Mʼak toj lhayʼe lhip toj Biblia yome yiwite Dios Niyatyaj. Isej hop Nʼoniyatyajtso, Heowa yamla matche lenechʼethayaj toj tʼupʼantehlak itiyej Honhat talhe toj ichun. ¿Atsi toj hope Dios Niyatyaj? ¿Chi malhyej (Ep hote) toj nahanej toj pajche iwo leniyatyaja? ¿Atsi mʼak toj ikalhi pajtha athana? Wet, ¿atsi mʼak toj iwohiyela toj tatay alhoho? Nʼoyʼatshanhayna nʼochulhihola toj ihi nʼochufwenyajna wet iyhaj toj ihan.

1. ¿Atsi toj hope Dios Niyatyaj wet atsi Elh toj niyatej?

Dios Niyatyaj hope nʼoniyatyaj toj Heowa yenlhi. Laka Niyat hope Jesucristo wet ihi pele toj iwo leniyatyaja (Mateo 4:17; Juan 18:36). Biblia yomeje Jesús toj yok: «Dios yenla häpeya Niyat [...], najit lepese Leniyatyaj» (Lucas 1:32, 33). Toj lham hope Dios Niyatyaj laka Niyat niyathiyeja nilhokej wichi toj iʼpe Honhat.

2. ¿Atsi iyhaj toj lhayʼehila Jesús toj niyatej?

Jesús tsʼilakhitʼa lham toj iwo leniyatyaja. «Wichi tä tälhomche nilhokej honhates, wichi tä wʼenhache lhamejen, häp lhamel tä lhämtes wʼenhahiche, yämlek häpehen Dios leles [...]. Wet lhen niyateya» (Apocalipsis 5:9, 10). ¿Chihatefwas (Ep hote toj ihi) iyhaj toj niyathiyeja toj lhayʼehila Jesús? Talhe toj Jesús ihi pʼante Honhat, millones wichi toj ihanlhi Cristo hopkhilak lhayen hopeya lechufwenkay. Mat tajlhamet 144.000 wichitso toj ihohiyela pele hopkhilak niyatej toj lhayʼe Jesús (yahyen Apocalipsis 14:1-4). Nilhokej iyhaj toj tʼifwtintses ihlachufwi Dios Niyatyaj toj ihihla Honhat (Salmo 37:29).

3. ¿Atsi mʼak toj tamenej toj Dios Niyatyaj inuʼpe hinʼul leniyatyaj?

Tej toj niyatey tʼuhlak iwoye mʼayhay toj isen, iwohiyetʼak ikalhi nilhokej mʼayhay toj lhamel tʼuhlak yenlhi. Wet toj tafwaytshi lewhay nʼalej toj iche iyhaj toj tiyajo lewʼet toj yenhitʼa lhakliya wichi. Mat Jesús, Dios Niyatyaj laka Niyat, ihichetʼala elh che tiyajo lewʼet. Dios yenlhi pʼante «nʼoniyatyaj toj ihihila tä ihi pajlaʼtha tiyäjʼattsiy» (Daniel 2:44). Jesús niyathiyeja Honhat wet hiwʼawlhatcha wichi. Lham hope elh toj pʼalhtsentsaj, humnhatsaj wet leʼisyaj ihi wet ichufwenhiyeja wichi hopkhilak hate iwoye lham toj pʼalhtsentses, humnhatses wet isla iyhaj (yahyen Isaías 11:9).

4. Nʼoniyatyaj toj lakhajyhayaj ihi niyathiyeja nilhok Honhat

Jesucristo lhayʼe lhip toj lakhajyhayaj ihi wet iwoyek iwo leniyatyaja inuʼpe niyat at che hope toj iche. Yahyen Mateo 28:18 wet ame mʼayhayna:

• ¿Atsi mʼak toj tamenej toj Jesús leniyatyaj inuʼpe hinʼu at che hope leniyatyaj?

