ǁKHĀǁKHĀSEN ǁKHĀ DU A ǀGAUB
Elobmîsa tsēs hoasa khomais ǀkha hui du ǁkhā xūn
Ûib ge kaise a ǁaxa tsîs ge nēsa a ǃgom kai ǁkhā Elobmîs khomaiǃâsa tsēs hoasa dīsa. (Jos. 1:8) Ti i ga io, nē māsa ǀapemāde dītsâ re:
ǂÂiǂâiǃna du nî ǀgauba selfoni ai xoa. Sadu selfoni ai Elobmîsa du nî khomai ǁaeb alaramsa ǃam re.
Elobmîsa mû du nî !khaib ai mâi. Elobmîsa du ga ǂhaweb ai khomai, o xū-e khomaisa du go mâ ǃkhai-i ai mâi re, î du tsēs hoasa mû ǁkhā mâpa du nî khomai ǃkharusa.—Deu. 11:18.
ǃKhōǁnâsa Elobmîsa ǃgâ. Nēsa tsēs hoasa ǃgâ re, ǀnî hâ xūna du oms ai ra dī khami. Tara ti ǀon hâ ǁnaetisa aimâba-aos ge ra mî: “Omsa ra ǃanuse ta ga ǃkhōǁnâsa Elobmîsa ǃgâ, os ge nēsa ra hui te î ta Elobmîsa tsēs hoasa khomai.”
Elobmîsa khomaisa tā ǀûsen re. Xu-i ga ī tsî du ga Elobmîsa khomai ǁoa, o ǀoro ǁāraǃāde khomai ǁom du nî aiǃâ. ǂKharirose Elobmîsa khomais ge ǂhâǂhâsa.—1Pet. 2:2.