ǂGaeǂguira soros ǀasa ǁanikha
OKTOBERI 5, 2025 î ge ǀō-aisa ǂanǂansa ge dīhe kurib ǀhaos tawa mî rasa: Jody Jedele tsî Jacob Rumph tsîkha go ǀasase ǁgaumâihesa, ǂGaeǂguira soros Jehovab di ǀHûǀguitimî-aon ǁanikha ase. Hoakha ge ǂgomǂgomsase Jehovaba ǂgui kuriga ǃoaba hâ.
Jody Jedele tsî ǁîb taras Damaris
ǃGâsab Jedele ge Missouri, Amerikab ǃnâ ge ǃnae tsîb ge ǁîba amab ǃnâ ge kai. ǁÎn ge omaris ase Jehovab ǃoaba-aon ǀoro ǃās ǃnâ gere hâ. ǁNās ǀkhab ge ǁîba ǂgui ǃgâsana ge ǀhao-ū, ǁîn ge aoǁnâ sîsenni ǃaroma ǁnāpa gere sī amaga. ǁÎn ǀnammi tsî ǀguiǃnâxasib tsîn ge ǁîba kaise ge tsâǀkhā. ǁÎb ge ǂkhamsis ǃnâ Oktoberi 15, 1983 ge ǁāǁnâhe. ǁÎb ge aoǁnâ sîsenni xa ge ǁkhoaxabahe-i tsî nēs ǀkha skoli khaoǃgâ Septemberi 1989 ge ǁāǁnâhe.
ǂKhamsis ǃnâb ge ǃgâsab Jedele ǁgûra, ǁîb tsî ǁîb ǃgâsas tsîna Betelsa ǃoa gere sari-ū. Nē sariti ge ǁîra ge hui îra Betels ai ǃoabasa mîǁguib ase dī tsî ra ge nē mîǁguiba ge sīǃnâ. ǃGâsab Jedele î ge Septemberi 1990 Betels tawa ge ǃoaba tsoatsoa. ǂGuroseb ge ǃanu ra departements ǃnâ gere sîsen tsî ǁnāpaxu ǀaeǃkhōs ǃâb tawa gere sîsen.
ǁKhā ǁaeb ǃnâ i ge Spanjeb ǀhaohâba gere kai tsî i ge ǃgasan huiba ge ǂhâbasa i. ǃGâsab Jedele ge Spanje gowaba ge ǁkhāǁkhāsen tsî ǁîna ge hui. ǁÎb ge ega ǃgâsas Damaris aimâba-aosa ge ǀhao-ū. ǁÎra ge ǃgamme tsî ǀguiba Betels tawa ge ǃoaba tsoatsoa.
Betelsa xu ra ge 2005 ge ī, îra ǁîra ǂgomǂgomsa ǁgûra kōǃgâ. ǁKhā ǁaeb ai ra ge ǁnaetisa aimâba-aose gere ǃoaba. ǃGâsab Jedele î ge aoǁnâ-aon skoli ai gere hui tsî Hospitals ǀkha ra sîsenǁae komites tsî Om sîsengu komites ǀkha gere sîsen.
ǃGâsab tsî ǃgâsas Jedele hâra ge ǁkhawa ge ǁkhauǂuihe Warwick Betels tawa om sîsenga ǃoa. ǁÎra tsîn ge Patterson tsî Wallkills tawa gere ǃoaba. ǃGâsab Jedele ge dī-unus tsî om sîsen-i departements tsî Hospitals xa ǃnāsa ǃgāsasiba ra mā ǀkhāb ai gere sîsen. Maarti 2023 ǃnâb ge aoǁnâ sîsen-e ra kōǃgâ komites hui-aob ase ge ǁgaumâihe. ǁÎb hoa ǁgaumâidi xab ga ra ǂai, ob ge ra mî: “ǀAsa ǁgaumaidets ga ra dī, ots ge ra ǂâiǂhansen. Xawe ǁkha ǁaeb aits ge Jehovab ai ra ǂgomaiǂnûi, ǁîb ra kōǃgâ da amaga.”