Hop hinʼu leniyatyaj tajlhamet iwoyek niyatej lhip Honhat wet ifwala at che hope lepes ihi. ¿Ha malhyejtso Dios Leniyatyaj? Yahyen Daniel 7:14 wet ame mʼayhayna:

• ¿Atsi mʼak toj tamenej toj is, toj Dios Leniyatyaj lepes ihichetʼala?

• ¿Atsi mʼak toj tamenej toj is, che Dios Niyatyaj niyatej Honhat?

5. Hop hinʼul leniyatyaj is che nʼotiyej kanhi

¿Atsi mʼak toj tamenej toj is, che Dios Niyatyaj itiyej kanhi hinʼul leniyatyaj? Yahin VIDEO wet ame mʼayhayna:

VIDEO: ¿Atsi toj hope Dios Niyatyaj? (lhip) (1:41)

• ¿Atsi nʼowitʼayhyajay toj hinʼu leniyatyaj iwoyeje wichi?

Yahyen Eclesiastés 8:9 wet ame mʼayhayna:

• ¿Ha lefwetaj toj Dios Niyatyaj is che itiyej kanhi hinʼul leniyatyaj? ¿Atsi mʼak toj tamenej?

6. Niyatey toj ihihla Dios Niyatyaj ihanej tʼat mʼak toj nehi

Toj hope tʼat lhaka Niyat, Jesús, hope pʼante hinʼu wet hate ihi pʼante Honhat, wet iwoyek «hipʼaltsen nʼamehen tä lhakʼefwhayaj ihi» (Hebreos 4:15). Heowa tatshupiye hop 144.000 hinʼul wet atsinhay toj afwtintses hopkhilak niyatej toj lhayʼe Jesús. Wichina «tälhomche nilhokej honhates, [...] wʼenhache lhamejen, häp lhamel tä lhämtes wʼenhahiche» (Apocalipsis 5:9).

• ¿Ha aikhajyen toj lhen atichunhayaja toj Jesús wet iyhaj toj lhayʼehila lham toj niyatey ihanej tʼat mʼak toj wichi ihi? ¿Atsi mʼak toj tamenej?

7. Dios Niyatyaj laka leyes inuʼpe hinʼul laka leyes

Hop niyatey yenlhi leyes hopkhilak tachʼote wet tʼuye laka wichi. Dios Niyatyaj hate hiwʼen laka leyes wet laka wichi is che iwoye tʼat. Yahyen 1 Corintios 6:9-11 wet ame mʼayhayna:

• ¿Chi malhyej (Ep hote) toj lefwetaj che imalhewek honhat iwoye tʼat mʼak toj Dios tʼalhe lhamel?a

• ¿Ha lefwetaj toj tʼuhawetej toj Heowa tataye che laka wichi toj ichufwi Leniyatyaj yenhitʼa wʼet mʼayeka mʼak toj Lham tʼalhe? ¿Atsi mʼ ak toj tamenej toj malhyejtso achulhyaj?

• ¿Chi malhyej (Ep hote) toj nahanej toj wichi toj tachʼahuhiyetʼa leyesna iwoyek iwo elha mʼak toj ihi? (Tetshan versículo 11).

MʼAYHAY TOJ LETETSHANNE

Hop Dios Niyatyaj hope nʼoniyatyaj toj matche, toj ihi pele wet niyathiyeja Honhat.

Mʼayhay toj nalechufwenejne

• ¿Atsi iyhaj toj hopehen niyatey toj ihihila Dios Niyatyaj?

• ¿Atsi mʼak toj tamenej toj Dios Niyatyaj inuʼpe hinʼu leniyatyaj?

• ¿Atsi mʼak toj Heowa tataye che laka wichi iwoye che ichufwi Leniyatyaj?

IWOYEK LEWʼEN IYHAJ MʼAYHAY:

Yahyen mʼak toj Jesús ichufwenej pʼante wichi lhip toj ihi Dios Niyatyaj.

