Yej alenuhatpe aiyhaj

Mʼak toj Pablo iwoye pʼante

VIDEO: Pablo iwo silota pʼante rey Agripa

1. Yahin VIDEO wok yahyen Apóstoles Lhenhay 26:2, 3. Che paj tetshan nʼoyʼatshanhayna:

1. ¿Chi malhyej (Ep hote) toj Pablo lhaiwujyenhitʼa toj tahuyej rey Agripa?

2. ¿Atsi mʼak toj Pablo iwoye pʼante hopkhilak lhaiwujyenhitʼa wet iwujyen Heowa wet nʼolesaynhay? (Yahyen Apóstoles Lhenhay 26:22).

¿Atsi mʼak toj ichufwen namejen mʼak toj Pablo iwoye pʼante?

2. Che nalewujyenhitʼa wet nenhitʼa wʼet mʼayeka wichi, lhamel ihuminchehlak tachʼahuye nʼosilotyaj toj nafwenho.

Tenla mʼak toj Pablo iwoye

3. Isitʼa che wichi hiwʼen toj alechajlhi. Yej nʼaltej nʼoelh toj am lehanej nilhokej mʼayhay wet lham ihanhiyejtʼa mʼak. Che lhomhoplhi lhenhitʼa wʼet mʼayeka.

4. Kalelhtho toj mʼak toj am lechufwenej wichi talho tʼat Biblia. Biblia talhe tʼat Dios wet iwoyek tiyajo wichi lehusek. Lewhay toj nachumyenlhi, nachʼote wichi hopkhilak letʼekhahyaj takhajay tʼat.

5. Nʼalit toj ahusek ihi. Isitʼa toj lhen atichunhayaja toj tsʼilak am toj lehanej mʼak toj matche. Mʼak toj natʼuhlak nakalhi hopkhitʼa toj wichi iti namejen lewak. Toj alhen wʼet mʼayeka tachʼotla ame toj atamsek ihi wet lehanej atsi lewhay toj is che lhekchʼoye nʼoelh (Prov. 17:14; Tito 3:2). Che lham is amtes toj lechulhejla nʼoelh, nʼalej toj nʼoelhtso ihuminhila che tachʼahu namehen ifwala elh.