Jacob Rumph tsî ǁîb taras Ingas
ǃGasab Rumph i ge Californiab, Amerikab ǃnâ ge ǃnaehe. ǁÎb mamas ge aoǁnâ tsî ǀhaodi ǀkhas tsîna ge ī tama ha i. Xawes ge dītsâ tsî ǁîba gere hui Elobmîs ǁkhāǁkhā ǀkha. Tsîb ge mâ kurib hoaba ǁîb ǂgomǂgomsa oumasa gere sari. ǁÎs ge ǁîba ge hui îb ǃnāsase Elobmîs xa ǂan. ǁÎb ge 13 kurixa, ob ge ge ǂgan îb Elobmîs ǁkhāǁkhāsa tsoatsoa. ǂKhamsis ǃnâb ge Septemberi 27, 1992 ge ǁāǁnâhe. ǃGâiaǂgaob ǀkhab ge ǁîb mamasasa amaba ǃoa ge oaǀkhī tsî i ge ǁîb ǁgûra tsî ǃgâsan tsîna ǀkharaǀkharana dī tsî ge ǁāǁnâhe.
ǁÎb ǂkhamsis ǃnâb ge ǃgasab Rumph ge mû matin aimâba-ao ǂkhîsa. Skolab ge toas khaoǃgâb ge aimâba-aose ge ǃoaba tsoatsoa, Septemberi 1995. ǁÎb ge Ecuadora ǃoa ge doe 2000 îb ǂhâsib hâba sī hui. ǁNāpab ge aimâba-aos Ingasa ge ǀhao-ū Kanadaba xu hâsa tsî ra ge ge ǃgamme. ǃGamhe ra ges khaoǃgâ ra ge ǂkhari ǃās Ecuadori ǃnâ hâsa ǃoa ge doe. ǁNāpa î ge ǀoro ǃgôab ǃgâsan ǀguina ge hâ-i xawe î ge nētsē 8 ǀhaohâga hâ.
ǁAerob khaoǃgâ ra ge ǃgâsab tsî ǃgâsas Rumph hâra ǀō-aisa aimâba-ao ra ase ge ǁgaumaihe tsî ega ǃnarimâra mûǂam-aob ase ge ǁgaumaihe. Tsî ra ge 2011 kurib ǃnâ 132 Gileadi skoli ǃoa ge ǁkhauǂuihe. ǁNās khaoǃgâ ra ge ǃkharagagu ǃkhaidi ai gere ǃoaba tsî ǂgui ǃkharagagu ǁgaumâide gere dī. Aiǁgause Betels sîsenni, Sîsabe, tsî ǃnarimara mûǂam-aob ases tsîna. ǃGâsab Rumph tsîn ge aiǂhanuba ge ūhâ-i Gaosib aoǁnâ-aon skoli ǁgauǃnâ-aob ase.
Koronas xa ǃaromahe hâse i ge ǃgâsab tsî ǃgâsas Rumph tsîra Amerikab ǃoa ge oahā. ǁÎra ge Wallkill Betels dawa ge ǁkhauǂuihe, ǃgâsab Rumph ge ǀhaohâga ra kōǃgâ departements dawa ǁkhāǁkhāsa ge hō. ǁÎra ge Ecuadori ǁnâub bērosa ǃoa ge oasī tsîb ge ǃgâsab Rumph ǁnâub komites ǁanib ase ge ǃoaba tsoatsoa. Warwick ǃoa ra ge 2023 ge sī. Januarib 2024 ge ǃgâsab Rumph aoǁnâ sîsenna ra kōǃgâ komites hui-aob ase ge ǁgaumâihe. ǂÂi-oab ga o mâpab gere ǃoabasa ob ge ra mî, “ǁgaumâisa ra ǂkhi kai i ge ǃkhaib tamaba xawe khoen ge.”
Nē ǃgâsagu ra dī sîsen-e da gere ǃgôaǃgâ tsî da ge ‘ǃgôasiba ǁîga nî mā.’—Fil. 2:29.