良善的美德

1．耶和華你至善忠貞，有恩典，閣有憐憫；

阮有榮幸認識著你，特別恩典陪伴阮。

大聲謳咾上帝的疼，敬拜你是合情理。

歡喜相招、用心服事，獨一真神耶和華。

2．萬國萬族謙卑的人，受你吸引來聚集。

向望學你良善慈悲，傳道教人用疼心。

你賜牧者照顧引導，羊仔呼來綴你行。

求你互阮神聖力量，照你美德來生活。

3．兄弟姊妹攏是至親，無私心、團結鬥陣。

毋管會眾抑是厝裡，互相體諒、有溫情。

懇求天父賜阮力量，堅持行善無放棄。

盡力培養良善美德，結出果子媠閣甜。