愛互相鼓勵

1．兄弟姊妹愛互相鼓勵，

同齊忠貞侍奉上帝。

你我的情份愈來愈多，

團結和諧像一家伙。

上帝百姓所表現的愛，

互人勇氣繼續忍耐。

基督徒會眾充滿關懷，

是咱避風匿雨所在。

2．仁慈安慰閣貼心的話，

互人快活精神百倍！

親密忠貞的兄弟姊妹，

互相扶持互相鼓勵。

仝款的人生目標希望，

上帝的工快樂輕鬆。

艱苦的時陣愛鬥相共，

相楗相伨互相疼痛。

3．咱有信心就會當看見，

上帝日子愈來愈近。

時常及兄弟姊妹鬥陣，

參加聚會培養信心。

上帝的子民團結一心，

永遠行活命路頂面。

把握機會來互相鼓勵，

保持警醒盡忠到底。