第152首
為你帶來榮耀的所在
閱讀印刷版
（列王紀上8:27；歷代志上29:14）
1． 創造天地的主耶和華，
宇宙千里長、萬里闊，
起造的殿無論有偌大，
嘛無夠通互你來住。
聚集佇崇拜你的所在，
為你聖殿增加光彩。
團結仝心向上帝敬拜，
向望奉獻受你意愛。
(導歌)
賜阮所有一切，
快樂滿足無欠缺。
提你恩賜的花蕊
將聖殿妝媠媠。
(副歌)
感謝耶和華對阮的愛，
大聲謳咾你的偉大。
感謝你賜阮智慧、氣力，
起造榮耀你的所在。
2． 心頭的願望上帝攏知，
起一個崇拜的所在。
幫助人對烏暗行出來，
對你做正確的崇拜。
但願此個聖潔的所在，
互上帝旨意人人知。
傳道的腳步袂慢落來，
全力完成耶穌交代。
(導歌)
所有美好賞賜，
全攏是對你遐來。
獻互你阮上好的
青春、時間、財產
(副歌)
感謝耶和華對阮的愛，
大聲謳咾你的偉大。
感謝你賜阮智慧、氣力，
起造榮耀你的所在。