6. Iwoyek nʼotumla nʼowitʼayhyajay toj ihi matrimonio

VIDEO: Chi malhyej (Ep hote) toj nʼokhajyen matrimonio (5:44)

• ¿Atsi mʼayhay toj inʼalit hinʼu wet atsinha lhimpajpej toj lhaipʼajthitʼawek?

• ¿Atsi mʼayhay toj iwoye hopkhilak ikhajyen laka matrimonio?

Yahyen 1 Corintios 10:24 wet Colosenses 3:13. Che paj toj leyahyen versículo, ame mʼayhayna:

• ¿Atsi mʼak toj tamenej toj ikhajyen matrimonio che nʼohanlhi nʼofwonyajna?

Biblia yome toj is che natiʼpej lhamejen lhanʼohyajay weihalhapej namel wet tajtso hope toj nanʼaltej nʼoelh at che hope lhahumnhayaj wet nenhitʼa wʼet mʼayeka. Yahyen Romanos 12:10 wet ame mʼayhayna:

• ¿Ha hinʼu wok atsinha toj lechʼefwa ihi is che ichunkat toj inʼaltej lenʼohyaj elh? ¿Atsi mʼak toj tamenej toj malhyejtso atichunhayaj?

Nilhokej namel nahumin toj natshupiye atsi lhakay toj nawʼuyhi wet chi malhyej (ep hote) toj nalhayenwetha. Che nahanlhi mʼayhay toj matchehen toj ihi Biblia toj athahitʼa, iwohiyelak nakajyenlhi Heowa wet nawʼuyhi lhakay toj nahumin. Natetshan iyhaj tajtso.

1. ¿Atsi mʼayhay toj matchehen toj ihi Biblia is che nahanlhi che nalhayenwetha?

Elh toj cristiano is che tatshupiye «tawʼuyhi lewʼuyis tä tʼuhawetej» «yämthilek nʼälej tä häpehen iyhäj tä lehusek ihi» wet «mʼak tä is tä tet iwoyek yen lewʼuya», hate lhakay isitʼa che tachʼoy hopkhilak «lhayen Dios tʼamajchetesa» (1 Timoteo 2:9, 10). Natetshan cuatro mʼayhay toj matchehen toj ihi Biblia toj talho textona: 1) Lhakay is che «tʼuhawetej» wok is. Toj ihi Heowa ka wichi iche wujpe mʼayhay toj nʼohumin, nʼalej toj pajche toj lewʼen toj ihi olhamel oka reuniones, mat lhakay toj nawʼuyhi wet lhawʼoley inʼalit toj nenhitʼa wʼet mʼayeka Dios toj nanʼokwiyej. 2) Toj nalhayenwetha is che inʼalit toj nahopehen «iyhäj tä lehusek ihi», tajtso hope toj natekawayhla nʼokay toj ipʼakej lhatʼisan wet toj wawʼulhihotʼa. 3) Nanʼalit tʼat «mʼak tä is» toj nawoye toj nawʼuyhihitʼa nʼokay toj moda. 4) Lhakay toj nawʼuyhi is che inʼalitpej toj «[n]ayen Dios tʼamajchetesa», toj malhyejtso nanʼaltej lhaiyhaj toj nanʼokwiyej Dios toj matche (1 Corintios 10:31).

2. ¿Chi malhyej (Ep hote) toj lhakay toj nawʼuyhi yʼaje cristianos?

Matche tʼat toj iwoyek natshupiye atsi lhakay toj nawʼuyhi. Is che natichunejlhi che tajtso iwoyek tamenej lhaiyhaj. Nalhaikhajyenhen hopkhilak lhaiyhaj iyahinhitʼa kanhi. Nahanlhi nʼofwonyajayna: «Is chik elhpej nʼamel iwoye mʼak tä lepuhfwa isej, yämlek lhaikhajyenej tʼekhahyaj» (yahyen Romanos 15:1, 2).

3. ¿Chi malhyej (Ep hote) toj lhakay toj nawʼuyhi inityenej wichi iyhaj toj itafwelej Heowa?

Nalhaikhajyenej toj nawʼuyhi nʼokay toj tʼuhawetej nilhokej lewhay. Mat natetshan lhakay iyhaj toj nawʼuyhihla toj nahoye reuniones wet toj nawo lhometa. Isitʼa che nawʼuyhi lhakay toj tʼuhawethiyejtʼa toj nawo lhometa hop toj iwoyek tamenej toj wichi yen wʼet mʼayeka nʼosilotyaj toj nahane. Mat, nahuminchek nakhajyen lhaiyhaj hopkhilak itafwelej mʼak toj matche wet yam isilataj «nʼochufwenyaj tä yäme Dios Lhafwayhthi» (Tito 2:10).

