賜安寧的上帝耶和華

1．仁愛的耶和華，

你保證賜阮安寧，

倚靠你的神聖力量，

通培養美好品行。

耶穌是忠貞者，

有信心綴伊腳跡，

伊來引導，阮來作伴，

和上帝誠懇同行。

2．烏暗的世界內，

真理光沿路照來，

你的話語是阮所愛，

開破阮愚戇的心。

將來一目䁥久，

無戰爭、歹代過去，

和睦安寧上帝所賜，

心肝頭攏無憂愁。

3．天頂地上萬民，

攏受你疼心吸引，

神聖力量互阮團結，

傳真理做夥仝心。

王國正義統治，

樂園中和平四序，

謙和的人歡頭喜面，

永遠來過好日子。