Iche wichi iyhaj toj yen tichunhayaja toj lhaichufwenej Biblia hope mʼak toj atha, mat iwoyek iche mʼak toj ikalhi wet tajtso isiyeja. Nʼalej toj iche lewhay toj yʼatshan ame che tʼuhawetej toj letujlhache toj alechufwenej Biblia. ¿Atsi mʼak toj tamenej toj laha ihi toj alekhajyenej? ¿Atsi mʼak toj tachʼotla ame toj letujlhache toj alechufwenej tej toj iche nʼowitʼayhyajay toj iʼamej?

1. ¿Atsi mʼak toj tamenej toj tʼuhawetej che alechufwenej Biblia?

«Dios lhämet iläy wet takhajay» (Hebreos 4:12). Biblia hope nʼowʼayhat toj matche toj laha ihi, hop toj yome Dios letichunhayajay wet chi malhyej (ep hote) toj iti amej lehumnhayaj. Lehanhiyeja wujpe mʼayhay toj isila mʼak toj lhehi wet lewʼenla aniwhayaj toj tatay alhoho. Wet mʼak toj lhayʼe lhip toj laha ihi toj Biblia yome hope toj iwohiyelak ahope Heowa lakalayʼi. Lewhay che alechufwenej Biblia akajyaj ihihla.

2. ¿Atsi mʼak toj tamenej toj is che nahanej ihi toj mʼak toj Biblia yome hope tʼat mʼak toj matche?

Mʼak toj matche toj Biblia yome hope tʼat mʼak toj wuj toj laha ihi. Hop toj tamenej toj yome toja: «Akhajyenchʼoye mʼak tä matche [...]. Wet chik lekatej, yej wompe mʼak tä lewatlä» (Proverbios 23:23). Che nenpej tichunhayaja toj laha ihi mʼak toj Biblia yome nalekhajyenejla hopkhilak natujlhache toj nalhaichufwenej tej che iche nʼowitʼay toj inamejen (yahyen Proverbios 2:4, 5).

3. ¿Atsi mʼak toj Heowa iwohiyela hopkhilak letujlhache toj alechufwenej Biblia?

Toj Heowa hope elh toj lhenhay nilhokej mʼayhay toj iche wet hope akalayʼi, matche toj itafwel amej wet tʼuhlak tachʼot ame hopkhilak lhayʼe lhip toj letafwelej lham. Dios iwoyek iwoyej ame toj «lehuminay wet lewoyaye lham lenechʼethayaj» (yahyen Filipenses 2:13). Toj malhyejtso, che iche lewhay toj lewatlak tachʼot ame hopkhilak alechufwenej wok lechumyenlhi mʼak toj lehanej, lham tachʼotla ame. Wet, che lewatlak akhajyhayaj hopkhilak letumla mʼak at che hope wok chik wichi iyhaj inu ame, lham hiwʼenla amho. Yej leyej toj letʼalhepej Heowa che tachʼot ame toj letujlhache toj alechufwenej Biblia (1 Tesalonicenses 5:17).

NATʼAYHETTSHI TOJ NALECHUFWENEJ

4. Kalelhat amho toj alechufwenej Biblia hope tʼat mʼak toj matche toj laha ihi

Ichepej toj atha namhohen toj nawʼen lewhay hopkhilak nalechufwenej Biblia, hop toj nawʼen wujpe mʼayhay toj is che nawoye. ¿Atsi mʼak toj iwoyek nawoye? Yahyen Efesios 5:16 wet ame mʼayhayna:

• ¿Atsi mʼayhay iyhaj toj matche toj laha ihi toj «[na]wo kotsayej» lewhay? ¿Chi malhyej (Ep hote) atichunhayaj?

• ¿Atsi mʼak toj iwoyek lewoye hopkhilak toj alechufwenej Biblia hope tʼat mʼak toj matche toj laha ihi?

1. Che letsayho holo balde wet che paj lethatho tuntey, tuntey lewʼet ihihitʼala.

2. Mat che lechunkat toj lethatho tuntey, holo lewʼet ihihla. Malhyejtso che lechunkat toj lewoye mʼayhay toj laha ihi, iwohiyelak lekalhi toj lewoye wet hate lewʼenla lewhay hopkhilak lewoye mʼayhay iyhaj.

Nilhokej wichi nʼoyenwetha pʼante hopkhilak itafwelej Dios wet nʼokwiyej. Hopkhilak nʼowoye tajtso laha ihi che nʼolhaichufwenej Biblia. Yahyen Mateo 5:6 wet ame mʼayhayna:

• Che hope tʼat mʼak toj nawatla toj nalhaichufwenej Biblia, ¿chi malhyej (ep hote) toj naisej?

