ǀKharib kai ǀhaosa nî hâǃnân nî ǃgaoǃgâ xūn

ǃÛI-AOGU ǃGâsagu ge ǁgaumâihe hâ î gu sado hui. Toxopa ǁîgu ǀkha sîsenǀhao tsî ǁîgu daoǁgaude ǁnâuǀnam, aiǁgause autodi mâ ǃkhaidi, ǂnû ǃkhaidi tsî ǀnî hâ xūn xa.

ǁĀǁNÂS ǁĀǁnâhe nî khoen ǂnû ǃkhaidi ge ais-ǀkhāb ai hâ. Xū-i ga dawa o î ge nî ǂanǂanhe. ǁĀǁnâhe nî khoen ge ǀnai ǁnāpa Satertaxtsēgam ǁgoaga ǁāǁnâs ǃhoas nî tsoatsoas aiǃâ sī nî ǂnû. Mâ khoe-i hoa-i ge handub tsî ǂhanu saran ǁāǁnâ-ūhenîn tsîna nî hau-sao.

MĀSENXAMĀDI Nēpa da ra sîsenū xūn hoan ge ǂgui mari-e ǂgan hâ aiǁgause, ǀō-i, vidiogu ra sîsenū xūn tsî ǀnî hâ ǂgui xūn tsîna, în nē kai ǀhaosa hâǃnâ hân hoana ǃgâi ǁaeba ūhâ tsî Jehovaba ǃoa ǀgū. Sadu māsenxamādi ge nē xūna matare tsî ǃhūbaib ǂhabase ra dīhe sîsengu tsîna nî ǂkhâǃnâ. Nē māsenxamādi nî ǂgāǃnâhe boksidi ge ǃgāsase xoa-aisa. Īǁkhāsib ga hâo toxopa internets ai donate.jw.orgs ai māsenxamāde mā re. Kaise da ge sadu māsenxamāde ra ǃgôaǃgâ. ǂGaeǂguira soros ǃgâsagu ge Gaosib sîsen-e du ra ǂkhâǃnâ ǃkhais ǃaroma ra gangan du.

ǂGURO HUIB Toxopa ǂâis ǃnâ ūhâ nēs ge ǁkhōǁkhōsa mâsigu ǃaroma ǀgui a sîsenūhe ǁkhā.

KĀ HÂ XŪN Xū-e du ga hō tsî du ga ham-i di i a ǃkhaisa ǀū, o toxopa kā hâ xūn departementsa ǃoa ī-ū re. Kā tsî ǁîn ǁgûna hō ǁoa ǀgôan tsîn ge nē departementsa ǃoa ī-ūhe ǁkhā. Xawe ǁnāpa ra hui ǃgâsana supusupubas ǃaroma toxopa sadu ǀgôana kōǃgâ tsî ǁîna sadu tawa hoaǁae ūhâ re.

ǂNÛ ǃKHAIDI Nauna ǂâis ǃnâ ūhâ. ǂÂisǃnâ ūhâ re ǂnû ǃkhaidi ge sadu omaris khoen, ǀgui autos ǃnâ du hâ-ū khoen, ǀgui oms ai du hâ-ū khoe-i tamas ka io Elobmîsa du ra ǁkhāǁkhā khoe-i ǃgao a sâuhe ǁkhā. Tā toxopa ǂnûǃkhaisa du khoe-e dība tama ǃkhais tawa xūna ǂnûi re.

MĀSENXASE HUIS ǀKharib kai ǀhaos tawa du ga hui ǂgao, o toxopa māsenxa huib departements tawa sī re.

ǂGaeǂguira soros Jehovab ǃoaba-aon dis xa aiǂhumisa