3. ¿Atsi mʼak toj Heowa tataye che lakalayʼis iwoye?

Heowa ihumnhen nilhokej wichi, mat «ihumin tʼat tä iyej wichi tä isen» (Proverbios 3:32). Heowa tataye tʼat che lakalayʼis lhaikhajyenej toj iwoye mʼak toj lham ihuminche wet takawayhla mʼayhay toj niʼisahen. Nʼalej toj iche wichi iyhaj toj yen tichunhayaja toj ihichetʼa lewhay che ikalhihla mʼak toj Heowa tʼalhe toj lhamel iwoye. Mat lham hope elh toj pʼaltsentsaj wet tachumla nilhokej wichi toj ihumin lham wet toj lhaikhajyenej toj ise hop lham (Salmo 147:11; Apóstoles Lhenhay 10:34, 35).

Nilhokej wichi tʼuhlak hiwʼen lakalayʼis toj lehusey ihi, wet Heowa hate tataye tajtso. Mat matche toj atha toj nʼoelh lehusek ihi toj ihi honhatna toj wujpe wichi toj ifwechʼenwetha iyhaj. ¿Ha iche mʼak toj nakalhi toj nanʼalit toj lhahusey ihi? ¿Atsi toj hopehen?

1. ¿Atsi mʼak toj lhayʼe lhip toj laha ihi hopkhilak nʼoelh lehusek ihi?

Lewhay toj nawoyeje mʼak toj is wichi, nanʼaltej Heowa toj nahumin wet toj nenhitʼa wʼet mʼayeka. Is che lehanej tʼat toj Heowa ihanej nilhokej mʼak toj nen tichunhayaja wet mʼak toj nawoye (Hebreos 4:13). Lewhay toj natʼuhlak nam is nilhokej mʼak toj nawoye, lham ihanej wet wuj toj kajejlhi. Lhomet yok: «Tsi Lhawuk yʼulhan [wok nʼayiho] häp wichi tä iwoye mʼak tä niʼisa, mat ihumin tʼat tä iyej wichi tä isen» (Proverbios 3:32).

2. ¿Atsi mʼayhay toj nawoye nilhokej ifwalas is che inʼalit toj nahopehen iyhaj toj lehusey ihi?

«Äm matche mʼak tä lefwenho aelhpej» tajtso hope mʼak toj Heowa tataye che nawoye (Zacarías 8:16, 17). ¿Atsi mʼak toj hope tajtso? Hope toj name mʼak toj matche wok nafwenhihotʼa mʼak toj mathichetʼa lhawʼet lheley, lhatʼunfwas toj ihi lhachumet, lhapunfwas toj ihi congregación wet hate iyhaj toj lenʼohyajay ihi. Hop wichi toj lehusey ihi hopkhitʼa iyhaj toj etantses wet yampej matche mʼak toj yome (yahyen Proverbios 24:28 wet Efesios 4:28). Hate, tiskanpe laka impuestos (Romanos 13:5-7). «Wuj tä otʼuhläk is alhoho nilhokej mʼak tä owoye» mʼayhay toj natetshanne wet mʼayhay iyhaj toj nawoye nilhokej ifwalas hope toj is che natʼuhlak nakalhi toj nawoye (Hebreos 13:18).

3. ¿Atsi mʼak toj nʼokalhi che nʼoelh inʼalit toj lehusek ihi?

Lewhay toj nʼotafwel namejen toj nahopehen iyhaj toj lehusey ihi, iwoyek nakalhi toj lhaiyhaj tʼekha namehen. Mʼak elh, toj nanʼalthila hope nʼotamsek wet natʼu lhamehen toj ihi congregación, malhyej che nahopehen nʼowʼet lheley. Hate toj nen kajyaja toj lhatichunhayaj letamsek ihi. Toj nahopehen iyhaj toj lehusey ihi, nanʼalthila «tä matche tä isilataj nʼochufwenyaj tä yäme Dios Lhafwayhthi», iwoyek nakalhi toj wichi iyhaj ihuminchek tachumhoplhi Heowa (Tito 2:10).