5. Tujlhache toj alechufwenej Biblia tej che iche iyhaj toj ihuminhitʼa toj lewoye tajtso

VIDEO: Laha ihi toj otujlhache mʼak toj owoye (5:23)

• ¿Atsi mʼak toj iwoyehen pʼante Francesco lewʼet lheley wet lakalayʼis lewhay toj lham ifwenho toj lhaichufwenej Biblia?

• ¿Atsi mʼak toj tamenej toj tʼuhawetej toj lham tujlhache toj iwoye tajtso?

Yahyen 2 Timoteo 2:24, 25 wet ame mʼayhayna:

• ¿Chi malhyej (Ep hote) toj hawʼet lheley wet akalayʼis letichunhayajay toj iti amej toj alechufwenej Biblia?

• Malhyej toj versiculosna yome, ¿atsi mʼak toj is che lewoye che iche nʼoelh toj ifwel amho toj isitʼa toj alechufwenej Biblia? ¿Atsi mʼak toj tamenej?

6. Is che letʼekhaye toj Heowa tachʼotla ame

VIDEO: Heowa tachʼot namehen toj nawo elha lhakey (3:56)

• Malhyej toj ihi video, ¿atsi mʼayhay toj Jim is pʼante che iwo iyhaja hopkhilak iwoye mʼak toj Heowa tʼalhe?

• ¿Atsi mʼak toj leseltej toj iyej pʼante lham?

Yahyen Hebreos 11:6 wet ame mʼayhayna:

• ¿Atsi mʼak toj Heowa iwohiyejela nilhokej wichi toj lhaikhajyenej toj tʼukwe lham wet toj ikajyenlhi lham?

• ¿Atsi mʼak toj lefwetaj toj Heowa yen tichunhayaja toj hiwʼen toj alekhajyenej toj alechufwenej Biblia?

MʼAYHAY TOJ LETETSHANNE

Ihichela lewhay toj athahla amho toj alechufwenej Biblia, tachʼotla ame toj akajyaj lepes ihihitʼala. Che letʼekhaye tʼat Heowa, lham hiwʼenla amho hawʼayhat.

Mʼayhay toj nalechufwenejne

• ¿Atsi mʼak toj tamenej toj lehumin nʼochufwenyajay toj matche toj talho Biblia?

• ¿Atsi mʼak toj iwoyek lewoye hopkhilak «[le]wo kotsayej» lewhay toj lewʼen?

• ¿Atsi mʼak toj tamenej toj is che letʼalhepej Heowa toj tachʼot ame toj alechufwenej Biblia?

IWOYEK LEWʼEN IYHAJ MʼAYHAY:

Tetshan cuatro lenʼayhay toj tachʼote wujpe wichi hopkhilak iwo kotsayej lewhay toj hiwʼen.

«Chi malhyej (Ep hote) toj is che nʼochumyenlhi lewhay toj nʼowʼen» (¡Despertad!, febrero toj 2014)

Iche atsinha toj tʼuhlak iwoye mʼak toj Dios tʼalhe, mat lechʼefwa ihanhiyejtʼa mʼak toj lham iwoye hopkhilak ikalhi tajtso. Tetshan chi malhyej (ep hote) toj Heowa tachʼote.

«Heowa hiwʼen namhohen lhakhajyhayaj hopkhilak natiʼpe lham mʼak toj natilhaj» (5:05)

Tetshan mʼak toj atsinha iwoyepej hopkhilak tachʼote lechʼefwa.

Ochaje mʼak toj matche hop nʼokalelhthayaj (6:30)

Ichepej toj nʼoyome toj wichi toj yen lhometa Heowa itiyej kanhi lewʼet lheley. Mat, ¿ha matche tajtso?

«¿Ha wichi toj yen lhometa Heowa itiyej kanhi lewʼet lheley, wok ihutwek?» (Nʼochufwenyaj toj ihi jw.org)

Nilhokej namel is che natshupiye mʼak toj nawohiyela. Wujpe mʼayhaytso toj natshupiyela iwoyek yʼaje mʼak toj nehi wet toj naise Heowa. Malhyej toja, iwoyek natshupiye lhip toj nehihla, natʼukwe lhachumet hopkhilak iche mʼak toj naisej wet che natawhayeyhla wok kha. Che natshupiye mʼayhay toj isen iwohiyelak lhakajyajay ihiche wet nakajyenlhi Heowa.

1. ¿Chi malhyej (Ep hote) toj Biblia iwoyek tachʼot ame toj letshupiye mʼak toj is alhoho?

