1. ¿Chi malhyej (Ep hote) toj yʼaj ame akalayʼis?

Iwoyek naten wichi lakeyis toj nalhayʼe, iwoyek is wok kha. Che nayʼepej wok nachumyenlhi redes sociales. Biblia yome toja: «Elh tä lhaipʼajtej iyhäj tä ihan mʼakejen, lehanyaj ihihila. Mat häp elh tä lhaipʼajtej iyhäj tä laj lehuseya [wichi toj ihuminhitʼa Heowa], lewitʼäy ihihila» (Proverbios 13:20). Hop nʼokalayʼis toj nʼokwiyej wet ihumin Heowa iwoyek tachʼot ame toj kamaj lhamwhaye Lham wet letshupiye mʼayhay toj isis. Mat che am lhen akalayʼiya wichi toj ihihitʼa congregación iwoyek aletontehla Heowa. Matche tʼat toj Biblia ifwon namehen toj is che natetshan atsi lhakalayʼis toj natshupiyela. Lewhay che lhakalayʼis hate ihumin Dios, namel nakalhihla mʼak. Wet toj malhyejtso iwoyek nahanlhi nʼofwonyajna: «Akhajyenhen wet chʼot amehen, mälhyej tä lewoye athana» (1 Tesalonicenses 5:11).

Lewhay toj Heowa, yenwetha pʼante namel hiwʼen namhohen lhawʼayhat toj lhayʼe lhip toj is: toj iwoyek namwetha. ¿Ha Heowa itetshan chi malhyej (ep hote) toj nachumyenlhi lhawʼayhatna? ¡Matche tʼat! (Yahyen Santiago 1:26). Toj malhyejtso, ¿chi malhyej (ep hote) toj iwoyek nachumyenlhi lhalhomtes hopkhilak ikajyenlhi Heowa?

1. ¿Chi malhyej (Ep hote) toj nam is toj nachumyenlhi Heowa lewʼayhatna?

Biblia ifwel namhohen toja: «Akhajyenhen wet chʼot amehen, mälhyej tä lewoye athana» (1 Tesalonicenses 5:11). ¿Ha lehanej che iche nʼoelh toj iwatlak nʼokhajyen? ¿Ha am iwoyek lechʼote hopkhilak is? Kalelhtho lham toj lehumin. Nʼalej toj iwoyek lefwenho mʼayhay toj isis toj iwoye. ¿Ha lehanej texto toj ihi Biblia toj iwoyek lechumyenlhi toj lekhajyen nʼoelh toj letafwelej? Iche wujpe toj iwoyek letshupiye. Hate, yej pʼethatla chi malhyej (ep hote) toj mʼayhay toj lhome wet amtes iwoyek yʼaje aiyhaj. Hop toj tamenej toj is che atamsek ihi wet hapʼaltsenyaj ihi lewhay toj lhomlhi (Proverbios 15:1).

2. ¿Atsi lhalhomtes toj is che natekawayhla?

Biblia yok: «Isitʼa che ämtes tä niʼisachehen tälhche ayhi» (yahyen Efesios 4:29). Toja hope toj isitʼa che name mʼak toj ayteschehen, inafwlhat lhaiyhaj hopkhilak iwo latseka wok toj nachumyenlhi nʼolhomtes toj kokʼachehen. Hate isitʼak name mʼak che nʼofwel namhohen wet sitay (yahyen Proverbios 16:28).

3. ¿Atsi mʼak toj tachʼotla namehen hopkhilak is lhalhomtes?

Mʼak toj name inʼalit mʼak toj nen tichunhayaja wet mʼak toj nalate (Lucas 6:45). Hop toj tamenej toj is che nen keya toj nen tichunhayaja mʼayhay toj isis, tajtso hope toj name mʼak at che hope toj tʼuhawetej che nʼowunit, lhayʼe mʼak at che hope toj is alhoho, lhayʼe mʼak at che hope toj tsʼilak wet lhayʼe mʼak at che hope toj nʼohumin (Filipenses 4:8). Hopkhilak nakalhi tajtso is che nam is toj natshupiye mʼak toj nawohiyela toj hiwʼen namhohen lhakajyaj wet natʼukwe lhakalayʼis toj isen (Proverbios 13:20). Hate is che natichunejlhi lhalhomtes toj namhiyela. En atichunhayaja mʼak toj yʼajiyela aiyhaj mʼak toj am lhomhiyela. Biblia yok: «Iche iyhäj tä lhämtes hätet iwoyek itshänej elh tsonhat. Mat häp hinʼol tä lehusey ihi, lhämtes hätet iwoye kacha, ikhajyen tʼat iyhäj» (Proverbios 12:18).

