-
¿Atsi toj hope Dios Niyatyaj?¡Iwoyek lepes ihihitʼa akajyaj! Libro toj ichufwen amej mʼak toj ihi Biblia
-
-
7. Dios Niyatyaj laka leyes inuʼpe hinʼul laka leyes
Hop niyatey yenlhi leyes hopkhilak tachʼote wet tʼuye laka wichi. Dios Niyatyaj hate hiwʼen laka leyes wet laka wichi is che iwoye tʼat. Yahyen 1 Corintios 6:9-11 wet ame mʼayhayna:
¿Chi malhyej (Ep hote) toj lefwetaj che imalhewek honhat iwoye tʼat mʼak toj Dios tʼalhe lhamel?a
¿Ha lefwetaj toj tʼuhawetej toj Heowa tataye che laka wichi toj ichufwi Leniyatyaj yenhitʼa wʼet mʼayeka mʼak toj Lham tʼalhe? ¿Atsi mʼ ak toj tamenej toj malhyejtso achulhyaj?
¿Chi malhyej (Ep hote) toj nahanej toj wichi toj tachʼahuhiyetʼa leyesna iwoyek iwo elha mʼak toj ihi? (Tetshan versículo 11).
Hop niyatey yenwetha leyes hopkhilak tʼuye wet tachʼote laka wichi. Hop Dios Niyatyaj hiwʼen leyes toj inuʼpe niyatey laka leyes wet hate tʼuye wet tachʼote laka wichi.
-
-
Mʼak toj Biblia yome nʼowanyajay¡Iwoyek lepes ihihitʼa akajyaj! Libro toj ichufwen amej mʼak toj ihi Biblia
-
-
NʼOCHUFWENYAJ 41
Mʼak toj Biblia yome toj hope nʼowanyajay
Wujpe wichi nafwenhen lewhay toj yome sexo wok nʼowanyajay. Mat lewhay toj Dios Lhomtes yome nʼowanyajay, yam kalelhaj wet yenhitʼa wʼet mʼayeka. Mʼak toj yome wuj toj iwoyek tachʼot namehen. Wet tajtso tʼuhawetej, hop toj Biblia talhe Heowa, elh toj yenwetha pʼante namel wet ihanej mʼak toj iwoyek naisej. Lham ichufwen namejen nʼokey toj is che nanʼalit hopkhilak nakajyenlhi lham wet iwohiyelak toj lepes ihihitʼa toj nen kajyaja mʼak toj nehi.
1. ¿Chi malhyej (Ep hote) Heowa tichunhayaj toj itiyej nʼowanyajay?
Nʼowanyajay hope nʼowʼayhat toj talhe Heowa. Lham ihuminchek hinʼu wet atsinha toj tawhayeyhen yen kajyaja tajtso. Isej nʼowʼayhatna hinʼu wet atsinha iwoyek inʼalit lhamejen lehumnhayaj toj tʼuhawetej, tajlhamhiyetʼa toj iwo lelesa. Dios Lhomet yok: «Wo akäjyajayej häp atsinha tä lhen unfwaya tä amamse» (Proverbios 5:18, 19). Heowa tataye che cristianos toj tawhayeyhen tʼifwti lhamehen. Hop toj tamenej toj cristianos isitʼak iwo lakainʼoyaja (yahyen Hebreos 13:4).
2. ¿Atsi mʼak toj hope nʼokainʼoyaj?
Biblia yome toj «lhamel tä iwoye lakainʼoyaj [...] lewʼet ihihitʼala Dios Niyatyaj» (1 Corintios 6:9, 10). Iyhaj toj ilesayen pʼante Biblia ichumyenlhi nʼolhometna pornéia hopkhilak yome nʼokainʼoyaj. Toja yʼaje 1) nʼoelh toj imayej elh toj lechʼefwahitʼa,a 2) hinʼu toj imayej hinʼu elh wok atsinha toj imayej atsinha elh wet 3) nʼowanyajay toj nʼotiyej itshatay. Lewhay toj natumla nʼokainʼoyaj nakajyenlhi Heowa wet nen kajyaja wujpe mʼayhay toj isis (1 Tesalonicenses 4:3).