Alheje Heowa lechʼotyaj toj kamaj letshupiyetʼa mʼak toj lewohiyela. Wet alekhajyenej toj letʼukwe toj ihi Biblia chi malhyej (ep hote) toj Heowa hiwʼen mʼak toj letshupiyela (yahyen Proverbios 2:3-6). Ichepej toj kalelhaj mʼak toj Heowa tataye che nawoye. Che malhyejtso, mʼak toj is che lewoye hope toj letachʼahuye.

Mat ¿che Biblia yomhiyetʼa mʼak toj is che nawoye? Tej toj malhyejtso, Heowa ihanla amkwe «nʼayij [...] tä is chik lenukwe» (Isaías 48:17). ¿Chi malhyej (Ep hote) toj iwoye tajtso? Ichumyenlhi mʼayhay toj matchehen toj ihi Biblia hopkhilak tachʼot ame toj letafwelche mʼak toj Heowa yen tichunhayaja wet chi malhyej (ep hote) toj Lham ilat lhame. Wet tajtso nawʼen lewhay toj nayahyen hop Lhomet. Toj nahanej chi malhyej (ep hote) Heowa letichunhayaj tachʼotla namehen toj natshupiye mʼak toj lham ihumin.

2. ¿Atsi mʼak toj is che lehanej toj kamaj letshupiyetʼa mʼak toj lewohiyela?

Biblia yok: «häp elh tä lehusek ihi, chunkat itetshan ayej wet nechʼe iwoye» (Proverbios 14:15). Toja hope toj, che nʼoelh tʼuhlak tatshupiye mʼak, toj ichun is che takasit wet itichunejlhi mʼak toj iwohiyela. Toj letetshan mʼak toj letshupiyela, atshan ame: «¿Atsi mʼayhay toj matchehen toj ihi Biblia yiwtejla mʼak toj otshupiye? ¿Atsi mʼak elh toj otshupiyela che hiwʼenla nʼoho nʼotamsek? ¿Chi malhyej (Ep hote) toj iwoyek yʼaje oiyhaj mʼak toj otshupiyela? Wet tajtso, ¿ikajyenlhila Heowa?» (Deuteronomio 32:29).

Tajlhamet Dios toj iwoyek ifwel namhohen che is wok isitʼa mʼak toj nawoye. Lewhay toj natafwelej laka leyes wet mʼayhay toj matchehen toj ihi Biblia wet nahuminchek natchʼahuye iwohiyelak lhatichunhayaj letamsek ihi. Hop nʼotichunhayaj hope nʼopak toj talh lechʼoye toj ifwel namhohen mʼak toj is wok mʼak toj isitʼa toj nawoye (Romanos 2:14, 15). Hop nʼotichunhayaj toj nʼotafwnhatej mʼak toj is, tachʼotla namehen toj natshupiye mʼayhay toj isen.

NATʼAYHETTSHI TOJ NALECHUFWENEJ

3. Yej tekawayhla Biblia lechʼotyaj

VIDEO: Is che mʼayhay toj ihi Biblia tachʼot namehen (5:54)

• ¿Atsi nʼowʼayhat toj isilataj toj Heowa hiwʼen namhohen?

• ¿Atsi mʼak toj tamenej toj Heowa inuhitʼahla toj natshupiye mʼak toj nawohiyela?

• ¿Atsi nʼochʼotyaj toj Dios hiwʼen namhohen hopkhilak nam is toj nachumyenlhi nʼowʼayhatna lewhay toj natshupiye mʼak?

Hopkhilak lewʼen mʼak toj hope mʼak toj matche toj ihi Biblia, yahyen Efesios 5:15, 16. Che paj ame chi malhyej (ep hote) toj nʼoelh iwoyek ihanlhi nʼofwonyajna toj yok: «Wo kotsayej lewhäyna wet äm is mʼak tä lewoye» hopkhilak...

• ... iyahyenpej Biblia nilhokej ifwalas.

• ... iyhaj toj lechʼefwas ihi, nʼojchalis, nʼokolis wet naʼtshas yam is lechumet.

• ... nahoyepej reuniones toj congregación yenlhi.

4. Chufwen atichunhayaj hopkhilak letshupiye mʼayhay toj isis

VIDEO: «Is che is atichunhayaj» (5:13)

• Malhyej toj ihi video, ¿atsi mʼayhay toj iwoye ipunfwa atsinha toj ichufwenlhi letichunhayaj wet tatshupiye mʼak toj Heowa ihumin?

¿Atsi mʼak toj tamenej toj isitʼak natʼalhe nʼoelh hopkhilak ifwel namhohen mʼak toj is che natshupiye? Yahyen Hebreos 5:14 wet ame mʼayhayna:

• Tej toj iwoyek hope mʼak toj athahitʼa toj natʼalhe nʼoelh hopkhilak ifwel namhohen mʼak toj is che natshupiye, ¿atsi mʼak toj tamenej toj is che namel tʼat toj natetshan che is mʼak toj natshupiye?

