N’OCHUFWENYAJ 14

¿Atsi mʼak toj is che lewoye toj lenʼaltej toj letʼifwtiyej Heowa?

Alepʼajtej Heowa lenʼayij (1 Pedro 5:6-9).

Hop cristiano tekawayhla mʼayhay toj religión toj kamatache iwoye wok mʼayhay toj niyatey iwoye

Is che alekhajyen wet leleyej akeyis toj tatayhla m’ak toj Dios Lhomtes lechufwenyaj.

Yej aley’uytho mʼayhay toj niyatey iwoye. Tajlhamet is che letachumhoplhi Heowa wet Leniyatyaj.

Chʼahuye Dios, matche toj is che lewoye (Mateo 7:24, 25).

Hinʼu ihoye reunión toj ihi wichi toj yen lhometa Heowa Lewʼet wet lhaichufwenej Biblia lhayʼe elh hinʼu toj yen lhometa Heowa

Hoye wichi toj yen lhometa Heowa ifwala toj lhaihutpejwek. Lhamel tach’otla ame hopkhilak letafwelej Dios.

Is che lhekatchufwi toj alechufwenej m’ak toj hope Dios wet woye m’ak toj Lham t’uhlak lewoye.

Hinʼu lhayachaje Heowa isej nʼotalhyaj wet lhaiwo bautisaya

Lewhay toj atʼekhahyaj takhajay, tʼunhatche amtes toj lefwenho Heowa toj lhachaje awʼatshancheyaj wet alewo bautisaya (Mateo 28:19).

Chʼahuye Dios. Yahyen Dios Lhomtes wet t’alheje wichi toj yen lhometa Heowa che tachʼot ame hopkhilak letafwelej lhayʼe lhip Dios Lhomtes. Chik lewoye m’ak toj alechufwenej lelayhila pajlaʼtha tiyaj’attsi (Salmo 37:29).