-
¿Atsi toj hope toj nʼoelh lhayʼuythihotʼa mʼayhay toj ihi honhatna?¡Iwoyek lepes ihihitʼa akajyaj! Libro toj ichufwen amej mʼak toj ihi Biblia
-
-
NʼOCHUFWENYAJ 45
¿Atsi toj hope toj nʼoelh lhayʼuythihotʼa mʼayhay toj ihi honhatna?
Jesús yome pʼante lechufwenkay toj yok: «nemhit ahäpehen honhat leles» (Juan 15:19). Toja hope toj lhayʼuythihotʼa mʼak toj políticos iwoye wet ihohiyetʼa nʼokaʼtshayaj. Mat atha toj nʼoelh lhayʼuythihotʼa mʼayhay toj ihi honhatna. Iwoyek, wichi ilakwetha namel toj nawoye tajtso. ¿Chi malhyej (Ep hote) toj iwoyek nanʼalit toj nalhayʼuythihotʼa mʼayhay toj ihi honhatna wet natʼifwtiyej Heowa?
1. ¿Chi malhyej (Ep hote) cristianos toj matchehen letichunhayaj toj itiyej niyatey?
Cristianos toj matchehen yenhitʼa wʼet mʼayeka niyatey. Jesús yok: «Achaje niyat Romano häp mʼak tä lewuk». Wet tajtso hope mʼak toj nawoye: natchʼahuye leyes toj ihi país, malhyej toj tʼalh namehen toj natiskanpe impuestos (Marcos 12:17). Biblia itafwnhat namejen toj, che niyatey iwo leniyatyaja, hop toj Heowa inuhitʼahla (Romanos 13:1). Hop toj tamenej toj nahanej toj niyateyna lenʼohyajay lepes ihi, mat Dios kha. Kalelhaj namhohen toj lhaka Dios wet leniyatyaj yamla is nilhokej nʼowitʼayhyajay toj ihi honhatna.
2. ¿Chi malhyej (Ep hote) toj nanʼalit toj nalhayʼuythihotʼa mʼayhay toj ihi honhatna?
Malhyej Jesús, nalhayʼuythihotʼa política. Lewhay toj wichi iseltej toj hiwʼen pʼante mʼak toj Jesús iwoye wet tʼuhlak yen niyata toj ihi honhatna, lham inuhla tajtso (Juan 6:15). ¿Atsi mʼak toj tamenej? Lham toj paj yome toja: «Oniyatyaj tälhiyetʼa honhatna» (Juan 18:36). Namel, toj nahanlhi Jesús, nanʼalit wujpe lenʼayhay toj nalhaithathichetʼa mʼayhay toj ihi honhatna. Malhyej toja, nahohiyetʼa nʼokaʼtshayaj (yahyen Miqueas 4:3). Tej toj nenhitʼa wʼet mʼayeka hop símbolos patrios, malhyej bandera, nanʼokwiyejtʼa (1 Corintios 10:14). Wet nalhaithathichetʼa partido político at che hope wok elh toj tʼuhlak lhayen niyata. Mʼayhayna wet mʼayhay iyhaj toj nawoye nanʼalit toj tajlhamet Dios Leniyatyaj toj natʼifwtiyej.
NATʼAYHETTSHI TOJ NALECHUFWENEJ
Natetshan mʼayhay iyhaj toj iwoyek tamenej toj nalhayʼuytho mʼayhay toj ihi honhatna wet hate natetshan chi malhyej (ep hote) toj am iwoyek letshupiye mʼak toj iwoyek ikajyenlhi Heowa.
3. Cristianos toj matchehen lhayʼuythihotʼa mʼayhay toj ihi honhatna
Jesús wet lechufwenkay inʼalit namejen mʼak toj is che nawoye. Yahyen Romanos 13:1, 5-7 wet 1 Pedro 2:13, 14. Toj paj yahin VIDEO wet ame mʼayhayna:
¿Atsi mʼak toj tamenej toj isitʼa toj nen wʼet mʼayeka hop niyatey?
¿Atsi mʼayhay toj tʼalh namehen toj nanʼaltej toj natchʼahuye lhamel?
