¿Ha owakʼalh?
¿Ha owakʼalh hopkhilak owo lhometa toj olhayʼe congregación?
Am iwoyek awakʼalh toj ahope elh toj iwo lhometa toj kamaj lhaiwohitʼa bautisaya che...
... lhen akeya toj alechufwenej hop Dios Lhomtes, lewo atʼalhyaja wet lehoye reuniones toj congregación yenlhi.
... lematitche wet lhenhitʼa wʼet mʼayeka mʼak toj alechufwenej, wet letʼuhlak lefwenho hop aiyhaj mʼak toj lehanej.
... lehumin Heowa wet letʼukwe akalayʼis toj hate ihumin Lham.
... nemhit alethatche mʼak toj políticos wok religión toj kamatache iwoye.
... mʼak toj lhehi lehanlhi tʼat Heowa laka leyes wet letʼuhlak ahope elh wichi toj yen lhometa Heowa.
Che lematitche toj awakʼalh hopkhilak lewo ameta toj lelhayʼe congregación, achufwenyajwo ifwenhohla hop hinʼul toj tʼuyehen lepunfwas, wet lhamel tʼanla ame hopkhilak tahu amej che am lehanlhi tʼat mʼayhayna.
¿Ha owakʼalh hopkhilak olhaiwo bautisaya?
Am iwoyek awakʼalh toj alewo bautisaya che...
... ahope elh toj iwo lhometa toj kamaj lhaiwohitʼa bautisaya.
... lewopej ameta wet alekhajyenej.
... alethatche «nʼokawo tä afwtintsaj wet lehusek ihi» wet lehanlhi mʼak toj is che lewoye (Mateo 24:45-47).
... lewo atʼalhyajaye Heowa hopkhilak alhayachaje, wet letʼuhlak lepes ihihitʼa toj lechumhoplhi.
Che lematitche toj awakʼalh toj alewohla bautisaya, achufwenyajwo ifwenhohla hinʼul toj tʼuyehen lepunfwas,wet lhamel tʼanla ame hopkhilak tahu amej che am lehanlhi tʼat mʼayhayna.