«¿Ha Dios Niyatyaj hope tʼat toj nʼoelh itihi lehusek?» (Nʼochufwenyaj toj ihi jw.org)

¿Atsi mʼak toj tamenej toj wichi toj yen lhometa Heowa ihuminchek toj tajlhamet Dios Niyatyaj toj afwtintsaje?

Lhaithatche tʼat hop Dios Niyatyaj (1:44)

Tetshan mʼak toj Biblia yomeje 144.000 wichi toj Heowa tatshupiye hopkhilak niyatey toj lhayʼe Jesús.

«¿Atsi iyhaj toj ihohla kapha?» (Nʼochufwenyaj toj ihi jw.org)

¿Atsi mʼak toj ikalelhtho elh toj ihi pʼante nʼopʼonthi toj tajlhamet Dios toj iwoyek itihi nʼoʼisyaj Honhat?

«Ohanej lenʼayij toj nʼoyamla is mʼayhay toj niʼisahen» (¡Despertad!, noviembre toj 2011)

Dios Niyatyaj iwo pʼante tesa toj iwo leniyatyaja toj ihi pele toj nekchom 1914. Talhe lewhaytso yiklhaye toj lepes hinʼu leniyatyaj. ¿Chi malhyej (Ep hote) toj nahanej? Athana natetshanla, mʼak toj Biblia yome pʼante, mʼak toj wichi ihi ifwalasna wet lakey toj inʼalit talhe nekchom 1914.

1. ¿Atsi mʼak toj Biblia yome pʼante?

Libro toj lhey Daniel pajche yome pʼante toj Dios Niyatyaj iwohla tesa pʼante toj iwo leniyatyaja toj tafwaytshi lewhay toj nʼoyok «siete nekchämis» (Daniel 4:16, 17). Tafwaytshi siglos, Jesús yome lewhayistso toj yok «häp wichi tä kahäpeya Judíos lhayis tʼäsichela Jerusalén, yäk taj lepes», wet yome toj lewhayistso kamaj tajitʼa lepes (Lucas 21:24). Malhyej toj natetshanla, siete nekchomistso taj lepes nekchom 1914.

2. ¿Chi malhyej (Ep hote) toj mʼak toj wichi ihi wet lakey toj inʼalit talhe nekchom 1914?

Jesús lechufwenkay tayʼatshane pʼante lham: «Wet chik tottʼaye lewhäy chik letapil alhoho wet honhat noj, ¿atsi nʼotetnek chik ihichela?» (Mateo 24:3). Jesús nichulho lhamel, yome wujpe mʼayhay toj ihichela che tafwaytshi lewhay toj lham iwo tesa toj iwo leniyatyaja toj ihi pele, malhyej Dios Niyatyaj laka Niyat. Malhyej toja, yome nʼokaʼtshayajay, nehlas wet honhat wʼahu (yahyen Mateo 24:7). Biblia hate yome pʼante wichi lakeyis «lewhäy che lepese» ihichela mʼayhay toj «lhayʼe lhip tä atha» (2 Timoteo 3:1-5). Talhe 1914, mʼayhaytso wet nʼokeyis toj wichi inʼalit, nʼal tʼat.

3. ¿Atsi mʼak toj tamenej toj lhayʼe lhip toj niʼisa mʼak toj wichi ihi talhe toj Dios Niyatyaj iwo pʼante tesa toj iwo leniyatyaja?

Toj tafwaytshi toj Jesús lhayen hopeya Dios Niyatyaj laka Niyat, iche nʼokaʼtshayaj toj ihi pele, wet Jesús tathayhla Satanás wet laka ahot lhayis. Lham ikalhi Satanás, wet Biblia yome toj, «Lham lhayʼe laka ángeles õʼthat honhate» (Apocalipsis 12:9, 10, 12). Satanás wuj toj lefwitseyaj ihi hop toj ihanej toj tatay lhimpaj nʼotayhthila. Hop toj tamenej iwo lewitʼayhyaja mʼayhay toj iʼpe Honhat. ¡Hop toj tamenej toj lhayʼe lhip toj niʼisa mʼak toj iche! Mat Dios Leniyatyaj itayhthila nowitʼayhyajayna.

