忠貞婦女及基督徒姊妹

1．才情的家後、婦女，賢慧忠貞，

像撒拉、以斯帖、馬利亞、路得。

怹生活上重視敬拜耶和華。

閣有真多忠貞信實婦仁人，

雖然名字無佇聖經內面，

因為充滿信心，上帝攏真合意。

2．人人攏意愛好品行的婦女，

有勇氣會盡忠，良善及仁慈。

咱攏愛來學習古代的模樣，

那學那做，認真綴怹的腳步。

咱的身邊也有真多姊妹，

仝款表現忠貞，值得效法謳咾。

3．毋管是守寡、家後、女兒、媽媽，

做事攏真骨力，甘願盡本分。

恁順從又謙卑，上帝真歡喜。

願恁永永遠遠袂驚惶失志，

也願上帝穩固恁的信心，

只要繼續堅持，獎賞就在眼前。