NATʼAYHETTSHI TOJ NALECHUFWENEJ
Natetshan mʼak toj iwoyek lewoye hopkhilak letumla nʼokainʼoyaj wet atsi mʼayhay toj isen toj lekalhihila.
3. Is che lhekchʼoye nʼokainʼoyaj
José, hinʼu toj afwtintsaj, lhaikhajyen pʼante hopkhilak tatayhla nʼokainʼoyaj. Yahyen Génesis 39:1-12 wet ame mʼayhayna:
¿Atsi mʼak toj tamenej toj José inu alhoho? (Tetshan versículo 9).
¿Ha lefwetaj toj José iwoye mʼak toj is alhoho? ¿Atsi mʼak toj tamenej?
¿Chi malhyej (Ep hote) toj mamses wet lhutshay iwoyek iten José wet yikchʼoye nʼokainʼoyaj? Yahin VIDEO.
Heowa ihuminchek nilhokej namel natekawayhla nʼokainʼoyaj. Yahyen 1 Corintios 6:18 wet ame mʼayhayna:
¿Atsi mʼayhay toj iwoyek inityenej nʼoelh toj nichatho nʼokainʼoyaj?
¿Chi malhyej (Ep hote) toj am iwoyek letekawayhla nʼokainʼoyaj?
4. Am iwoyek letumla nʼolhelhtshayaj
¿Atsi mʼayhay toj iwoyek iche toj atha toj natatayhla nʼokainʼoyaj? Yahin VIDEO wet ame mʼayhayna:
Lewhay toj ipunfwa toj ihi video ihanej toj letichunhayaj wet mʼak toj iwoye iwoyek tamenej toj nemhit tʼifwtiyej lechʼefwa, ¿atsi mʼak toj iwoye?
Cristianos toj afwtintses hate is che lhaikhajyenhen hopkhilak letichunhayaj nemhit lechʼohle ihi. ¿Atsi mʼak toj is che lewoye hopkhilak letiyej kanhi atichunhayajay toj kokʼaye? Yahyen Filipenses 4:8 wet ame mʼayhayna:
¿Atsi mʼayhay toj is che nen tichunhayaja?
¿Ha lefwetaj toj, che nayahyen Biblia wet toj nalekhajyenej toj natchumhoplhi Heowa athahitʼahla namhohen toj natiyej kanhi nʼolhelhtshayaj? ¿Atsi mʼak toj tamenej?
5. Naisej Heowa laka leyes
Heowa ihanej mʼak toj iwoyek naisej. Hop toj tamenej toj ifwel namhohen mʼak toj is che nawoye hopkhilak nachathihotʼa nʼochʼisukyaj wet toj iwoyek naisej che nawoye tajtso. Yahyen Proverbios 7:7-27 wet yahin VIDEO. Che paj ame mʼayhayna:
¿Atsi mʼak toj tamenej toj mamse nichatho mʼak toj niʼisa? (Tetshan Proverbios 7:8, 9).
Proverbios 7:23, 26 yome toj nʼokainʼoyaj iwoyek ichaje nʼowitʼay nʼoelh. ¿Atsi nʼowitʼayhyajay toj ihihitʼala namejen che nahanlhi Biblia lefwonyajay?
¿Atsi nʼokopfwayajay toj Heowa hiwʼenla namhohen che nahanlhi lefwonyajay?
Iche wichi toj yome toj isitʼa toj Dios yen wʼet mʼayeka toj hinʼu imayej hinʼu elh wok atsinha imayej atsinha elh. Mat Heowa hope Dios toj nʼohumnhayaj talhe, wet ihuminchek wichi lepes ihihitʼa toj yen kajyaja mʼak toj ihi. Mat, che natʼuhlak nakalhi tajtso, is che nawoye wet nahanlhi Biblia lefwonyajay. Yahyen 1 Corintios 6:9-11 wet ame mʼayhayna:
¿Ha tajlhamet toj hinʼu imayej hinʼu elh wok atsinha imayej atsinha elh toj Dios yen tichunhayaja toj isitʼa?