NATʼAYHETTSHI TOJ NALECHUFWENEJ

4. Profecías toj ihi Biblia ichaj namehen nekchom 1914

VIDEO: Dios Niyatyaj iwo pʼante tesa toj iwo leniyatyaja toj nekchom 1914 (5:02)

Dios iwo pʼante lefwilheka Nabucodonosor, niyat toj pajche toj ihi Babilonia, toj yome mʼak toj ihichela. Nabucodonosor lefwilhek wet mʼak toj Daniel ifwel toj hope, yomeje tʼat Nabucodonosor leniyatyaj wet Dios Leniyatyaj (yahyen Daniel 4:17).a

Yahyen Daniel 4:20-26. Che paj chumyenlhi recuadro toj nichulho nʼoyʼatshanhayna:

• A) ¿Atsi mʼak toj Nabucodonosor hiwʼen toj ihi lefwilhek? (Tetshan versículos 20 wet 21).

• B) ¿Atsi mʼak toj ihiyeja halʼo? (Tetshan versículo 23).

• C) ¿Atsi mʼak toj ihichela che tafwaytshi «siete nekchämis»? (Tetshan versículo 26).

Nʼofwilhek toj yome halʼo wet Dios Niyatyaj

PROFECÍA (Daniel 4:20-36)

Nʼoniyatyaj

A) Halʼo toj wujche

Takasit nʼoniyatyaj

B) «That katsi halʼäna» pajlaʼtha taj yome «siete nekchämis»

Yachajo toj iwo tesa leniyatyaj

C) «Yachajila ame aniyatyaj»

Mʼak toj ichun toj lhayam matche:

• D) ¿Atsi elh toj nʼotechʼaynej halʼo? (Tetshan versículo 22).

• E) ¿Atsi lewhay toj ikalhi leniyatyaj? (Yahyen Daniel 4:29-33).

• F) ¿Atsi mʼak toj iyej toj tafwaytshi «siete nekchämis»? (Yahyen Daniel 4:34-36).

MʼAK TOJ ICHUN TOJ LHAYAM MATCHE

Nʼoniyatyaj

D) Nabucodonosor, Babilonia laka niyat

Takasit nʼoniyatyaj

E) Nabucodonosor welan toj tafwaytshi nekchom 606 a.e.c.b wet iwohiyetʼak iwo leniyatyaja siete nekchomis

Yachajo toj iwo tesa leniyatyaj

F) Nabucodonosor yachajo toj is wet yachajo toj iwo leniyatyaja

Mʼak toj lhayam matche toj segundo:

• G) ¿Atsi iyhaj toj nʼotechʼaynej halʼo? (Yahyen 1 Crónicas 29:23).

• H) ¿Atsi lewhay toj takasit toj iwo leniyatyaja? ¿Chi malhyej (Ep hote) toj nahanej toj iwohitʼa leniyatyaja lewhay toj Jesús ihi pʼante Honhat? (Yahyen Lucas 21:24).

• I) ¿Atsi lhip wet lewhay toj yachajo toj iche nʼoniyatyajna?

MʼAK TOJ LHAYAM MATCHE TOJ SEGUNDO

Nʼoniyatyaj

G) Niyatey toj ihi Israel hopehen pʼante iyhaj toj ichufwi Dios Niyatyaj

Takasit nʼoniyatyaj

H) Jerusalén nʼokanchi pʼante toj nekchom 607 a.e.c. wet 2.520 nekchomis toj ihichetʼa niyat toj ihi Israel

Yachajo toj iwo tesa leniyatyaj

I) Jesús iwo tesa toj iwo leniyatyaja toj ihi pele malhyej Dios Niyatyaj laka Niyat toj nekchom  1914

5. Talhe 1914 Honhat iwo elha mʼak toj ihi

Yahin VIDEO.

