聖經——上帝寶貴的話語

1．聖經是偉大上帝寫的批信，

互全地的人知影伊心意；

千言萬語表達伊滿滿的愛，

向望咱攏有光明的未來。

賜神聖力量互伊差用的人，

佇無仝時代，寫出伊的話。

溫暖的叮嚀，閣有重要教示，

感動咱的心順趁伊旨意。

2．聖經有記載上帝創造萬物，

也創造男女亞當和夏娃。

翁某兩人煞做夥反背上帝，

無閣有資格住樂園內底。

原來是因為一個邪惡天使，

講上帝歹話，使弄怹犯罪，

致使怹子孫代代攏無完美，

佳哉耶和華拯救全人類。

3．耶和華委任耶穌基督作王，

佇指定時期，對敵會滅亡。

王國真理互人愈聽愈合意，

著緊傳講，把握最後時機。

上帝話語有滿滿的好消息，

像天父準備的豐沛料理；

心靈得滋養，思想清氣健康，

現在到未來，幸福無盡磅！