Hopkhilak nakajyenlhi Dios, nilhokej namel is che nawo elha lhahusey. ¿Ha nʼoelh isej che iwoye tajtso? Yahyen Salmo 19:8, 11 wet ame mʼayhayna:
¿Ha lefwetaj toj mʼak toj Heowa tʼalh namehen tʼuhawetej? ¿Atsi mʼak toj tamenej toj malhyejtso atichunhayaj?
Heowa tachʼote wujpe wichi hopkhilak tachʼahuye laka leyes, wet lham hate iwoyek tachʼot ame.
IYHAJ WICHI YOME TOJA: «Mʼak talhiyetʼa che hinʼu wet atsinha toj lhaihumnhen iwoye lewanyajay».
¿Chi malhyej (Ep hote) atichunhayaj?
MʼAYHAY TOJ LETETSHANNE
Hop nʼowanyajay hope Heowa lewʼayhat wet lham ihuminchek hinʼu wet atsinha toj tawhayeyhen malhyej toj ley yome yen kajyaja.
Mʼayhay toj nalechufwenejne
¿Atsi mʼayhay iyhaj toj hate hope nʼokainʼoyaj?
¿Atsi mʼak toj tachʼotla namehen toj nachathihotʼa nʼokainʼoyaj?
¿Chi malhyej (Ep hote) toj naisej toj natchʼahuye Heowa laka ley?
IWOYEK LEWʼEN IYHAJ MʼAYHAY:
Tetshan mʼak toj tamenej toj Dios tʼuhlak hinʼu wet atsinha tawhayeyhen malhyej ley yome che ihuminchek iwek.
Tetshan mʼak toj tamenej toj Biblia tachumhitʼahla nʼokeyna, toj hinʼu imayej hinʼu elh wet atsinha imayej atsinha elh, mat tajtso tamenhiyejtʼa toj is che nanʼayiho wichitso.
«¿Ha is, che hinʼu imayej hinʼu elh wet atsinha imayej atsinha elh?» (Nʼochufwenyaj toj ihi jw.org)
Yahyen chi malhyej (ep hote) toj tʼu namehen mʼak toj ihi Biblia toj yiwite nʼowanyajay.
¿Atsi mʼak toj tachʼote pʼante hinʼu toj ihi nʼokeyna toj imayej hinʼu elh toj iwo elha mʼak toj ihi wet ikajyenlhi Dios? Yahyen mʼak toj ihi pʼante toj nʼoyome «Nʼoyenhitʼanʼo wʼet mʼayeka».
«Dios Lhomtes iwo elha mʼak toj ihi» (La Atalaya, 1 toj abril toj 2011)
a Nʼokainʼoyaj hate hope nʼowanyajay toj hinʼu ichumyenlhi lho toj yʼuyitche atsinha lesu, sexo oral hope toj hinʼu wok atsinha ichayoyhat elh toj ichumyenlhi lakʼaj wok sexo anal toj hinʼu yʼuytche lho atsinha lewej wok hinʼu elh, hate toj hinʼu tachase atsinha lesu wok atsinha tachase hinʼu lho.
-
-
¿Atsi mʼak toj ihla nʼoyej che yamho nʼochʼisukyaj toj owoye?¡Iwoyek lepes ihihitʼa akajyaj! Libro toj ichufwen amej mʼak toj ihi Biblia
-
-
Tej toj am matche toj lehumin Heowa wet letekawayhla nilhokej mʼayhay toj lham ihuminhitʼa hopkhilak ifwitajayen lham, ichepej toj lewohiyela mʼak toj nitʼuhawetayej. Mat iche nʼochʼisukyajay toj inuʼpe iyhaj toj yamho (1 Corintios 6:9, 10). Che am lewoye nʼochʼisukyaj toj lhayʼe lhip toj niʼisa, is che lehusekchʼoye toj Heowa ilehiyejtʼa toj iti amej lehumnhayaj; lham ihuminchek itayhat ates wet tachʼot ame.
1. ¿Atsi mʼak toj is che nawoye hopkhilak Heowa itayhat lhates?
