Hup toj tojpha toj ihi Babel

Toj tafwaytshi pʼante Pelhay toj wuj, Noé leles wet lechʼefwas hiwʼen wujpe leles. Lhamel wet lewʼet lheley lhayam wujpe wet tʼaye lhipey iyhaj malhyej toj Heowa tʼalhe pʼante lhamel.

Mat iche Noé lewʼet lheley iyhaj toj iwohiyetʼa mʼak toj Heowa tʼalhe. Lhamel yok: «Namalhehi lhipna wet nenlhi ciudad wet nam tojpha pajtha ichate pele toj malhyejtso wichi itafwel namejen».

Heowa ihuminhitʼa mʼak toj lhamel iwoye pʼante, hop toj tamenej toj ikasthayen lhamel. ¿Ha lehanej mʼak toj iwoye? Hiwʼenhathiche wichitso lhomtes. Wichitso yen lheya ciudadtso Babel, toj hope «confusión» wok «nʼowelanthi». Toj lhamel iwohiyetʼak itafwelche iyhaj lhomtes, ikasthayen toj yenlhi ciudadtso wet tiyaje honhat elh. Mat lhamel tujlhache toj iwoye mʼak toj niʼisa toj ihi lhip toj lhamel ihoye ¿Ha lefwetaj toj iche elh toj ihumin Heowa? Nawʼenla toj ihi nʼochufwenyaj elh.