Am is toj letshupiye akalayʼis

Hop nʼokalayʼis toj isen iwoyek hiwʼen namhohen lhakajyaj toj wuj. Isej lechʼotyaj lhafwitajayaj malhyej at che lelemsas. Mat, tetshan, Biblia yome toj nilhokhiyejtʼa wichi toj hope nʼokalayʼi toj is. Toj malhyejtso, ¿chi malhyej (ep hote) toj iwoyek letshupiye akalayʼis? Tetshan nʼoyʼatshanhayna.

1. ¿Chi malhyej (Ep hote) toj yʼaj ame akalayʼis?

Iwoyek naten wichi lakeyis toj nalhayʼe, iwoyek is wok kha. Che nayʼepej wok nachumyenlhi redes sociales. Biblia yome toja: «Elh tä lhaipʼajtej iyhäj tä ihan mʼakejen, lehanyaj ihihila. Mat häp elh tä lhaipʼajtej iyhäj tä laj lehuseya [wichi toj ihuminhitʼa Heowa], lewitʼäy ihihila» (Proverbios 13:20). Hop nʼokalayʼis toj nʼokwiyej wet ihumin Heowa iwoyek tachʼot ame toj kamaj lhamwhaye Lham wet letshupiye mʼayhay toj isis. Mat che am lhen akalayʼiya wichi toj ihihitʼa congregación iwoyek aletontehla Heowa. Matche tʼat toj Biblia ifwon namehen toj is che natetshan atsi lhakalayʼis toj natshupiyela. Lewhay che lhakalayʼis hate ihumin Dios, namel nakalhihla mʼak. Wet toj malhyejtso iwoyek nahanlhi nʼofwonyajna: «Akhajyenhen wet chʼot amehen, mälhyej tä lewoye athana» (1 Tesalonicenses 5:11).

2. ¿Ha Heowa itetshan akalayʼis toj am letshupiye?

Heowa yam is wichi toj itshupiye toj yen lakalayʼisa. Biblia yok: «Ihumin tʼat tä iyej wichi tä isen» (Proverbios 3:32). ¿Chi malhyej (Ep hote) toj lefwetaj toj ilat lhame Heowa che nahanwetha iyhaj toj ihuminhitʼa? ¡Wuj toj lefwitajayaj ihi! (yahyen Santiago 4:4). Mʼak elh, che natekawayhla nʼokalayʼis toj niʼisahen namwhoye Lham wet iyhaj toj ihumin, Heowa wuj toj lekajyaj ihihla wet yamhiyela toj nahopehen lakalayʼis (Salmo 15:1-4).

NATʼAYHETTSHI TOJ NALECHUFWENEJ

3. Tetshan hopkhilak letshupiyetʼa nʼokalayʼis toj niʼisahen

Nʼokalayʼis toj niʼisahen hopehen wichi toj ihuminhitʼa Dios wet yen wʼet mʼayeka laka leyes. Yahin VIDEO wet ame mʼayhayna:

VIDEO: ¿Chi malhyej (Ep hote) toj nʼotekawayhla nʼokalayʼis toj niʼisahen? (6:17)

• ¿Chi malhyej (Ep hote) toj iwoyek nahanhiyejtʼa toj nawʼen nʼokalayʼis toj niʼisahen?

Yahyen 1 Corintios 15:33 wet ame mʼayhayna:

• ¿Atsi wichi toj iwoyek hope akalayʼi toj niʼisa? ¿Atsi mʼak toj tamenej?

Yahyen Salmo 119:63 wet ame mʼayhayna:

• Che letʼukwe akalayʼi, ¿atsi lakey toj is che inʼalit?

4. Iwoyek nen kalayʼisa wichi toj wʼenhalhamej namel

Biblia yome David wet Jonatán, dos hinʼul toj ihi pʼante Israel toj pajche. Tej toj wʼenhahiche nekchomis toj lhamel hiwʼen wet mʼayhay toj iwoye, yen pʼante kajyaja toj is lhamehen. Yahyen 1 Samuel 18:1 wet ame mʼayhayna:

• ¿Atsi mʼak toj tamenej toj mʼak talhiyetʼa che lhakalayʼis hatehitʼa iwoye nekchom toj nawʼen wok mʼak toj ihi?

Yahyen Romanos 1:11, 12 wet ame mʼayhayna:

• ¿Chi malhyej (Ep hote) toj lhaikhajyenhen nʼokalayʼis toj ihumin Heowa?

¿Chi malhyej (Ep hote) toj mamsena nilhoke lakalayʼis toj talhiyetʼa lhip toj ihi toj iche? Yahin VIDEO wet ame mʼayhayna:

VIDEO: Iche nʼokalayʼis toj ihichetʼa lhip toj nataye che ihi (5:06)

• ¿Atsi mʼak toj tamenej toj Akil lajcha wet lako yen lelhakliya lakalayʼis toj hiwʼen toj ihi escuela?

