• ¿Atsi mʼak toj ihla nʼoyej che yamho nʼochʼisukyaj toj owoye?
    ¡Iwoyek lepes ihihitʼa akajyaj! Libro toj ichufwen amej mʼak toj ihi Biblia

    • 4. Heowa itiyej lepʼaltsenyaj wichi toj iwo chʼisukyaja

      Che iche nʼoelh toj yamho lechʼisukyaj wet iwathitʼahlak tachʼahuye Heowa laka leyes, nʼochemphahla toj ihi congregación wet nemhit nalhayʼajte lham. Yahyen 1 Corintios 5:​6, 11 wet ame mʼayhayna:

      • Toj nahanej toj levadura yafwuto harina, ¿ha lefwetaj toj yʼajiyela congregación che nalhayʼajte elh toj iwo lechʼisukyaja toj yʼulhanhichetʼa mʼak toj iwoye? ¿Atsi mʼak toj tamenej?

      Hopkhilak iten Heowa lepʼaltsenyaj toj itiyej wichi toj iwo pʼante chʼisukyaja, ancianos tʼukwe wet tachʼote iyhaj toj nʼochempha pʼante toj ihi congregación. Iche iyhaj toj athana tapile, ¿atsi mʼak toj tamenej? Tej toj aytaj mʼak toj nʼofwone, tachʼote hopkhilak iwo letichunhayaja (Salmo 141:5).

      Mʼak toj Heowa iwoyeje iyhaj toj iwo chʼisukyaja, ¿chi malhyej (ep hote) toj inʼalit toj is alhoho letichunhayaj, lehumnhayaj ihi wet lepʼaltsenyaj ihi?

      5. Heowa itayhat lhates che naleche mʼak toj niʼisa toj nawoye

      Jesús yome pʼante nʼotechʼaynek toj tachʼot namehen toj natafwelche chi malhyej (ep hote) Heowa letichunhayaj lewhay toj nʼoelh ileche mʼak toj niʼisa toj iwoye. Yahyen Lucas 15:1-7 wet ame mʼayhayna:

      • ¿Atsi mʼak toj ichufwen namejen Jesús techʼaynek toj yome Heowa?

      Yahyen Ezequiel 33:11 wet ame mʼayhayna:

  • Tʼifwtiyejpej Heowa
    ¡Iwoyek lepes ihihitʼa akajyaj! Libro toj ichufwen amej mʼak toj ihi Biblia

    • 1. ¿Atsi mʼak toj wichi iwoyek iwoye hopkhilak yelhte atʼifwtihyaj toj letiyej Heowa?

      Iche wichi iyhaj toj inuhlahla lhanʼayij hopkhilak namel naleyej toj nachumhoplhi Heowa. ¿Atsi elh toj iwohiyela tajtso? Malhyej toja, iche iyhaj toj ileyej pʼante toj tachumhoplhi Heowa wet athana yome mʼak toj kamatache toj itayhate Heowa laka organización hopkhilak naleche lhatʼekhahyaj. Wichina nʼoyen lheya apóstatas. Hate iche iyhaj toj lhetekej religiones yome sitay lewhay toj yome namel hopkhilak iyhaj toj takhajayhitʼa letʼekhahyaj lhaitiyej kanhi mʼak toj matche. Iwoyek lhawitʼay ihi che natatayhla Dios laka wichi tayhfwas, che nayahyen laka libros, blogs, che natiyajo internet wet nayahin mʼak toj lhamel yome wok laka videos. Jesús yome pʼante iyhaj toj tʼuhlak takhajayhitʼa lhatʼekhahyaj toj natiyej Heowa wet yok: «Yej tachʼahuye lhamel, tsi häpehen asnamis tä yikchufwi iyhäj asnamis. Wet chik asnam yikchufwi elh tä asnam, tanʼislawek chik nichäte chowej» (Mateo 15:14).

      2. ¿Atsi mʼayhay toj is che natshupiye ifwalapej toj iwoyek yelhte lhatʼifwtihyaj toj natiyej Heowa?

      Nalhayʼajiyetʼa religiones toj kamatachehen hop toj nahumin Heowa. Lhachumet, organización at che nehi, mʼak at che nawoye isitʼak yiwite mʼak toj religión toj kamatache iwoye. Heowa ifwenho laka wichi toja: «Mäyaychʼoye hupuyna», toj yome, Babilonia toj Lhamya (Apocalipsis 18:2, 4).

      NATʼAYHETTSHI TOJ NALECHUFWENEJ

      Tetshan mʼak toj am iwoyek lewoye hopkhilak ihichetʼa mʼak at che hope toj ikʼefwhayen atʼifwtihyaj toj letiyej Heowa. Hate, yahin toj aletohtehla Babilonia toj Lhamya lenʼalit toj atʼifwtihyaj ihi.

      3. Kawayhla nʼochufwenyajwos toj kamatachehen

      ¿Atsi lhakey toj is che nanʼalit che iche mʼayhay toj isitʼa toj nʼoyomeje Heowa laka organización? Yahyen Proverbios 14:15 wet ame mʼayhayna:

      • ¿Atsi mʼak toj tamenej toj ichun is che natetshanchʼoye mʼak toj nalatche wet namatichetʼa nilhokej mʼak toj nalate?

      Yahyen 2 Juan 9-11 wet ame mʼayhayna:

      • ¿Ha is, che nalhayʼajte hop apóstatas?

      • Nʼalej toj nalhayʼajiyetʼa hop apóstatas; mat, tej toj malhnhiyejattso, ¿chi malhyej (ep hote) toj letichunhayajay iwoyek yʼaj namehen?

      • Che natchʼahuhla nʼolhomtes toj isitʼa toj nʼotiyej Heowa wet laka organización, ¿chi malhyej (ep hote) toj Heowa ilatla lhame?

      4. Tʼifwtiyej Dios che iche ipunfwa toj iwo lechʼisukyaja