¿Atsi toj niyatej mʼayhay toj ihonhatena?

MʼAK TOJ BIBLIA YOME

«Honhat imälhewek tä ichufwi ahättaj lakhajyhayaj» (1 Juan 5:19, Dios Lhämtes tä Matchehen).

«Häp täjtso tä tamenej tä nämte Dios Lhäs, yämthilek iwasthi mʼak tä ahättaj iwoye» (1 Juan 3:8, Dios Lhämtes tä Matchehen).

¿ATSI MʼAK TOJ TAMENEJ TOJ NAISEJ?

Lehanhiyeja mʼak toj tamenej toj iche nʼowitʼayhyajay toj iʼpe honhat (Apocalipsis 12:12).

Lewʼenla mʼayhay toj tamenej toj lematitche toj mʼayhay toj iʼpe honhatna nʼowohla iyhaja wet nʼoyamla isis (1 Juan 2:17).

¿HA ICHE MʼAYHAY TOJ TAMENEJ TOJ IS CHE NAMATITCHE MʼAK TOJ BIBLIA YOME?

Iche, natetshan tres:

•  Hop Satanás niyatyaj kalemlhajfwaj toj nofwila. Heowa iwohitʼa elha letichunhayaj toj iwatlak itayhat toj Ahottaj niyatej wichi toj iʼpe honhatna. Lham yome pʼante toj ikalhihila hop Ahottaj wet iwohla iyhaja mʼayhay toj niʼisa toj iche (Hebreos 2:14).

•  Jesucristo hope Niyat toj Dios tatsupiye. Jesús imalhewek toj hatehitʼa iwoye hop Satanás toj matche toj fwitsaj wet toj tajlhamet lham toj lhaihumin. Dios yome hop Cristo niyatyaj toj yok: «Hipʼaltsenla wichi tä wʼet mʼayhayhas tʼat, wet ifwayhthiyeja tʼilek häp lhamel tä pʼelitses. Ifwayhthiyeja nʼochʼatkanyaj tä õʼtiyej, lhäyʼe tä õʼsowethä, tsi wuj tä iwo lahaya lhamel» (Salmo 72:13, 14).

•  Dios iwohiyetʼa che yome mʼak toj kamatache. Hop Biblia ikalelhat namhohen toj «ihanhiyejtʼa chik wʼet yämlhi» (Hebreos 6:18). Toj malhyejtso, che Heowa ifwel mʼak toj iwohiyela, nahanej toj ihichela (Isaías 55:10, 11). Wet mʼak toj Lham yome pʼante hope toj honhatna «õʼtihiyeja kanhi laka niyat» (Juan 12:31).