¿Atsi mʼak toj tamenej toj is, che lehoye wichi toj yen lhometa Heowa laka reuniones?

¿Ha iche lewhay toj wichi toj yen lhometa Heowa elh tʼan ahila hopkhilak lehoye laka reuniones? Che ihichetʼa che lehoye, nʼalej toj ichun lenowaye hop toj nechʼe toj lehoye laka reuniones. Nʼalej toj leyʼatshan ame toja: «¿Atsi mʼak toj iwoyehen wichi toj yen lhometa Heowa toj lhaihutwekhen? ¿Atsi mʼak toj tamenej toj lhamel yen hopeya mʼak toj matche toj laha ihi? ¿Ha olham hate is che ohoye?». Toj ihi nʼochufwenyajna lehanhiyeja toj reunionesna iwoyek tachʼot ame wet hate toj aise hop Dios.

1. ¿Atsi mʼak toj tamenej toj lhaihutwekhen wichi toj yen lhometa Heowa?

Iche pʼante hinʼu toj ilesayen Biblia, yome mʼak toj tamenej toj wichi is che lhaihutwekhen: «che oiyej aka wichi, oaiwunthila» (Salmo 26:12). Ifwalasna wichi toj yen lhometa Heowa hate lhaihutwekhen, wet tajtso iwo lakajyaja. Toj ihi nilhokej honhat, semanapej lhaihutwekhen hopkhilak iwunit Dios, ichoywetha wet iwo tʼalhyajaye Dios. Wet nekchompej lhamel iwoye tʼat tajtso lewhay toj ihoye laka reuniones toj wus toj iche.

2. ¿Atsi mʼak toj lehanhiyeja toj ihi olhamel oka reuniones?

Toj ihi reuniones nʼolhaichufwenej Dios Lhomet wet nʼokalelhat mʼak toj yome (yahyen Nehemías 8:8). Che am lehoye, lhayʼehila lhip toj letafwelej Heowa wet lakeyis. Che letʼayhettshi toj alechufwenej lehumnhayaj toj iti amej letʼuhlahlak lhen akalayʼiya. Hate lehanhiyeja toj lham iwoyek tachʼot ame (Isaías 48:17, 18).

3. ¿Chi malhyej (Ep hote) toj aisiyeja toj letafwelej wichi toj ihi reuniones?

Heowa tʼalh namehen che «nʼatʼukwe lhakey tä is yämlek yʼahumin nʼamehen wet yʼatchʼotej nʼamehen lhachumtes tä isen. Isitʼak yʼaleyej tä yʼalhaihutpejwek» (Hebreos 10:24, 25). Toj ihi olhamel oka reuniones letafwenhiyeja wichi toj iti lhamejen lehumnhayaj wet malhyej am, tʼuhlak lhayʼe lhip toj itafwelej Dios. Hate lelathiyela nʼolhomtes toj ikhajyen nʼoelh toj talho Biblia (yahyen Romanos 1:11, 12). Hate iwohiyelak letahuyej hop iyhaj toj lechʼefwas ihihitʼa lhayʼe iyhaj toj lechʼefwas ihi toj lhamel tatayhla wujpe nʼowitʼayhyajay toj hiwʼen. Toja hope mʼayhay iyhaj toj tamenej toj Heowa tʼalh namehen che nalhaihutwekhen wet nen keya tajtso.

NATʼAYHETTSHI TOJ NALECHUFWENEJ

4. Wichi toj yen lhometa Heowa laka reuniones

Toj ihi siglo toj ichun hop cristianos lhaihutwekhen pʼante hopkhilak nʼokwiyej Heowa (Romanos 16:3-5). Yahyen Colosenses 3:16 wet ame mʼayhayna:

• ¿Chi malhyej (Ep hote) pʼante toj nʼokwiyej Heowa cristianos toj ichun?

VIDEO: ¿Atsi toj nʼal toj ihi wichi toj yen lhometa Heowa Lewʼet toj ihi toj lhaihutwek? (2:12)

• ¿Atsi mʼak toj nʼowoye toj ihi wichi toj yen lhometa Heowa lewʼet toj yiwtejla mʼak toj Colosenses 3:16 yome?

• Toj leyahin video wok nʼopeyak, ¿ha iche mʼak toj matche toj lehumin toj ihi olhamel oka reuniones?

Yahyen 2 Corintios 9:7 wet ame mʼayhayna:

• ¿Atsi mʼak toj tamenej toj nʼotʼalhiyetʼa chinaj tʼoj wichi toj ihoye wichi toj yen lhometa Heowa laka reuniones?

Ayʼe achufwenyajwo wet tetshan mʼak toj nʼolhaichufwenejla toj ihi reunión semanana.

• ¿Atsi lhip toj lefwetaj iwoyek tachʼot ame wet aisej?

Tetshan lhipna

Toj ihi jw.org iwoyek lewʼen lhip wet lewhay toj nʼoyenlhi reunionesna hate toj ihi honhatil iyhaj.