NATʼAYHETTSHI TOJ NALECHUFWENEJ

4. Tetshan mʼak toj lhome

Nilhokej namel ichepej toj name mʼak toj toj paj nayʼulhanche (Santiago 3:2). Yahyen Gálatas 5:22, 23 wet ame mʼayhayna:

• Hopkhilak letsoklhi mʼak toj lhomhiyela wet chi malhyej (ep hote) toj lhome, ¿atsi nʼokeyis toj letʼuhlak letʼalhe Heowa? ¿Chi malhyej (Ep hote) toj iwoyek tachʼot ame nʼokeyisna?

Yahyen 1 Corintios 15:33 wet ame mʼayhayna:

• ¿Chi malhyej (Ep hote) toj akalayʼis toj letshupiye, mʼak toj leyahin wok mʼak toj lewoye toj lewo akajyaja iwoyek yʼaje amtes?

Yahyen Eclesiastés 3:1, 7 wet ame mʼayhayna:

• ¿Atsi lewhay toj tʼuhawetej che nʼoelh yok tam wok tataye lewhay che tʼuhawetej hopkhilak yomlhi?

5. Am is toj lhome aiyhaj

VIDEO: Ame mʼayhay toj «tachʼote lhaiyhaj» (4:07)

• ¿Atsi mʼak toj tamenej toj ipunfwa toj ihi video ihuminchek iwo elha lhomtes toj yomeje iyhaj?

• ¿Atsi mʼak toj iwoye hopkhilak ikalhi?

Yahyen Eclesiastés 7:16 wet ame mʼayhayna:

• ¿Atsi mʼak toj is che nahusekchʼoye lewhay che nalate toj natʼuhlak name mʼak toj niʼisa toj natiyej lhaelh?

Yahyen Eclesiastés 7:21, 22 wet ame mʼayhayna:

• Lewhay che iche elh toj niʼisa toj yom ame, ¿ha iwoyek versiculosna tachʼot ame toj yam is atichunhayajay? ¿Atsi mʼak toj tamenej?

6. Nʼalit ahumnhayaj toj lhomhoplhi hawʼet lheley

VIDEO: Toj nʼoyenhitʼa wʼet mʼayeka wet nʼohumnhayaj ihutwek wichi toj lewʼet lheley ihi (3:08)

• ¿Atsi mʼak toj tachʼotla ame toj lenʼalit ahumnhayaj toj lhomhoplhi hawʼet lheley?

Yahyen Efesios 4:31, 32 wet ame mʼayhayna:

• ¿Atsi nʼolhomtes toj hiwʼenho nʼotamsek wichi toj lewʼet lheley ihi?

Heowa ifwenhopej Lhos, Jesús mʼak toj ilate. Yahyen Mateo 17:5 wet ame mʼayhayna:

• ¿Chi malhyej (Ep hote) toj am iwoyek leten hop Heowa toj lhomhoplhi hawʼet lheley?

MʼAYHAY TOJ LETETSHANNE

Nʼolhomtes wuj toj lakhajyhayaj ihi. Hop toj tamenej toj is che nakasit wet natichunejlhi mʼak toj namhiyela, lewhay toj namhiyela wet chi malhyej (ep hote) toj namhiyela.

Mʼayhay toj nalechufwenejne

• ¿Chi malhyej (Ep hote) toj iwoyek lechumyenlhi amtes toj lechʼote aiyhaj?

• ¿Atsi amtes toj letʼuhlak letekawayhla?

• ¿Atsi mʼak toj tachʼotla namehen toj nam is lhalhomtes wet nahumnhatses toj namwetha?

IWOYEK LEWʼEN IYHAJ MʼAYHAY:

¿Atsi mʼak toj iwoyek tachʼot namehen toj nam isis lhalhomtes?

Nalekhajyenej toj nawʼen hinʼul toj lehusey ihi lhomtes (8:09)

Tafwelej atsi mʼak toj iwoyek tachʼot ame toj letekawayhla nʼolhomtes toj kokʼachehen.

«¿Atsi mʼak toj tamenej toj isitʼa toj nʼoelh lhomtes kokʼachehen?» (Nʼochufwenyaj toj ihi jw.org)

Tetshan mʼak toj iwoyek lewoye hopkhilak is toj lhome aiyhaj.

¡Kastayen chisme! (2:36)

Yahyen mʼak toj Heowa iwoye toj tachʼote hinʼu hopkhilak ileyej lhomtes toj kokʼachehen.

«Owo tesa toj otichunejlhi atsi lhip toj ichaj nʼoye onʼayij» (La Atalaya, 1 toj agosto toj 2013)