MʼAK TOJ DIOS LAKAWOS IHI
Che nʼowoyej ame bullying ukwe Heowa lechʼotyaj
Hop bullying wok nʼolakwyhanyaj iwoyek tamenej toj lhatichunhayaj, lhatʼisan wet mʼak toj tumho lhahusek aytaj. Iwoyek yʼaje lhaka espiritualidad che natchʼahuye wichi toj tatayhla lhatʼekhahyaj. Che nʼoti amej bullying, ¿atsi mʼak toj iwoyek lewoye?
Iche wujpe ipunfwas toj tumla hop bullying hop toj tʼukwe Heowa lechʼotyaj (Sl 18:17). Malhyej iwoye toja, Ester toj hope atsinha toj tʼotle tʼun hop toj ifwel mʼak toj Amán tʼuhlak iwoye (Est 7:1-6). Mat toj iwohiyela tajtso, tufwitʼa mʼak hopkhilak inʼalit toj tʼekhaye Heowa (Est 4:14-16). Heowa itiyej lakopfwayaj Ester hop toj tʼotle tʼun wet tʼuye lham wet laka wichi.
Mamses wet lhutshay, che nʼowoyej ame bullying, alhe Heowa lechʼotyaj, hate fwenho ako wet ajcha wok elh ipunfwa toj iwoyek tachʼot ame. Iwoyek lematitche toj Heowa tachʼotla ame malhyej iwoye toj tachʼote pʼante Ester. Che nʼoti amej bullying, ¿atsi iyhaj mʼayhay toj iwoyek lewoye?
YAHIN VIDEO CHE AHOPE MAMSE WOK LHUTSHA: ¿ATSI MʼAK TOJ IWOYEK OWOYE CHE NʼOTI NʼOYEJ BULLYING?, WET TOJ PAJ CHULHO NʼOYʼATSHANHAYNA:
¿Atsi mʼak toj iwoyek lhaichufwenej mamses wet lhutshay toj itetshan mʼak toj iyej pʼante Charlie wet Ferin?
Nʼokolis wet nʼojchalis, ¿atsi mʼak toj iwoyek lhaichufwenej toj iyahin videona?