NATʼAYHETTSHI TOJ NALECHUFWENEJ

4. Che nawʼuyhi lhakay toj is inʼalit toj nenhitʼa wʼet mʼayeka Heowa

¿Atsi mʼak toj tamenej toj laha ihi toj nen lhakliya chi malhyej (ep hote) toj wichi hiwʼen namel? Yahyen Salmo 47:2 wet ame mʼayhayna:

• ¿Chi malhyej (Ep hote) toj is che yʼaj namehen lhakay toj nawʼuyhi toj natchumhoplhi Heowa?

• ¿Ha lefwetaj toj tʼuhawetej che natetshan lhakay toj nawʼuyhi che nahoye reuniones wet toj nawo lhometa? ¿Atsi mʼak toj tamenej toj malhyejtso atichunhayaj?

5. ¿Chi malhyej (Ep hote) toj nam is lhakay toj natshupiye wet toj nalhayenwetha?

Yahin VIDEO.

VIDEO: «Mʼak at che häpe [...] tä lewoye, wuntej häp Dios» (10:18)

Laha ihihitʼa che tʼunhi lhakay toj nawʼuyhi. Mʼak toj laha ihi hope toj is che hichʼoyhitʼa wet tʼuhawetej. Yahyen 1 Corintios 10:24 wet 1 Timoteo 2:9, 10. Che paj ame mʼak toj tamenej toj nawʼuyhihitʼa nʼokay toj...

• ... wasi, hichʼoy wok tʼuhawethiyejtʼa.

• ... ipʼakej wok inʼalit lhatʼisan, wok toj iwoyek tamenej toj nʼoyahin namel.

Tej toj cristianos athana iwohiyetʼa ley toj nʼowʼenho pʼante Moisés, leyna tachʼot namehen toj nahanej chi malhyej (ep hote) Heowa letichunhayaj. Yahyen Deuteronomio 22:5 wet ame mʼayhayna:

• ¿Atsi mʼak toj tamenej toj isitʼa che atsinha lhayenlhi wet tawʼuyhi nʼokay malhyej iwoye hinʼu wok hinʼu tawʼuyhi atsinha lakay?

Yahyen 1 Corintios 10:32, 33 wet 1 Juan 2:15, 16 wet ame mʼayhayna:

• Che lhakay toj nawʼuyhi tamenej toj lhip toj nehi wok congregación ihuminhitʼa, ¿ha is che natetshan tajtso? ¿Atsi mʼak toj tamenej?

• Lhip toj lhehi, ¿atsi nʼokay wet chi malhyej (ep hote) toj ihumin toj lhayenwetha wichi?

• ¿Ha lefwetaj toj nʼokayna tʼuhawethiyejtʼa cristiano? ¿Atsi mʼak toj tamenej toj malhyejtso atichunhayaj?

MʼAYHAY TOJ LETETSHANNE

Che natshupiye lhakay toj is wet toj nalhayenwetha nanʼaltej toj nenhitʼa wʼet mʼayeka Heowa wet lhaiyhaj.

Mʼayhay toj nalechufwenejne

• ¿Atsi mʼak toj tamenej toj Heowa itetshan lewhay toj nalhayenwetha?

• ¿Atsi mʼayhay toj matchehen toj ihi Biblia is che yʼaj namehen toj nalhayenwetha?

• ¿Chi malhyej (Ep hote) toj lhakay toj nawʼuyhi iwoyek yʼaje iyhaj letichunhayaj toj itiyej nʼonʼokhayaj toj matche?

IWOYEK LEWʼEN IYHAJ MʼAYHAY:

Tetshan atsi mʼak toj inʼalit akay toj lewʼuyhi.

«Chi malhyej (Ep hote) toj wichi hiwʼennʼo» (Nʼochufwenyaj toj ihi jw.org)

Tetshan mʼak toj tamenej toj nʼoelh is che itichunejlhi toj kamaj yenhilhitʼa tatuaje.

«¿Ha is, che nʼoelh itihi letʼisan tatuaje?» (Nʼochufwenyaj toj ihi jw.org)

Tetshan iyhaj mʼayhay toj matchehen toj ihi Biblia toj tachʼotla ame toj letshupiye mʼayhay toj isis.

«¿Ha iwujyen Dios lhakay toj nawʼuyhi?» (La Atalaya, septiembre toj 2016)

¿Chi malhyej (Ep hote) toj atsinha ikalhi toj yam is letichunhayaj toj itiyej iyhaj toj lhayenwetha?

«Mʼak toj wichi iwoye toj lhayenwetha hope toj inuhla onʼayij» (¡Despertad!, 22 toj diciembre toj 2003)