¿Atsi m’ak toj tamenej toj wichi toj yen lhometa Heowa lhay’uythihot’a m’ayhay toj políticos iwoye?
Hop olhamel, wichi toj yen lhometa Heowa, ot’ekhahyaj talho t’at Biblia, hop toj tamenej toj tek olhamel olhay’uhytho m’ayhay toj políticos iwoye. Olhamel tek onityenej políticos hopkhilak iwoye m’ak at che hope, olhamel otihiyejt’a oka voto niyat at che hope. Tek olhamel ot’ukwe che n’o’tshupyen n’oyehen hopkhilak oihi n’oniyatyaj at che hope wet tek olhamel ot’ukwe che iche elh niyat che elh tiyajo lew’et. Olhamel ow’en m’ayhay toj matche toj lahal ihi toj ihi Biblia toj tamenej toj olhay’uythihot’a m’ayhay toj políticos iwoye. Hopehen toja:
Is che naten Jesús lakey toj, takawayhla p’ante toj n’ot’uhlak n’oyen niyata (Juan 6:15). Jesús yome p’ante toj lechufwenkay hate isit’a che hopehen «honhat leles», toj malhyejtso isit’a che lhaitatche niyat at che hope (Juan 17:14, 16; 18:36; Marcos 12:13-17).
Olhamel o’tifwtiye t’at Dios Niyatyaj toj, noniyatyaj toj Jesús yome p’ante toj yok: «Nʼosilätyaj tä Isna tä yäme Dios Niyatyaj õʼwohla silätaʼpe imälhewek honhat» (Mateo 24:14). Toj olhamel ohopehen Dios Niyatyaj laka wichi, olhamel olhay’uythihot’a m’ayhay toj políticos iwoye toj i’pe nilhokej honhates, lhay’e lhip toj olhamel oihi. Tajlhamet toj olhamel ow’en ochumet toj oyen silotyaja toj Dios Niyatyajtso namla (2 Corintios 5:20; Efesios 6:20).
Toj olhamel olhay’uythihot’a m’ayhay toj políticos iwoye, tamenej toj olhamel is t’at toj ofwenho n’osilotyajay toj talhe Dios Niyatyaj hop wichi at che hope toj w’enhahiche lhamel letichunhayajay. M’ayhay toj olhamel oyome wet owoye, olhaikhajyenej t’at hopkhilak in’alit toj olhamel ot’ekhaye t’at toj Dios Niyatyaj itayhthila nilhokej owit’ayhyajay toj i’pe honhat (Salmo 56:11).
Che olhamel olhay’uytho m’ayhay toj políticos iwoye, nilhokej olhamel opunfwas toj i’pe honhat nemhit lhaip’ajtitwek (Colosenses 3:14; 1 Pedro 2:17). Hop religiones toj lhay’uytho m’ayhay toj políticos iwoye, lhaiw’enhaten (1 Corintios 1:10).
Olhamel oyenhit’a w’et m’ayeka niyatey. Tej toj olhamel olhay’uythihot’a m’ayhay toj políticos iwoye, olhamel oyenhit’a w’et m’ayeka len’ohyaj toj hiw’en hop niyatey. Toj malhyejtso, olhamel owoye n’ofwonyaj toj ihi Romanos 13:1 toj yok: «Is chik nilhokej wichi tachʼahuye niyatey tä iche». Olhamel owoye m’ayhay toj leyes yome, otiskanpe impuestos wet che iche m’ayhay toj niyatej iwoye hopkhilak wichi isej, olhamel och’ote. Ihichet’a lewhay che olhamel oyen w’et m’ayeka niyatey, olhamel ohanlhi n’ofwonyaj toj ihi Biblia toj yome toj is che owo t’alhyaja’pe «nʼowustas lhäyʼe nilhokej niyatey», lhay’e lhip toj owo t’alhyaja’pe che m’ayhay toj lhamel itshupyene inuhit’ahla toj on’okwiyej Dios (1 Timoteo 2:1, 2).
Hate olhamel oyenhit’a w’et m’ayeka che n’oelh w’eihalhapej itsupyene che lhay’uytho m’ayhay toj políticos iwoye. Malhyej toja, olhamel onuhit’ala che iche elecciones wet hate onuhit’ahla che iche n’oelh toj itshupyene che itiyej laka voto niyat at che hope.
¿Ha hope m’ak toj nech’e toj olhamel olhay’uytihot’a m’ayhay toj políticos iwoye? Kha. Hop apóstoles wet iyhaj cristianos toj ihi siglo toj ichun hate iwoye p’ante tajtso. Iche libro toj yok: «Tej toj lhamel ihanej p’ante toj is che tach’ahuye niyatey, Dios lakawos toj ichun lhay’uythihot’a p’ante m’ayhay toj políticos iwoye». (Beyond Good Intentions—A Biblical View of Politics [Más que buenas intenciones. La visión bíblica de la política]). Hate Orígenes, teólogo toj iche p’ante toj nekchomes 100 wok 200 ilesayen p’ante toja: «Hop Cristianos, lhamel tachumhit’ahla che wichi t’uhlak yen niyata».
¿Ha is che niyatey n’owaye che olhamel olhay’uytihot’a políticos? Kha. Olhamel ohopehen wichi toj letamsekis ihi, hop toj tamenej toj isit’a che iti n’oyejen lenowahyaj. Lhek natetshan m’ak toj informe yome toj nekchom 2001 toj talhe Academia Nacional de Ciencias de Ucrania. Toj ikatla toj olhamel olhay’uytihot’a políticos, yok: «Ifwalasna iche iyhaj toj ihuminhit’a toj wichi toj yen lhometa Heowa lhay’uytihot’a hop m’ayhay toj políticos iwoye. Tajtso hope p’ante m’ak toj lhamya toj tamenej toj n’oniyatyajay toj malhyej nazi wet comunistas itiyej lewit’ayhyajay». Informe yikchufwi toj yome toj wichi toj yen lhometa Heowa toj ichufwi hop Unión soviética lakhajyhayaj, «nilhok lewhay hopehen wichi toj yenhit’a w’et m’ayeka hop ley, wet t’amajej toj tachumwetha wet ihumin toj tach’otehen iyhaj toj ihi granjas wet fábricas, wet ihichet’a lewhay che hopehen wichi toj iwoyek itiyej lewit’ay hop n’oniyatyaj comunista». Hop informe yen lepesa toj yome toj lhamel t’ekhahyaj wet m’ayhay toj lhamel iwoye ifwalasna «hopkhit’a toj t’ukwe che iwo m’akayej seguridad toj iche wok tamenej che honhatil nemhit lhaip’ajtitwek».