VIDEO: Talhe 1914 Honhat iwo elha mʼak toj ihi (1:10)

Jesús yome pʼante mʼak toj malhnhiyeja Honhat che tafwaytshi toj lham iwo tesa toj iwo leniyatyaja. Yahyen Lucas 21:9-11 wet ame mʼayhayna:

• Mʼayhay toj profecía yome, ¿atsi iyhaj toj lewʼen wok lelatchʼoye toj nʼoyome?

Apóstol Pablo yome pʼante wichi lakey toj nʼanhila ifwala toj lepes tʼat hinʼu leniyatyaj. Yahyen 2 Timoteo 3:1-5 wet ame mʼayhayna:

• Nʼokeyis toj texto yome, ¿atsi iyhaj toj am lewʼen?

6. Toj nahanej toj Dios Niyatyaj pajche iwo leniyatyaja is che inityen namejen toj nawoye mʼak

Yahyen Mateo 24:3, 14 wet ame mʼayhayna:

• ¿Atsi nʼochumet toj laha ihi inʼalit toj Dios Niyatyaj pajche iwo leniyatyaja?

• ¿Chi malhyej (Ep hote) toj am lechʼote nʼochumetna?

Dios Niyatyaj pajche iwo leniyatyaja, wet tatay lhimphaj che imalhewek toj niyatej Honhat. Yahyen Hebreos 10:24, 25 wet ame mʼayhayna:

• ¿Atsi mʼak toj nilhokej namel is che nawoye «tä yʼawʼen tä tottʼa alhoho ifwala tä Lhawuk tapinla»?

MʼAYHAY TOJ LETETSHANNE

Profecías toj ihi Biblia wet mʼak toj wichi ihi ifwalasna inʼalit toj Dios Niyatyaj pajche iwo leniyatyaja. Wet olhamel omatitche tajtso hop toj tamenej toj oyome Nʼoniyatyajtso wet ohoyepej reuniones toj congregación yenlhi.

Mʼayhay toj nalechufwenejne

• ¿Atsi mʼayhay toj iche lewhay toj noj siete nekchomis toj Daniel laka libro yome?

• ¿Atsi mʼak toj ikalelhat amho toj Dios Niyatyaj iwo tesa toj iwo leniyatyaja toj nekchom 1914?

• ¿Chi malhyej (Ep hote) toj am iwoyek lekalelhat toj lematitche toj Dios Niyatyaj pajche iwo leniyatyaja?

IWOYEK LEWʼEN IYHAJ MʼAYHAY:

Yahyen mʼak toj historiadores wet iyhaj wichi toj ihan mʼakejen yome mʼayhay toj iwo iyhaja toj nehi talhe toj nekchom 1914.

«Lewhay toj nʼokeyis toj isen tatay» (¡Despertad!, abril toj 2007)

Yahyen chi malhyej (ep hote) toj iwo elha mʼak toj ihi hinʼu lewhay toj yʼaje profecía toj ihi  Mateo 24:14.

«Matche pʼante toj ohumin toj okoyej béisbol» (La Atalaya, núm. 3 2017)

¿Chi malhyej (Ep hote) toj nahanej toj profecía toj ihi capítulo 4 ihi Daniel laka libro yiwite tʼat Dios Niyatyaj?

«¿Atsi lewhay toj iwo pʼante tesa toj iwo leniyatyaja Dios Niyatyaj? (Lhip toj ichun)» (La Atalaya, 1 toj octubre toj 2014)

¿Atsi mʼak toj inʼalit toj «siete nekchämis» toj ihi Daniel capítulo 4 noj pʼante toj nekchom 1914?

