世間的苦難敢會結束？

聖經講：

上帝欲拭去人的目屎，「無閣有死失，嘛無閣有哀傷、喉叫、痛疼，因為前的代誌已經過去。」（啟示錄21:3,4，《現代台語譯本》）

及你有什麼關係？

咱會當肯定上帝是公平的。（雅各書1:13）

知影上帝完全了解咱所受的苦，感覺真安慰。（撒迦利亞書2:8）

所有的苦難一定會結束，互咱有希望。（詩篇37:9-11）

聖經講的敢有影？

有，至少有兩個理由：

• 上帝怨恨不公平的代誌發生佇咱的身上，互咱受苦。請想看覓，上帝的百姓過去受著殘忍的傷害時，伊的感覺是按怎呢？聖經講，耶和華看著人「因為受壓制苦楚」，就感覺真傷心。（士師記2:18）

  聖經講，耶和華怨恨「刣無辜的人的手」。（箴言6:16,17）所以，咱知影上帝真怨恨傷天害理的人。

• 上帝關心咱每一個人。除了咱知影「家己心內的災禍憂悶」，耶和華嘛非常了解咱所受的苦。（歷代志下6:29,30）

  耶和華真緊就欲通過伊的國，互咱的痛苦得著解脫。（馬太福音6:9,10）這馬，真心尋上帝的人，攏會對耶和華遐得著安慰。（使徒行傳17:27；哥林多後書1:3,4）