耶和華會賜你百倍的報賞

1．天父耶和華有忠貞閣正義，

咱的熱心伊看眼內。

毋管是順從抑是甘願犧牲，

全情的奉獻伊深知。

就算失去親人、財產及朋友，

受委屈上帝攏了解。

伊賜會眾互咱有溫暖的愛，

相楗相伨到新世界。

2．肩頭的重擔，硩甲你袂喘氣，

沉重的壓力堪袂起。

上帝賜安慰，將你看做寶貴，

你的需要伊攏看見。

你的心內話，耶和華斟酌聽，

你的難題伊攏知影。

伊賜真理、力量及兄弟姊妹，

支持恁鬥陣行做夥。