Dios kalayʼis ihila honhat toj wʼatshan wet isilataj

Honhat toj isilataj hotehi iwuye honhat toj iche fwalasna. Dios iwatitʼeyhlo pʼante che mʼak toj niʼisa iʼpe honhat molhyej nʼopalhseyaj wuk oytesiche. Tatay alhuhu mʼak toj is, Dios yeninhila hope honhat toj wʼatshan wet isilataj. Dios Lhomtes ifwel amhu mʼak toj yeninhila, natetshan.

Ihichela wichi toj isen. Honhat toj isilataj hopkhila Dios lhoyfwasa lewʼet. Nilhokej lhamil tachʼutla lhamehen wet newache letes toj ihi toj Dios tatache (Proverbios 2:21).

Wujla wichi lhok. Honhat toj nechaye nemla iche naylos. Dios Lhomtes yuk: “Is chik wuj yachuyaj tä ihi laka honhat” (Salmo 72:16).

Wichi hiwʼenla lewʼet wet lachemet toj is. Nilhokej wichi toj ihila honhat toj wʼatshan wet isilataj hiwʼenla lewʼet toj lewuk lhamil, lachumtes toj isen toj akoslawetopej (Isaías 65:21-23).

Ihichela nʼotamsik toj ihi honhat. Ihichetʼala wichi lilonhen iñhoj wuk elh che yʼil toj ihi nʼokaʼtshayaj. Dios Lhomtes yome: “[Dios] itäyhat nʼokaʼtshayajay” (Salmo 46:8, 9).

Nemla iche nʼotʼinhayajay. Dios Lhomtes ifwel amhu: “Wet ihichetʼala elh [...] chik yohlak: ‘Otʼinhayaj ilännʼo’” (Isaías 33:24). Nemla iche asnamis, chʼotechʼol, tsefwlas wet elh toj nomalhi (Isaías 35:5, 6).

Nemla iche nʼelhafwyhayaj toj oytesichehen lhoyʼa nʼotʼilek. Dios Lhomtes yome: “Nemla iche nʼotʼilek lhäyʼe nʼolhakli, nʼolhafwyhayaj, nʼoteläythayaj. Tsi tajyäme mʼayhay tä pajche iche, noj tʼat” (Apocalipsis 21:4).

Ihichetʼala wichi toj fwitses. Heowa Lhomtes ifwel namhu: “Mat häp lhamel tä iwuye mʼak tä niʼisa wet ileche Dios lenʼäyij, õʼtihiyeja kanhihlä honhat tä ihi” (Proverbios 2:22).

Nilhokej wichi toj iʼpe honhat lhayehemnhenla. Nemla iche wichi toj ikone mʼak toj lawekw ihi, nemla iche wichi yenlhi mʼak toj niʼisa, nʼoyihomche iñhoj wet nemla iche wichi toj oscheʼpe iñhoj. Nilhokej wichi ihla wekw wet yikchufwi mʼak toj Dios ifwenhu (Isaías 26:9).