Nʼoelh toj ihumin Heowa toj ihanej toj iwo lechʼisukyaja ilat lhame toj tumho lehusek malhyej che ihi chowej. Mat Heowa ikhajyen nʼoelh toj ihane nʼolhomtesna toj ifwenho pʼante laka wichi: «Tej tä hachʼisukyajay wuj tä nʼäl, mat olejla, hätehlat iwoye fwiyʼet tä wuj tä ipelaj» (Isaías 1:18). Che natalhtho lhahusek toj naleche mʼak toj niʼisa toj nawoye Heowa itayhatla lhates. ¿Atsi mʼak toj hope toj naleche mʼak toj niʼisa toj nawoye? Hope toj matche toj nayʼulhanche mʼak toj niʼisa toj nawoye, toj naleche tajtso wet natʼalhe Heowa che itetshanhitʼa. Nʼoelh lhaikhajyenej hopkhilak itiyej kanhi letichunhayajay toj niʼisahen wok ileche mʼayhay toj iwoyek yachajo toj ichaje lechʼisukyaj, wet matche toj lhaikhajyenej toj iwoye Heowa laka leyes (yahyen Isaías 55:6, 7).
2. Che nawo chʼisukyaja, ¿atsi nʼochʼotyaj toj Heowa hiwʼen namhohen isej ancianos?
Nʼoelh toj iwo lechʼisukyaja, Heowa ifwone lhomtesna: «Is chik tʼäne Dios leles tä lhamenya» (yahyen Santiago 5:14, 15). Hinʼulna hopehen ancianos toj Heowa tatshupiye toj ihane laka espíritu santo toj ihumin lham wet lelay, wet lhamel wakʼalhen hopkhilak tachʼot namehen toj nachajo toj naise Dios (Gálatas 6:1).
Che nawo chʼisukyaja, ¿chi malhyej (ep hote) toj ancianos tachʼot namehen? Dos wok tres lhamel tachʼotla namehen toj natafwelche Heowa letichunhayaj, mʼak toj tamenej toj isitʼa mʼak toj nawoye. Hate hiwʼen namhohen nʼofwonyajay wet tachʼotla namehen hopkhilak ihichetʼa lewhay che yachajo toj nawo chʼisukyaja. Che iche nʼoelh toj iwo lechʼisukyaja wet ilehichetʼa lakey toj niʼisa, ancianos ichemphahla toj ihi congregación hopkhilak nʼotʼuye congregación.
NATʼAYHETTSHI TOJ NALECHUFWENEJ
Tafwelche wet en hopeya mʼak toj laha ihi mʼak toj Heowa iwoye toj tachʼot namehen che nawoye lhachʼisukyaj.
3. Toj nafwel mʼak toj isitʼa toj nawoye tachʼotla namehen toj yachajo toj naisen
Nʼochʼisukyaj at che nawoye yʼaje tʼat Heowa, hop tamenej toj is che nafwenho mʼak toj isitʼa toj nawoye. Yahyen Salmo 32:1-5 wet ame mʼayhayna:
¿Atsi mʼak toj tamenej toj lhayʼe lhip toj is che nafwenho Heowa lhachʼisukyajay inuʼpe che naskatho lham?
Toj pajche nafwenho Heowa lhachʼisukyajay, lhayʼehila lhip toj is che natʼalhe ancianos lechʼotyaj. Yahin VIDEO wet ame mʼayhayna:
Hopkhilak Canon yaple Heowa, ¿atsi nʼochʼotyaj toj ancianos hiwʼenho lham?
Matche toj laha che name mʼak toj nalate toj tumho lhahusek wet nafwenhopej mʼak toj matche hop ancianos, hop toj lhamel hopehen lhachʼotyaj Yahyen Santiago 5:16 wet ame mʼayhayna:
Hopkhilak ancianos athahitʼa toj tachʼot namehen, ¿atsi mʼak toj tamenej toj isitʼa che naskatho mʼak toj nawoye?
Fwel hachʼisukyaj, am matche mʼak toj lefwenho ancianos wet chumla Heowa lechʼotyaj.
