主的晚餐

1．天頂耶和華仁愛上帝，

今夜是神聖的暗暝。

千年前彼一暝，你向阮來顯示，

愛心力量公正智慧。

盤過節羊羔帶來拯救，

以色列人得著自由。

經過千年了後，耶穌流出寶血，

實現了上帝講過的話。

2．頭前餅和酒給阮提醒，

上帝付出貴重代價。

你的愛無底比，

耶穌獻出家己，

成全對人美麗旨意。

阮感激上帝贖價安排，

每一冬攏聚集起來。

每擺攏提醒阮，

耶穌表現的愛，

才會當對死亡行出來。

3．下暗阮珍惜你的邀請，

做夥聚集來敬拜你。

感謝你的愛心

及耶穌的犧牲，

榮耀讚美攏歸互你。

主的晚餐榮耀你聖名，

阮的信心愈來愈大。

決心日日隨著耶穌腳步來行，

向望未來的永遠活命。