宣揚王國的好消息

1.真理像光線照佇人的面頭前，

今仔日咱會當理解神聖秘密。

耶和華對人憐憫閣充滿正義，

互咱毋免閣受罪的束縛、凌遲。

現在上帝王國佇天頂已建立，

伊指派愛子耶穌做君王來統治，

安排小群的綿羊做基督新娘，

上帝欲賜互怹大大光彩榮耀。

2.神聖秘密佇幾千年前就預定，

耶和華指示真理此陣欲顯明。

忠貞的天使骨力宣揚好消息，

幫助咱做夥將救恩傳遍全地。

受委任傳講真理是寶貴權利，

同齊讚美至高上帝的偉大聖名。

做耶和華的見證人偌呢榮幸，

著愛繼續宣揚王國的好消息！