4. Heowa itiyej lepʼaltsenyaj wichi toj iwo chʼisukyaja
Che iche nʼoelh toj yamho lechʼisukyaj wet iwathitʼahlak tachʼahuye Heowa laka leyes, nʼochemphahla toj ihi congregación wet nemhit nalhayʼajte lham. Yahyen 1 Corintios 5:6, 11 wet ame mʼayhayna:
Toj nahanej toj levadura yafwuto harina, ¿ha lefwetaj toj yʼajiyela congregación che nalhayʼajte elh toj iwo lechʼisukyaja toj yʼulhanhichetʼa mʼak toj iwoye? ¿Atsi mʼak toj tamenej?
Hopkhilak iten Heowa lepʼaltsenyaj toj itiyej wichi toj iwo pʼante chʼisukyaja, ancianos tʼukwe wet tachʼote iyhaj toj nʼochempha pʼante toj ihi congregación. Iche iyhaj toj athana tapile, ¿atsi mʼak toj tamenej? Tej toj aytaj mʼak toj nʼofwone, tachʼote hopkhilak iwo letichunhayaja (Salmo 141:5).
Mʼak toj Heowa iwoyeje iyhaj toj iwo chʼisukyaja, ¿chi malhyej (ep hote) toj inʼalit toj is alhoho letichunhayaj, lehumnhayaj ihi wet lepʼaltsenyaj ihi?
5. Heowa itayhat lhates che naleche mʼak toj niʼisa toj nawoye
Jesús yome pʼante nʼotechʼaynek toj tachʼot namehen toj natafwelche chi malhyej (ep hote) Heowa letichunhayaj lewhay toj nʼoelh ileche mʼak toj niʼisa toj iwoye. Yahyen Lucas 15:1-7 wet ame mʼayhayna:
¿Atsi mʼak toj ichufwen namejen Jesús techʼaynek toj yome Heowa?
Yahyen Ezequiel 33:11 wet ame mʼayhayna:
¿Atsi mʼak toj laha ihi toj is che nawoye hopkhilak nanʼalit toj nayʼulhanche mʼak toj nawoye?
Heowa malhyej iwoye tsonʼataswo: Lham yen lhakliya lelay.
IYHAJ WICHI YOME TOJA: «Onowaye che otahuyej wet ofwenho ancianos mʼak toj owoyene. Hop toj lhamel ichenla nʼopha».
¿Atsi mʼak toj am lefwenhihola nʼoelh toj malhyejtso letichunhayaj?
MʼAYHAY TOJ LETETSHANNE
Che nawoye nʼochʼisukyaj toj yamho mat matche toj nayʼulhanche wet nalekhajyenej toj nachahijotʼa toj nawoye, Heowa itayhatla lhates.
Mʼayhay toj nalechufwenejne
¿Atsi mʼak toj tamenej toj is, che nafwenho Heowa lhachʼisukyajay?
¿Atsi mʼak toj is che nawoye hopkhilak Heowa itayhat lhates?
Che nawoye nʼochʼisukyaj toj yamho, ¿atsi mʼak toj tamenej toj is che natʼalhe ancianos lechʼotyaj?
IWOYEK LEWʼEN IYHAJ MʼAYHAY:
Yahin chi malhyej (ep hote) toj hinʼu isej Heowa lepʼaltsenyaj, malhyej toj ihi Isaías 1:18.
¿Chi malhyej (Ep hote) toj ancianos tachʼote iyhaj toj yamho lechʼisukyaj?
Tetshan chi malhyej (ep hote) toj nʼonʼaltej nʼohumnhayaj wet nʼopʼaltsenyaj iyhaj toj iwo chʼisukyaja.
Yahyen mʼak toj hinʼu ihi pʼante toj ihi lhip «Owatlak oyaple Heowa» chi malhyej (ep hote) toj hinʼu toj ilate toj tumho tʼat lehusek toj Heowa yachajo toj ichaje lham mʼak toj matche.
«Dios Lhomet iwo elha mʼak toj ihi» (La Atalaya, 1 toj abril toj 2012)
-