«¿Atsi lewhay toj iwo pʼante tesa toj iwo leniyatyaja Dios Niyatyaj? (Lhip toj segundo)» (La Atalaya, 1 toj noviembre toj 2014)

Hop Dios Niyatyaj pajche iwo leniyatyaja toj ihi pele. Tatay lhimpaj niyathiyeja Honhat. Natetshan mʼayhay iyhaj toj isis toj nʼoniyatyajna iwohiyela wet mʼayhay toj am matche toj iwoyek lenihichʼoye.

1. ¿Atsi mʼak toj iwohiyela Dios Niyatyaj hopkhilak yachajo toj nʼotamsek wet nʼoʼisyhaj ihi Honhat?

Toj ihi nʼokaʼtshayaj Armagedón Jesús, elh toj hope Niyat toj ihi Dios Niyatyaj, itayhthila wichi toj niʼisahen wet niyatey (Apocalipsis 16:14, 16). Lewhayistso nilhokiyeja mʼak toj Biblia ifwel lhayamla matche: «Pajiyejtʼa wet nemla iche wichi tä niʼisahen» (Salmo 37:10). Isej nʼoniyatyajna Jesús itihihla nʼotamsek wet nʼoʼisyaj Honhat (yahyen Isaías 11:4).

2. Che nilhokej iwoye Dios lenechʼethayaj toj ihi Honhat, ¿atsi mʼak toj wichi ihihla?

Che Dios Niyatyaj niyatej Honhat, «häp wichi tä isen, honhat lewuhuyla wet yenla lewʼeta yämlek tiyäjʼattsiy» (Salmo 37:29). Tichunejlhi toja, ¡atsi mʼak toj ihichela lewhay che nilhokej wichi isen, ihumin Heowa wet hate toj lhaihumnhen! Isilataj ¿mat? Ihichetʼala elh che tʼinhayaj ihi wet nilhokej wichi lepes ihihitʼala toj ilayhiche.

3. ¿Atsi mʼak toj Dios Niyatyaj ikalhihla che tafwaytshi toj itayhthen hop wichi toj niʼisahen?

Toj tafwaytshi toj itayhthen wichi toj niʼisahen Jesús iwohla leniyatyaja 1.000 nekchomis. Lewhaytso Jesús wet 144.000 toj niyatejla toj lhayʼe lham tachʼotiyela wichi hopkhilak nemhit lechʼisukyajay ihi. Che tafwaytshi lewhaytso Honhat matchehla toj isilataj, wet tapohiyeja wichi toj lakajyajay ihiche hop toj nilhokej lhamel tachʼahuhiyela Heowa laka leyes. Toj malhyejtso, Jesús yachajiyela Leniyatyaj hop Lajcha, Heowa. Wet nʼokalhihla mʼak toj ihichetʼak nʼokalhi toj nʼoyen tʼamajcheta Dios lhey (Mateo 6:9, 10). Kalelhajila toj Heowa hope Niyat toj is wet toj tʼuye laka wichi. Toj paj Heowa itayhthila Satanás wet laka ahot lhayis, wet hate elh at che hope toj tʼuhlak itayhla leniyatyaj (Apocalipsis 20:7-10). Mʼak toj is toj Dios Niyatyaj ikalhihla lepes ihihitʼala.

NATʼAYHETTSHI TOJ NALECHUFWENEJ

4. Hop Dios Niyatyaj itayhthila hinʼul leniyatyaj

«Hinʼol tä lhayen iyhäj lewuhuya wet äp iwitʼäyen lhamel» (Eclesiastés 8:9). Heowa ichumyenhilhila Leniyatyaj hopkhilak yachajo toj yam is mʼak toj nitʼuhawetayej toj niyatey iwoye.

Yahyen Daniel 2:44 wet 2 Tesalonicenses 1:6-8 wet ame mʼayhayna:

• ¿Atsi mʼak toj Heowa wet Lhos Jesús iwohiyela hinʼul leniyatyaj wet iyhaj toj lhaithatche lhamel?