1. Toj ihi olhamel oka reuniones iche nʼoelh toj yomlhi, ipunfwas toj inʼalit nʼochufwenyaj toj iwaklhat wet videos. Toj ihi nilhokej reuniones ichoywetha toj ichun hate toj lepes wet iwo tʼalhyaja.

2. Toj ihi reunión ichepej toj wichi toj ihoye yome mʼak toj lhaichufwenej.

3. Nilhokej iwoyek ihoye hinʼul, atsinhay, wichi toj tanhay wet nʼatshas.

4. Wichi toj ihoye wichi toj yen lhometa Heowa laka reuniones nʼotʼalhiyetʼa chinaj tʼoj.

5. Is che nʼoelh lhaikhajyenej toj ihoye hop reuniones

Nen tichunhayaja Jesús lewʼet lheley. Lhamel ihi pʼante Nazaret wet hopkhilak ihoye Dios lewʼet toj ihi Jerusalén nekchompej is che tʼaschehcha tres ifwalas toj tiyajche chenhas. Yahyen Lucas 2:39-42 wet ame mʼayhayna:

• ¿Ha lefwetaj toj lhamel is pʼante che lhaikhajyenej toj ihoye Jerusalén?

• Wet am, ¿atsi mʼak toj letiyej kanhi hopkhilak lekalhi toj lehoye reuniones?

• ¿Ha lefwetaj toj laha ihi toj alekhajyenej? ¿Atsi mʼak toj tamenej?

• ¿Atsi mʼak toj tamenej toj is che nen keya toj nahoye hop reuniones?

MʼAYHAY TOJ LETETSHANNE

Toj lehoyepej reuniones tachʼotla ame hopkhilak lhayʼe lhip toj letafwelej Heowa, aise hop lham wet toj lenʼokwiyej toj lelhayʼe wichi iyhaj.

Mʼayhay toj nalechufwenejne

• ¿Atsi mʼak toj tamenej toj Heowa tʼuhlak nahoye reuniones?

• ¿Atsi mʼak toj lehanhiyeja che lehoye wichi toj yen lhometa Heowa laka reuniones?

• ¿Atsi mʼak elh toj am lefwetaj toj iwoyek tachʼot ame che lehoye reuniones?

IWOYEK LEWʼEN IYHAJ MʼAYHAY:

¿Ha anowayhyaj ihi toj lhen atichunhayaja toj lehohiyela reuniones? Iche pʼante hinʼu toj malhyejtso letichunhayaj mat toj paj matche toj ihumin. Yahin mʼak toj tamenej.

¡Ihichetʼa lewhay toj olhamel opʼethatla toj nʼonokwiyej olhamel! (4:16)

Tafwelej mamse toj ihumin pʼante toj ihoye reuniones wet yahin mʼak toj iwoye hopkhilak tujlhache toj ihoye.

Matche toj ohumin hop reuniones (4:33)

Yahyen mʼak toj wichi iyhaj yen tichunhayaja toj yomeje reuniones.

«¿Atsi mʼak toj tamenej toj is, che nʼoelh ihoye reuniones toj ihi wichi toj yen lhometa Heowa lewʼet?» (Nʼochufwenyaj toj ihi jw.org)

Tafwelej chi malhyej (ep hote) toj wichi toj yen lhometa Heowa laka reuniones tachʼote hinʼu toj matche pʼante toj fwitsaj toj iwo elha lakey.

«Lhip at che hope toj ohoye pʼante ochaj tʼat olutsej» (La Atalaya, 1 toj julio toj 2014)

5. Talhe 1914 Honhat iwo elha mʼak toj ihi

Yahin VIDEO.

VIDEO: Talhe 1914 Honhat iwo elha mʼak toj ihi (1:10)

Jesús yome pʼante mʼak toj malhnhiyeja Honhat che tafwaytshi toj lham iwo tesa toj iwo leniyatyaja. Yahyen Lucas 21:9-11 wet ame mʼayhayna:

• Mʼayhay toj profecía yome, ¿atsi iyhaj toj lewʼen wok lelatchʼoye toj nʼoyome?

Apóstol Pablo yome pʼante wichi lakey toj nʼanhila ifwala toj lepes tʼat hinʼu leniyatyaj. Yahyen 2 Timoteo 3:1-5 wet ame mʼayhayna:

• Nʼokeyis toj texto yome, ¿atsi iyhaj toj am lewʼen?

6. Toj nahanej toj Dios Niyatyaj pajche iwo leniyatyaja is che inityen namejen toj nawoye mʼak

Yahyen Mateo 24:3, 14 wet ame mʼayhayna:

• ¿Atsi nʼochumet toj laha ihi inʼalit toj Dios Niyatyaj pajche iwo leniyatyaja?

• ¿Chi malhyej (Ep hote) toj am lechʼote nʼochumetna?

Dios Niyatyaj pajche iwo leniyatyaja, wet tatay lhimphaj che imalhewek toj niyatej Honhat. Yahyen Hebreos 10:24, 25 wet ame mʼayhayna:

• ¿Atsi mʼak toj nilhokej namel is che nawoye «tä yʼawʼen tä tottʼa alhoho ifwala tä Lhawuk tapinla»?