Che iche nʼokaʼtshayaj, honhatil iyhaj yome toj lhayʼuythihotʼa mʼak toj iyhaj iwoye, mat lhaithatche honhat elh toj tataywek. ¿Ha hope tajtso toj lhayʼuythihotʼa mʼayhay toj ihi honhatna? Yahyen Juan 17:16. Toj paj yahin VIDEO wet ame mʼayhayna:
¿Atsi toj hope toj nʼoelh lhayʼuythihotʼa mʼayhay toj ihi honhatna?
Ichepej toj niyatey tʼalh namehen mʼayhay toj tatayhla Dios laka ley. ¿Atsi mʼak toj nawohiyela? Yahyen Apóstoles Lhenhay 5:28, 29. Toj paj yahin VIDEO wet ame mʼayhayna:
Che iche elh niyat laka ley toj tatayhla Dios laka ley, ¿atsi elh toj natchʼahuhiyela?
¿Ha lehanej mʼak toj iwoyek ihi cristianos toj tachʼahuhiyetʼa mʼak toj niyatey yome?
4. Is che mʼak toj letichunejlhi wet mʼak toj lewoye inʼalit toj aleyʼuythihotʼa mʼayhay toj ihi honhatna
Yahyen 1 Juan 5:21. Toj paj yahin VIDEO wet ame mʼayhayna:
¿Atsi mʼak toj tamenej toj Ayenge lhaithathichetʼa partido político wet nʼokwihiyejtʼa bandera?
¿Ha lefwetaj toj lham tatshupiye mʼak toj is?
¿Atsi mʼayhay iyhaj toj iwoyek tamenej toj nalhayʼuytho mʼayhay toj ihi honhatna? Yahin VIDEO wet ame mʼayhayna:
¿Chi malhyej (Ep hote) toj nanʼalit toj nalhayʼuythihotʼa mʼayhay toj ihi honhatna che iche eventos deportivos internacionales?
¿Chi malhyej (Ep hote) toj nanʼalit toj nalhayʼuythihotʼa mʼayhay toj ihi honhatna che naisej wok kha mʼak toj políticos tatshupiye?
¿Chi malhyej (Ep hote) toj iwoyek yelhat namehen mʼak toj nʼoyome toj ihi noticias wok wichi toj ilun namejen yome?
¿Atsi lewhayis toj cristiano inʼalit toj letichunhayaj wet mʼak toj iwoye lhayʼuythihotʼa mʼayhay toj ihi honhatna?
MʼAK TOJ IYHAJ YʼATSHANE: «¿Atsi mʼak toj tamenej toj lenʼokwiyejtʼa bandera wet letenhitʼa himno nacional?».
¿Atsi mʼak toj lechulhihola?
MʼAYHAY TOJ LETETSHANNE
Hop cristianos matche toj lhaikhajyenej toj lhaithathichetʼa mʼak toj políticos iwoye, wet tajtso nʼal lewhay toj itichunwetha, yamwetha wet mʼak toj iwoye.
Mʼayhay toj nalechufwenejne
¿Atsi mʼak toj is che nawoyeje niyatey?
¿Atsi mʼak toj tamenej toj nalhayʼuythihotʼa mʼak toj políticos iwoye?
¿Atsi mʼayhay toj iwoyek yelhat namehen?
IWOYEK LEWʼEN IYHAJ MʼAYHAY:
¿Atsi mʼayhay toj nʼalej toj is che natiyej kanhi hopkhilak nalhayʼuythihotʼa mʼayhay toj ihi honhatna?
¿Chi malhyej (Ep hote) toj wichi toj lewʼet lheley ihi iwoyek lhaiwaklhaten hopkhilak che iche mʼak toj yelhte lhamel iwoyek tumla?
Wujpe wichi, yome toj che tʼuye lhip toj ihi hope lenʼohyaj toj iwoyek hiwʼen, mat, ¿ha matche tajtso?
¿Atsi lewhay toj nanʼalit toj nahopkhihentʼa honhat leles che natshupiye lhachumet?
«Tsi elh weihalhapej tilhäjla tʼat mʼak tä lham lelhuk» (La Atalaya, 15 toj marzo toj 2006)
-
-
Che nʼohanwetha namel am iwoyek letumla¡Iwoyek lepes ihihitʼa akajyaj! Libro toj ichufwen amej mʼak toj ihi Biblia
-
-
Lewhay at che hope, nilhokej cristianos wichi tataytahla wet nʼohanlawetha. ¿Ha is che nanowaye tajtso?
1. ¿Atsi mʼak toj tamenej toj naselthiyejtʼa toj nʼohanwetha namel?