• ¿Atsi mʼak toj ikalelhat amho mʼak toj lehanej toj talhe Heowa wet Jesús, toj lhamel iwohiyela mʼak toj is alhoho wet hiwʼawlhatcha wichi?

5. Jesús hope Niyat toj matche toj is

Malhyej Dios Niyatyaj laka Niyat, Jesús iwohiyeja wujpe mʼayhay toj isis hop wichi toj ihi Honhat. Yahin VIDEO hopkhilak lhachajo toj letetshan toj Jesús tʼuhlak tachʼote wichi wet toj Dios tʼat toj hiwʼenho lakhajyhayaj hopkhilak ikalhi tajtso.

VIDEO: Jesús inʼalit pʼante mʼak toj Dios Niyatyaj ikalhihla (1:13)

Mʼayhay toj Jesús iwoye pʼante, lewhay toj ihi Honhat inʼalit tʼat mʼak toj Dios Niyatyaj ikalhihla. Mʼayhay toj lham ifwel pʼante toj natetshanla, ¿atsi iyhaj toj am lehuminchek lhayʼe lhip toj lewʼen che lhayamla matche? Yahyen nilhokej textos lhip toj ihi mʼayhayna toj Biblia ifwel.

6. Isej Dios Leniyatyaj natataye mʼak toj lhayʼe lhip toj isilataj

VIDEO: Ventana toj ipayen namehen mʼak toj matche toj isilataj toj tatay alhoho (4:38)

Yahyen Salmo 145:16 wet ame mʼayhayna:

• ¿Chi malhyej (Ep hote) toj lelat ame toj lehanej toj Heowa tʼuhlak «[hi]wʼenhomche [wichi] mʼak tä naya»?

MʼAYHAY TOJ LETETSHANNE

Hop Dios Niyatyaj ikalhihla mʼak toj tʼuhlak iwoye. Yenla hopeya honhatna lhip toj wʼatshan toj nilhokhiyeja wichi toj lehusey ihi lepes ihihitʼala toj nʼokwiyej hop Heowa.

Mʼayhay toj nalechufwenejne

• ¿Atsi mʼak toj iwohiyela Dios Niyatyaj hopkhilak yen tʼamajcheta Heowa lhey?

• ¿Atsi mʼak toj tamenej toj kalelhaj namhohen toj Dios Niyatyaj yamla matche mʼak toj Biblia yome?

• Mʼayhay toj Dios Niyatyaj ikalhihla, ¿atsi elh toj lhayʼe lhip toj am letʼuhlak lewʼen?

IWOYEK LEWʼEN IYHAJ MʼAYHAY:

Tetshan mʼak toj hope Armagedón.

«¿Atsi mʼak toj hope Armagedón?» (Nʼochufwenyaj toj ihi jw.org)

Tetshan mʼayhay toj ihichela che ihi mʼak toj Jesús yome toj ihi «nʼolhakli tä lhäyʼe lhip tä äytaj» Mateo 24:21.

«¿Atsi toj hope gran tribulación?» (Nʼochufwenyaj toj ihi jw.org)

¿Chi malhyej (Ep hote) toj wichi toj lewʼet lheley ihi iwoyek itichunejlhi toj yen kajyaja mʼak toj Dios Niyatyaj ikalhihla toj tatay alhoho?

Nʼalhte toj lhehi tʼat Honhat toj wʼatshan wet isilataj (1:50)

«Oyen lhakliya wujpe nʼoyʼatshanhay», tetshan mʼak toj hinʼu ihihte hopkhilak lewʼen toj hinʼuna toj tatayhla pʼante políticos, nilhoke lechulhyajay mʼak toj lham ihuminchek nʼoyam is.

«Dios Lhomet iwo elha mʼak toj ihi» (La Atalaya, 1 toj enero toj 2012)