• ¿Atsi mʼayhay toj iwoyek tachʼot namehen toj nachufwenlhi lhatichunhayaj wet natshupiye mʼayhay toj isen?

5. Yej lhen wʼet mʼayeka mʼak toj iyhaj yen tichunhayaja

Toj nilhokej namel nawʼenhahiche, mʼayhay toj natshupiye hate wʼenhahiche. ¿Chi malhyej (Ep hote) toj iwoyek nanʼalit toj nenhitʼa wʼet mʼayeka iyhaj letichunhayajay? Natetshan dos ejemplos.

Ejemplo 1: Iche ipunfwa atsinha toj ihumin toj lhaisyenlhi (maquillarse) tʼaye congregación elh, ipunfwas atsinhay toj ihi congregación wujitʼa toj ihumin toj hiwʼen toj lham iwoye tajtso.

Yahyen Romanos 15:1 wet 1 Corintios 10:23, 24 wet ame mʼayhayna:

• Malhyej toj ihi versículos, ¿atsi mʼak toj ipunfwa atsinha iwoyek tatshupiye toj iwoye? Wet am, ¿atsi mʼak toj lewohiyela che nʼoelh letichunhayaj yome toj isitʼa mʼak toj am letshupiye?

Ejemplo 2: Iche ipunfwa toj ihanej toj Biblia nahiyejtʼa toj nʼoelh iyayej hatʼes; mat lham tatshupiye toj iyahiyejtʼa. Iche ifwala, toj ipunfwas yenlhi nʼokajyaj tʼane lham wet hiwʼen toj ipunfwas iyhaj iyayej hatʼes.

Yahyen Eclesiastés 7:16 wet Romanos 14:1, 10 wet ame mʼayhayna:

• Malhyej toj ihi versículos, ¿atsi mʼak toj ipunfwa iwoyek tatshupiye toj iwohiyela? Wet am, ¿atsi mʼak toj lewohiyela che lewʼen toj aelh iwoye mʼak toj atichunhayaj yome toj isitʼa?

¿Atsi mʼayhay toj is che lehanlhi hopkhilak letshupiye mʼak toj is alhoho?

1. Alheje Heowa lechʼotyaj hopkhilak tachʼot ame toj letshupiye mʼak toj lewohiyela (Santiago 1:5).

2. Tetshanchʼoye mʼak toj Biblia yome wet mʼak toj ihi publicaciones hopkhilak lewʼen mʼayhay toj matchehen toj ihi Biblia toj yiwite mʼak toj am lehuminchek letshupiye. Hate iwoyek leyʼatshane ipunfwas toj letʼekhayaj takhajay.

3. Tichunejlhi toj mʼak toj letshupiyela yʼajiyela atichunhayaj wet aiyhaj.

MʼAYHAY TOJ LETETSHANNE

Is mʼak toj natshupiye lewhay toj natetshanchʼoye chi malhyej (ep hote) Heowa letichunhayaj toj itiyej mʼak toj natshupiye wet natetshanchʼoye toj mʼak toj nawoye tachʼothiyela wok tamenhiyeja lhaiyhaj.

Mʼayhay toj nalechufwenejne

• ¿Chi malhyej (Ep hote) toj am iwoyek letshupiye mʼak toj Heowa ihumin?

• ¿Atsi mʼak toj is che lewoye hopkhilak lechufwenlhi atichunhayaj?

• ¿Chi malhyej (Ep hote) toj am iwoyek lenʼalit toj lhenhitʼa wʼet mʼayeka aiyhaj letichunhayajay?

IWOYEK LEWʼEN IYHAJ MʼAYHAY:

¿Chi malhyej (Ep hote) toj iwoyek letshupiye mʼayhay toj lhayʼe lhip toj aise Dios?

«Natshupiye mʼayhay toj iwujyen Dios» (La Atalaya, 15 toj abril toj 2011)

Tafwelej chi malhyej (ep hote) toj Heowa ifwon namehen.

Heowa inuhyenkwe laka wichi lenʼayij (9:50)

Tafwelej mʼak tachʼote pʼante hinʼu toj tatshupiye mʼak toj atha.

Heowa ikalelhat namhohen mʼak toj is (5:51)

Yahyen mʼayhay iyhaj toj iwoyek ikajyenlhi Heowa lewhay toj ihichetʼa mʼak toj kalelhaj toj natʼuhlak natshupiye.

«¿Ha is che talhopej Biblia mʼak toj is che natshupiye?» (La Atalaya, 1 toj diciembre toj 2003)