¿Atsi m’ak toj tach’ote wichi toj yen lhometa Heowa lechumet?

M’ak toj lhamya toj tach’ote olhamel ochumet hope chinaj t’oj toj wichi toj yen lhometa Heowa ithatcho.a Che iche n’oelh toj t’uhlak ithatcho chinaj t’oj, iwoyek ithatho lehis toj ihi lhip toj olhamel oyenlhi reuniones wok malhyej toj ihi jw.org lhip toj yome donaciones. Weihalhapej n’oelh itshupiyenhiyela che ithatcho chinaj t’oj hopkhilak congregación ichumyenejlhi m’ak toj iwatla, n’och’ote n’ochumet toj olhamel owoye toj i’pe nilhok honhat wok dos m’ayhaytso.

Ihichet’a wichi toj yen lhometa Heowa toj n’okalelhat chifwajte (ep hote toj ihi) chinaj t’oj toj is che ithatcho. N’ot’alhit’a n’oyehen diezmo wok chinaj t’oj toj talhe lhip ochumet (2 Corintios 9:7). Toj ihi olhamel oka reuniones n’ot’alhit’ala ame chinaj t’oj, wet hate n’ot’alhit’ala ame chinaj t’oj hopkhilak letiyajchufwi. Olhamel ochufwenyajwos t’alhiyet’a chinaj t’oj lewhay toj yenlhi discursos hopkhilak wichi lhaiwo bautisaya, che iche elh toj y’il, wichi toj tawhayeyhen, wok iyhaj m’ayhay. Olhamel ofwenhilhit’a n’olhak wok iyhaj m’ayhay hopkhilak ohutwek chinaj t’oj. Hate oyenlhihit’a bingos wok lotería, rifas, ferias n’olhak wok iyhaj m’ayhay hopkhilak okalhi chinaj t’oj wet ot’alhiyet’a wichi chinaj t’oj. Wet wichi toj ithatcho chinaj t’oj n’ofwenhit’a lheyis (Mateo 6:2-4). Hate olhamel oka páginas toj ihi internet wok oka publicaciones hiw’enhit’a anuncios.

Nilhokej iw’elas, toj ihi congregaciones n’owaklhatpej m’ak toj ikalelhat len’ayij toj n’ochumyenlhi chinaj t’oj toj wichi toj ihi iwoyek itetshan. Ichepej toj n’otetshan congregación laka chinaj t’oj hopkhilak n’al toj n’otamajej toj n’ochumyenlhi (2 Corintios 8:20, 21).

¿Chi malhyej (Ep hote) toj n’oyenlhi donaciones?

• Chinaj t’oj hi: Iwoyek lethatho aka donación, chinaj t’oj wok cheque, hop lehis toj ihi wichi toj yen lhometa Heowa lew’et, toj ihi reuniones toj wus wok iyhaj lhipey toj olhamel olhaihutwek.

• Donaciones toj ihi internet: Wujpe honhates toj iwoyek ichumyenlhi lhip toj lhey “Donar a los testigos de Jehová” toj ihi internet hopkhilak ichumyenlhi tarjetas toj crédito wok débito, wok isej banco toj hate iwoyek ithattshi chinaj t’oj wok len’ayij elh at che hope.b Nilhok iw’elas, iyhaj wichi toj yen lhometa Heowa «hiwʼenhat lhip» hop laka chinaj t’oj, hopkhilak yenlhipej laka donación, isej mʼayhayna (1 Corintios 16:2).

  

• Donaciones toj kalelhaj: Iche donaciones toj is che n’otetshan ayej wet n’ot’ukwe n’ochotyaj legal. Tajtso iwoyek tach’ot ame toj leisej m’ayhay toj ihi honhat toj lhehi. Wujpe wichi isej toj itetshan ayej atsi donaciones toj iwoyek yenlhi toj kamaj ilayhi wok donaciones toj is che n’oyenhit’a w’et m’ayeka toj tafwaytshi toj y’il. Iwoyek n’otahuyej elh toj ihi Nowukwe Betel toj wichi toj yen lhometa Heowa hiw’en hopkhilak yenlhi aka donación toj ichumyenlhi:

  • cuentas toj ihi bancos

  • seguros y planes de jubilación

  • bienes raíces

  • acciones y bonos

  • testamentos y fideicomisos

Che lewatlak lehanej m’ak toj is che lewoye lhip toj lhehi hopkhilak lhenlhi aka donación, tetshan lhip toj lhey “Donar a los testigos de Jehová”.