恁毋免驚！

1．我的子民恁毋免驚，

繼續勇敢向前行，

宣揚真理互人聽，

愈傳心頭會愈定。

耶穌拍贏天頂戰爭，

將撒但㧒佇土腳，

連鞭就欲消滅對敵，

快樂自由真快活。

2．四界攏是反對的聲，

想空想縫互恁驚，

花言巧語毋通聽，

才袂戇戇隨人行。

有時迫害像火赫大，

面對威脅莫閃避，

我會保護忠心百姓，

助恁堅定無偏徙。

3．恁毋免驚我是靠山，

恁的氣力及依倚，

就算恁失去性命，

我嘛會互恁閣活。

對敵害恁暫時無命，

繼續堅強無驚惶，

毋通放棄毋通失膽，

恁會得永遠活命。