Biblia yome toj «nilhokej [...] tä tʼuhläk ihän Cristo Jesús lenʼäyij tä is alhoho, wichi itihiyeja lakaʼtshayaj» (2 Timoteo 3:12). Jesús nʼohanlhi pʼante hop toj lhayʼajthiyetʼa honhatna toj Satanás niyatej. Wet toj namel hate nawohiyetʼa tajtso naselthiyejtʼa toj niyatey wet religiones toj kamatachehen laka organizaciones toj ihi honhatna naihanwetha (Juan 15:18, 19).
2. ¿Chi malhyej (Ep hote) toj iwoyek nalhaiwaklhaten hopkhilak che nʼohanwetha namel nawakʼalhen?
Is che talhe athana toj nakhajyen lhatʼekhahyaj toj natiyej Heowa. ¿Wet chi malhyej (ep hote) toj nʼowoye tajtso? Natʼukwe lewhay hopkhilak nawo tʼalhyaja wet nayahyen Lhomet. Wet hate nen keya toj nahoye reuniones toj congregación yenlhi. Nilhokej mʼayhayna hiwʼenla amho akhajyhayaj toj lewatla hopkhilak atʼotle tʼun toj letatayhla che nʼoaihanlhi, tej toj iyhaj toj tatay ahila hope hawʼet lheley. Apóstol Pablo, ifwalaspej toj nʼohanlhi pʼante, lham ilesayen toja: «Lhawuk tä tachʼot nʼoye, tek onoway» (Hebreos 13:6).
Mʼak elh toj iwoyek tachʼot namehen toj lhatʼotle tʼunhen hope toj nawo lhometa. Tajtso ichufwen namejen toj natʼekhaye Heowa wet natiyej kanhi lhanowayhyaj toj natiyej hinʼu (Proverbios 29:25). Che atʼotle tʼun, awakʼalhila hopkhilak letujlhache toj lewo ameta tej che niyatey ihuminchek ikastayen lhachumet (1 Tesalonicenses 2:2).
3. ¿Ha iche mʼak toj naisej toj natelaytej toj nʼohanwetha namel?
Matche, nahuminhitʼa che nʼohanwetha namel. Mat che natelaytej tajtso, lhatʼekhahyaj lhayʼehila lhip toj takhajay. Hate lhayʼehila lhip toj namwhaye Heowa hop toj nawʼen toj lham tachʼot namehen lewhay toj nafwetaj toj iwohiyetʼak natujlhache lhanʼayij (yahyen Santiago 1:2-4). Heowa wuj toj ilat toj nehi lhatelaythayajay, mat wuj toj lakajyaj ihi toj hiwʼen toj namel nalehiyejtʼa lham. Biblia yok: «Mat chik häpe mʼak tä is tä lewoye tä tamenej tä ateläythayaj iʼamejen, häp tä laha ihi wet Dios akäjlhi amejen» (1 Pedro 2:20). Nilhokej lhamel toj itelaytej toj nʼohanwetha wet tʼifwtiyej Heowa, lham iwohla wʼayhatayej toj lepes ihihitʼa lewʼatshancheyaj che ihi honhat toj ihichetʼala Dios letayhfwas toj tatayhla mʼak toj matche (Mateo 24:13).
NATʼAYHETTSHI TOJ NALECHUFWENEJ
Natetshan mʼayhay iyhaj toj inʼalit toj nʼoelh iwoyek tʼifwtiyej Heowa tej toj nʼohanlhi. Wet natetshan atsi mʼak toj iwoyej namehen hop toj natelaytej mʼayhaytso.
4. Am iwoyek letelaytej toj hawʼet lheley tatay ahila
Jesús ihanej pʼante tajtso wet yome toj ihichela lhawʼet lheley iyhaj toj iwoyek tatayhla namel hopkhilak naleyej toj nanʼokwiyej Heowa. Yahyen Mateo 10:34-36 wet ame mʼayhayna:
Che nʼoelh tatshupiye toj tachumhoplhi Heowa, ¿chi malhyej (ep hote) toj lewʼet lheley iwoyek hiwʼen tajtso?
Hopkhilak letafwelej wichi toj hate ihi pʼante tajtso, yahin VIDEO. Che paj ame mʼayhayna:
¿Atsi mʼak toj am lewohiyela che iche akalayʼi wok hawʼet lhele elh toj inityen amej hopkhilak leleyej toj lechumhoplhi Heowa?
