繼續向前行！

1． 踏著勇敢腳步，骨力去傳道；

發出真理光線，照佇烏暗的路途。

每一工盡全力，繼續求進步，

虔誠得上帝謳咾。

兄弟姊妹毋管啥背景，

跟綴耶穌傳揚好消息。

愈做會愈熟手，愈傳愈歡喜，

神聖力量來相伨！

2． 踏著堅定腳步，繼續去傳道；

好天時、透風日，宣揚王國好消息。

盡上大的力量，徹底做見證，

讚美上帝真榮幸。

若有人來反對，袂退勼，

耶和華會出手來拯救。

毋驚迫害攻擊，熱心通人知，

倚靠上帝徛在在！

3． 踏著快樂腳步，做夥去傳道；

盡全力勤勤做，會有美好的成果。

尋著謙卑的人愛好好教導，

成做主耶穌門徒。

著堅持、著勇敢做傳道，

疼厝邊，耶和華會賜福。

真理親像光線，互人有前途，

享受永遠的快樂！