榮耀歸互耶和華

1． 至高的主宰耶和華，

偉大崇高的石磐，

拯救人的恩情赫大，

若無你，我會變按怎？

攑頭看著滿滿天星，

心內感動起敬畏。

我是土粉哪有算啥，

會當互你來惜命命？

2． 感謝你恩賜我性命，

決心永遠綴你行。

宣揚你的名耶和華，

美好旨意報人知影。

會當侍奉主耶和華，

我真光榮、足快活。

你是我的氣力、榮耀，

願我一生有你引導。

3． 青色山崙彩雲咧飛，

微微的風陣陣吹，

囝仔歡喜咧匿相尋，

疼心智慧充滿天地。

奇妙創造互人欽佩，

感動我謳咾上帝。

你是偉大的創造主，

所有榮耀攏是你的。