NATʼAYHETTSHI TOJ NALECHUFWENEJ

4. Heowa ihumin wichi toj lehusey ihi

Yahyen Salmo 44:21 wet Malaquías 3:16 wet ame mʼayhayna:

• ¿Atsi mʼak toj tamenej toj isitʼak namatitche toj iwoyek naskatho mʼak Heowa? ¿Atsi mʼak toj tamenej toj malhyejtso atichunhayaj?

• Che nafwel mʼak toj matche, tej toj ichepej toj atha toj nawoye, ¿chi malhyej (ep hote) toj ilat lhame Heowa?

5. Is che nilhokej lewhay toj nanʼalit toj nahopehen iyhaj toj lehusey ihi

VIDEO: ¿Atsi mʼak toj iwoyek tachʼot namehen toj lhakajyaj ihi? Che lhatichunhayaj letamsek ihi (2:32)

Yahyen Hebreos 13:18 wet ame chi malhyej (ep hote) toj iwoyek lenʼalit toj ahusek ihi che...

• ... lheyej hawʼet lheley.

• ... lhehi achumet wok nʼochufwenyajwʼet.

• ... lhehi mʼak at che hope.

6. Toj lhahusey ihi naisej

Toj lhahusey ihi naisej tej toj iwoyek ichaj namehen lhawitʼay. Yahyen Salmo 34:12-16 wet ame mʼayhayna:

• ¿Chi malhyej (Ep hote) toj lhahusey ihi yam is mʼak toj nehi?

1. Lewhay che hinʼu wok lechʼefwa inʼalit toj lehusey ihi, laka matrimonio takhajay.

2. Lewhay che chumhas inʼalit toj lehusey ihi, ikalhi tʼat toj lewuk tʼekhaye lhamel.

3. Lewhay toj wichi inʼalit toj lehusey ihi, ikalhi toj iyhaj toj lenʼohyajay ihi yome toj lakeyis isen.

MʼAYHAY TOJ LETETSHANNE

Heowa tataye toj mʼak toj lakalayʼis iwoye wet yome inʼalit toj lehusey ihi.

Mʼayhay toj nalechufwenejne

• ¿Atsi mʼayhay toj nawoyepej is che inʼalit toj lhahusey ihi?

• ¿Atsi mʼak toj tamenej toj isitʼak nʼoelh imatitche toj iwoyek iskat mʼak toj matche?

• ¿Atsi mʼayhay toj lewʼen hopkhilak lenʼalitpej toj ahope elh toj lehusek ihi?

IWOYEK LEWʼEN IYHAJ MʼAYHAY:

¿Chi malhyej (Ep hote) toj nʼojchalis wet nʼokolis iwoyek ichufwenej leles toj is che lehusey ihi?

Is che lhame mʼak toj matche (1:44)

¿Atsi mʼak toj tachumlahla iyhaj toj yam matche lhomet?

Am matche mʼak toj lefwel wet tachumla nʼokopfwayajay (9:09)

Tetshan che is che natiskanpe impuestos tej toj isitʼa alhoho toj nʼochumyenlhi chinaj tʼoj.

«¿Ha am is che letiskanpe impuestos?» (La Atalaya, 1 toj septiembre toj 2011)

¿Atsi mʼak toj inityenej hinʼu toj ihumin toj ifwechʼenwetha wichi wet isoyej laka chinaj tʼoj toj lhayene nʼoelh toj lehusek ihi?

«Ohanej toj Heowa hope elh toj pʼaltsentsaj wet itayhat wichi letes» (La Atalaya, 1 toj mayo toj 2015)

2. ¿Ha Heowa itetshan akalayʼis toj am letshupiye?

Heowa yam is wichi toj itshupiye toj yen lakalayʼisa. Biblia yok: «Ihumin tʼat tä iyej wichi tä isen» (Proverbios 3:32). ¿Chi malhyej (Ep hote) toj lefwetaj toj ilat lhame Heowa che nahanwetha iyhaj toj ihuminhitʼa? ¡Wuj toj lefwitajayaj ihi! (yahyen Santiago 4:4). Mʼak elh, che natekawayhla nʼokalayʼis toj niʼisahen namwhoye Lham wet iyhaj toj ihumin, Heowa wuj toj lekajyaj ihihla wet yamhiyela toj nahopehen lakalayʼis (Salmo 15:1-4).