第75首
我佇遮！請派我去！
閱讀印刷版
（以賽亞書6:8）
1.世間人誹謗耶和華，
恥笑侮辱上帝聖名，
批評上帝殘酷無情，
毋願看顧世上眾生。
啥人會為上帝出聲，
宣揚維護伊的聖名？
（副歌1）
耶和華，請你差派我！
永遠謳咾你的聖名。
為你服務是無上光榮，
我佇遮，請差派我！
2.世間人毋信耶和華，
主張伊的話攏無影，
甘願敬拜虛假偶像，
干單倚靠世上君王。
啥人願意發出警告，
宣告終結啲欲來到？
（副歌2）
耶和華，請你差派我！
我會勇敢為你出聲。
為你服務是無上光榮，
我佇遮，請差派我！
3.世界紛亂充滿歹代，
謙和的人痛苦悲哀，
一心走尋公平正義，
向望心內平靜安寧。
啥人願安慰謙和人，
幫助怹得自由平安？
（副歌3）
耶和華，請你差派我！
耐心幫助謙和的人。
為你服務是無上光榮，
我佇遮，請差派我！
（請也參考詩10:4；結9:4）