上帝是疼

1．耶和華是愛的源頭，

邀請咱學伊的樣。

愛上帝及身邊的人，

表現仁慈相款待。

疼心是生活的秘訣，

疼心是幸福來源。

願咱學主基督的愛，

為上帝增加光彩。

2．真正愛上帝及真理，

就會用行動證明。

就算有時艱苦、跋倒，

咱有上帝通倚靠。

疼心是純潔、無怨妒、

包容、吞忍、袂拾恨。

願咱做夥培養真愛，

用疼心互相對待。

3．有疼心就袂歹性地，

嘛袂來牽拖別人。

倚靠上帝聽伊指引，

謙卑遵行伊命令。

愛上帝嘛著疼厝邊，

萬項代誌攏慈悲。

願咱不時來學上帝，

體驗真愛好滋味。