¿Atsi toj hopehen Dios kalayʼis?

Jesucristo hope Heowa lhos wet lakalayʼi toj matche. Heowa wuj toj yahemen lhos. Jesús pajche pʼante toj ihi pele, hope pʼante ángel thakajay, lapes nom pʼante molhyej hinʼu ihi pʼante honhat (Juan 17:5). Lawhoy ihi pʼante honhat ichefwenej mʼak toj matche toj tolhe Dios (Juan 18:37). Hote lhaywum yomtilak tafwayej lhasukyaj wet lhatʼilek toj wichi toj iʼpe honhat tachʼahuya Dios (Romanos 6:23). Jesús athana hope niyat toj ihi Dios Niyatyaj, laniyatyaj toj ihi pele yenhilhila honhatna yomlak wʼatshan wet isilataj (Revelación 19:16).

Hote ángeles Dios lhoyfwas. Heowa yenlhi pʼante toj ihi pele wujpe ángeles, toj lapes yenlhi honhat, lhamil hotehi iwuye wichi toj iʼpe honhat (Job 38:4-7). Iche millones ángeles (Daniel 7:10). Dios lhoyfwas toj ihi pele yahemenche wichi lhaychefwenejen mʼak toj matche toj tolhe Dios (Revelación 14:6, 7).

Hote Dios hiwʼen lakalayʼis toj iʼpe honhat, lhamil hopehen wichi toj yen lhometa Heowa. Che am nʼosujkanʼamej hop mʼayhay toj kamatache, akalayʼi toj matche yamhoplhilaʼape. Hoteʼiwuye, wichi toj yen lhometa Heowa yomey mʼak toj ihi Dios Lhomtes, yomtilak wichi ‘nitofwelej wet techaye wet ihanej’ toj matche toj hope Heowa. Hote mʼak toj yenhilhila toj tatay alhuhu yomtilak wichi ihi honhat (Isaías 43:10). Hoteʼiwuye ángeles, wichi toj yen lhometa Heowa yahemen tachʼut ame yomtilak lahanej mʼak toj matche toj tolhe Heowa. Yahemen che am hote Dios oyfwa.