Yahyen Salmo 27:10 wet Marcos 10:29, 30. Toj tafwaytshi toj leyahyen textos, ame mʼayhayna:
¿Chi malhyej (Ep hote) toj iwoyek tachʼot ame mʼak toj Heowa ifwel hopkhilak letumla che akalayʼis wok hawʼet lheley tatay ahila?
5. Che nʼohanwetha namel isitʼa che tajtso inuhla toj nanʼokwiyej Heowa
Is che lhatʼotle tʼunhen toj nachumhoplhi Heowa che iche wichi toj tʼuhlak nawohiyetʼa tajtso. Yahin VIDEO wet ame mʼayhayna:
¿Atsi mʼak toj ihi video hiwʼen amho akhajyhayaj hopkhilak atʼotle tʼun?
Yahyen Apóstoles Lhenhay 5:27-29 wet Hebreos 10:24, 25. Toj tafwaytshi toj leyahyen textos, ame mʼayhayna:
¿Atsi mʼak toj tamenej toj lhayʼe lhip toj laha ihi toj natujlhache toj natchumhoplhi Heowa tej che niyatey inuhla toj nawo lhometa wet toj nalehutwekhen?
6. Heowa tachʼotla ame
Wichi toj yen lhometa Heowa toj talhe lhipey iyhaj toj tanhay, mamses, lhutshay wet naʼtshas ikalhi toj tʼifwtiyej Heowa tej toj nʼohanwetha lhamel. Hopkhilak lehanej mʼak toj lhamel iwoye toj ikalhi tajtso, yahin VIDEO. Wet ame mʼayhayna:
¿Atsi mʼak toj tachʼote ipunfwasna hopkhilak tumla toj nʼohanwetha?
Yahyen Romanos 8:35 wet 37-39, hate 2 Corintios 4:7. Toj tafwaytshi toj leyahyen textos, ame mʼayhayna:
¿Chi malhyej (Ep hote) toj ikalelhat amho textona toj am iwohiyelak letumla mʼak at che nʼoti amej?
Yahyen Mateo 5:10-12 wet ame mʼayhayna:
¿Atsi mʼak toj tamenej toj iwoyek akajyaj ihi che nʼoaihanlhi?
Millones wichi toj yen lhometa Heowa tumla toj nʼotatayhla lhamel. ¡Am hate iwoyek lekalhi!
IYHAJ WICHI YOME TOJA: «Nʼalej toj che wichi ihanlhinʼo iwohiyetʼak otumla».
Che nʼoelh letichunhayaj malhyejtso, ¿atsi texto toj ihi Biblia toj iwoyek ikhajyen lham?
MʼAYHAY TOJ LETETSHANNE
Heowa wuj toj lakajyaj ihi toj hiwʼen namel toj nalekhajyenej toj natchumhoplhi Lham tej che iche wichi toj ihanwetha namel. ¡Isej lakhajyhayaj iwohiyelak natumla!
Mʼayhay toj nelechufwenejne
¿Atsi mʼak toj tamenej toj cristianos isitʼak iseltej che wichi ihanwetha lhamel?
¿Chi malhyej (Ep hote) toj am iwoyek alewaklhat che wichi aihanlhi?
¿Atsi mʼak toj ikalelhat amho toj am iwoyek lechumhoplhi Heowa tej che iche mʼayhaytso?
IWOYEK LEWʼEN IYHAJ MʼAYHAY:
Yahin chi malhyej (ep hote) toj Heowa tachʼote mamse lewhay toj lham ihi nʼopʼonthi hop toj lhaitathichetʼa mʼak toj ihi honhatna.
Tetshan mʼak toj tachʼote hinʼu wet lechʼefwa hopkhilak tʼifwtiyej toj tachumhoplhi Heowa wujpe lewhayis tej toj wichi tatayhla.
Olhamel ochumhoplhi Heowa lewhay toj iwo iyhaja mʼayhay (7:14)
Alechufwenej toj atʼotle tʼun toj letayhla toj wichi aihanlhi.
¿Atsi mʼak toj is che nahanej toj lhawʼet lheley tatayhla namel? ¿Wet chi malhyej (ep hote) toj kamaj lhatamsek ihi wet natʼifwtiyej Heowa?
«Mʼak toj matche ichajitʼa nʼotamsek hope nʼokaʼtshayaj» (La Atalaya, octubre toj 2017)
-