Hinʼul toj lhaitumtej nilhokej congregaciones lhomtes

Olhamel opunfwas:

Nilhokej namel toj nahumin Heowa nahumin Lhomet, hop Biblia. Kalelhaj namhohen toj ihi Lhomet iwoyek nalhoke mʼak toj matche, nʼofwonyajay (consejos) toj iwoyek tachʼot namehen wet mʼayhay toj inʼalit toj Dios ihumnhen wichi (Salmo 119:105; Lucas 1:3; 1 Juan 4:19). Olhamel ohuminchek wichi iyhaj itafwelej mʼayhay toj isis toj ihi Dios Lhomet. Hop toj tamenej toj olhamel okajyaj ihi toj otompha librona: Mʼayhay toj iwoyek nahanej toj ihi Biblia. Ohuminchek ofwel amhohen mʼayhay iyhaj toj ihi librona.

Librona itaye naʼtshas, mat hate iwoyek tachʼote iyhaj toj tanhay toj ihuminchek itafwelej mʼak toj ihi Biblia. Mat toj Biblia itaye nilhokej wichi, nilhokhiyeja namel iwoyek naisej che natetshan lechufwenyajay. Hate tachʼotla namehen toj matche toj lhakajyaj ihi.

Nʼochumyenlhi mʼak toj ihi Biblia, librona ifwel mʼak toj iyej wichi talhe toj ichun toj nʼoyenwetha. Matche toj nʼolhaikhajyenej toj mʼak toj nʼoyome kalelhaj, athahitʼa wet nʼolhaikhajyenej toj nʼotihiche lewʼetes mʼak toj iche pʼante. Mat librona tsʼilakhitʼa toj tajlhamet yome mʼak toj iche pʼante, mʼak toj nʼotihi wet nʼopeykas toj iche nʼowaklhat hopkhilak mʼak toj ihi Biblia ilay wet inʼalit mʼak toj wichitso ilate.

Librona tachʼot namehen toj nawʼen toj Biblia yome tʼat wichi toj tachʼahuye pʼante Heowa wet iyhaj toj tachʼahuhiyetʼa. Wet tachʼot namehen toj nalechufwenej mʼak toj lhamel iwoye pʼante (Romanos 15:4; 1 Corintios 10:6). Librona hiwʼen 14 lhipey. Toj ichunlapej lhipey, iche nʼolhomtes toj tachʼot namehen hopkhilak natafwelche nʼochufwenyajay.

Che ales ihi, iwoyek lemalhetwek toj leyahyen nʼochufwenyaj toj ayʼe lhamel, wet lhome mʼak toj ihi nʼopeykas. Toj paj, yahyen textos toj nʼochufwenyaj ichumyenlhi toj talho Biblia. Chʼote ales toj hiwʼen mʼak toj iyahyen toj ihi Biblia yiwite tʼat mʼak toj ihi nʼochufwenyaj toj ihi libro. Malhyejattso toj iwoyek nʼochʼote elh toj talakw toj ihanej mʼak toj ihi Biblia.

Olhamel ohuminchek librona tachʼote wichi toj lehusek ihi: mamses, lhutshay, wet iyhaj toj tanhay hopkhilak lhaichufwenej mʼak toj ihi Dios Lhomet wet iwoye. Toj malhyejtso lhamel hate iwohiyelak nʼokwiyej Heowa wet ipʼakej lewʼet lheley toj lham ihumin.