• ¿Atsi mʼak toj tamenej toj Akil ihumin pʼante lakalayʼitso?

• ¿Atsi mʼak toj iwoye hopkhilak ilathitʼa lhame toj tsʼilak?

5. Mʼak toj nʼoelh is che iwoye toj hiwʼen nʼokalayʼis toj isen

VIDEO: ¿Atsi toj hope nʼokalayʼi toj matche? (4:14)

Yahyen Proverbios 18:24 wet 27:17 wet ame mʼayhayna:

• ¿Chi malhyej (Ep hote) toj tachʼot lhamehen nʼokalayʼis toj matchehen?

• ¿Ha lewʼen akalayʼis toj matche toj isen malhyej toj Proverbios yome? Che nimalhyejattso, ¿atsi mʼak toj iwoyek lewoye toj lewʼen?

Yahyen Filipenses 2:4 wet ame mʼayhayna:

• Hopkhilak nʼoelh hiwʼen nʼokalayʼis toj isen, is che nahopehen nʼokalayʼis toj isen. ¿Chi malhyej (Ep hote) toj iwoyek lekalhi tajtso?

MʼAYHAY TOJ LETETSHANNE

Lewhay che nam is toj natshupiye lhakalayʼis, nakajyenlhi Heowa wet is mʼak toj nehi.

Mʼayhay toj nalechufwenejne

• ¿Atsi mʼak toj tamenej toj Heowa yen lhakliya atsi lhakalayʼis toj natshupiyela?

• ¿Atsi nʼokalayʼis toj is che natekawayhla?

• ¿ Chi malhyej (Ep hote) toj lhen kalayʼisa wichi toj tʼuhawetej?

IWOYEK LEWʼEN IYHAJ MʼAYHAY:

Tetshan chi malhyej (ep hote) toj iwoyek tachʼot namehen lhakalayʼis toj matchehen lewhay che nehi mʼak toj atha.

«Nam takhajay toj lhakalayʼis ihi toj kamaj ninama ifwalas toj lepes» (La Atalaya, noviembre toj 2019)

Tetshan mʼayhay iyhaj toj iwoyek aisej toj lewʼen akalayʼis toj isen wet am ahope nʼokalayʼi toj is.

«¿Chi malhyej (Ep hote) nʼokalayʼis toj isen?» (Lo que los jóvenes preguntan. Respuestas prácticas [volumen 1], nʼochufwenaj 8)

Mʼak toj is che lehanej lewhay toj letshupiye akalayʼis toj ihi internet.

Chumyenlhi etek lewhay toj lechumyenlhi internet (4:12)

Yahyen mʼak toj ihi pʼante hinʼu toj ihi lhip toj lhey «Ohuminchek ojcha ihi» mʼak toj tamenej toj iwo iyhaja lakalayʼis.

«Dios Lhomet iwo elha mʼak toj ihi» (La Atalaya, 1 toj abril toj 2012)

1. ¿Atsi mʼak toj is che natetshan che natshupiye mʼak toj nahumin toj nawoye che lhatamsek ihi?

Toj lewo tʼelakwʼeta, ¿atsi mʼak toj lehumin toj lewoye? Iche wichi iyhaj toj lewhay toj letamsek ihi ihumin toj iyahyen libro, tachʼahuye música, iyahin película wok tiyajo internet. Iche iyhaj toj ihumin toj iwoye mʼayhay toj lhayʼe lakalayʼis, malhyej toj ilunwetha, tʼilin, ikoyej mʼak wok ikoywetha. Mʼak at che nahumin toj nawoye, is che kalelhaj namhohen toj natshupiye «mʼak tä Lhawuk ihuminche» (Efesios 5:10). Laha ihi che kalelhaj namhohen tajtso. ¿Atsi mʼak tamenej? Hop toj wujpe mʼayhay toj wichi ihumin toj iwoye Heowa ihuminhitʼa, malhyej toj wichi inʼalit lefwitseyaj, nʼokainʼoyaj wok iwoye mʼak toj talhe hiyawul lechumtes (yahyen Salmo 11:5). ¿Atsi mʼak toj tachʼotla namehen toj natsupiye mʼayhay toj isis?

Che natshupiye lhakalayʼis toj ihumin Heowa, isila mʼak toj nehi wet tachʼotla namehen toj nam is mʼak toj natshupiye toj nahumin toj nawoye che lhatamsek ihi. Malhyej toj nahanejne toj ihi nʼochufwenyaj 48, «elh tä lhaipʼajtej iyhäj tä ihan mʼakejen, lehanyaj ihihila». Hate, nalechufwenejne toj iyhaj toj yen keya toj lhayʼepej wichi toj yen wʼet mʼayeka Heowa laka leyes «lewitʼäy ihihila» (Proverbios 13:20).