi, Heowa aitetshan. Toj ihi Biblia, iche Dios lakawo toj lhey David iwo tʼalhyajaye Heowa wet yok: «Am atelhoy hiwʼennʼo tä owo tesa tä olhayenlhi» (Salmo 139:16). Heowa yen hopeya mʼak toj matche toj laha ihi hawʼatshancheyaj (yahyen Mateo 10:29-31). Lham wuj toj aytaj letichunhayaj toj hiwʼen toj nʼoelh hanlak isoyej elh lewʼatshancheyaj, wok tʼuhlak lhailan (Éxodo 20:13).a Lham hate ihuminhitʼa che iche mʼak toj iwoyek natamenej lhaiyhaj wok che natʼuhikwetʼa mʼayhay hopkhilak natʼuye lhaiyhaj lewʼatshancheyaj. Toj natʼu lhamehen wet nenhitʼa wʼet mʼayeka lhaiyhaj lewʼatshancheyaj, nanʼalit toj nen hopeya mʼak toj laha ihi mʼak toj nehi.
-
-
Nen hopeya mʼak toj laha ihi nʼowʼatshancheyaj¡Iwoyek lepes ihihitʼa akajyaj! Libro toj ichufwen amej mʼak toj ihi Biblia
-
-
a Heowa yen lhakliya wujpe iyhaj toj lehusey nitkhajaya (Salmo 34:18). Lham itafwelej letichunhayaj iyhaj toj lehusey lelatsek ihi toj ichaje nʼoelh toj tʼuhlak lhailan wet lham ihuminchek tachʼote iyhaj toj malhyejtso letichunhayaj. Tafwelej nʼofwonyajay toj iwoyek tachʼote wichi toj letichunhayaj malhyejna yahyen «Che otʼuhitʼahlak olay wet otʼuhlak olhailan, ¿ha Biblia iwoyek tachʼot nʼoye?», toj ihi lhip «Iwoyek lewʼen iyhaj mʼayhay» toj ihi nʼochufwenyajna.
-