Fraitaxtsēs, Novemberi 21
ǁÎb di ǀamo ǀapes, Xristub Jesub sada ǃKhūb ǃnâ-ub ge hōsa ǃoa.—Efe. 3:11.
Jehovab ge ǃkharagagu ǀgauga a ǁhûi ǁkhā, îb ǁîb di ‘ǂâibasensa’ dīǀoaǀoa. “ǁÎb ge kuru xū-i hoa i ge ǁî-i di ǃaromasa ūhâ.” (ǂKhm. 16:4) Tsî Jehovab ra dī xū-i hoa-i ge ǀamosib kōse nî hâhâ. Jehovab di ǂâibasensa a tae? Tsî mâ ǀkharaǀkharanab ge dī, îb nē ǂâibasensa dīǀoaǀoa? Elob ge ǂguroseb ge kuru khoera ǁîb ǂâibasens a taesa ge mîba. ǁÎra ge ge mîbahe “Ôananôagu, î ǃgôab ǃnâ ǂguiǂguisen, î ǃhūbaiba ǀoaǀoa, î ǁîb ǂama gaosîsen. ǁKhati hurib ǁaun, ǀhommi anin tsî hoaraga xamarin tsî ǀguruǃnôan ǂama gaosîsen re.” (Gen. 1:28) Adammi tsî Eva hâra ge Jehovaba ǁnâuǀnamoǃnâ, o i ge ǂâibasen tama ge hâ î Jehovab ǂâibasens dīǀoaǀoahe tidesa. ǁÎb ǂâibasensab nî dīǀoaǀoa ǀgausab ge ge ǀkharaǀkhara. ǂGui kurina ǃkharuhâseb ge ge mîmâi Gaosibab ǀhommi ǃnâ nî ǂnubisa, ǁîb di ǂâibasensa nî dīǀoaǀoase, khoesib ǃaroma nē ǃhūbaib ai.—Mat. 25:34. w23.10 20 ¶6-7
Satertaxtsēs, Novemberi 22
Jehovab ga huib ase ība te tama hâ, o ta ge ǃhaese ǃnōsan ǃhūb ǃoa ga bē hâ.—Psa. 94:17.
Jehovab ge a hui da ǁkhā î da mâǀgai. Hoaǁae i ge supu tide ǃgōsase da ga ǀgui ǂhabusasiba gaxu ǁae-e a ūhâ o. ǀNî ǁaegu ai da ge sida di ǃgomsin a kai khami a tsâ ǁkhā, apostel Petrub gere ǃkharu ǃnân xa. Jehovab ge ǀgaiba a mā da ǁkhā î da tā ǀûsen. (Psa. 94:18-19) Aiǁgause ǀgui ǃgâsab ge mofin ǀgauba ǂgui kuriga ge ūhâ i, amabab nî ǁkhāǁkhāsens aiǃâ. ǁÎb ûibab ge ge dawa tsîb ge Elobmîs ǃoagu ge ûi tsoatsoa. Xaweb ge ǀnî ǁaegu ai ǃgâi tama turagu ǀkha ǃgomsiba ge ūhâ i. Tae-e ge huibi îb mâǀgai? “Jehovab ge ra ǀgaiǀgai da.” “Jehovab di ǃanu gagab ǀkha . . . , ta ge ge ǁkhāǁkhāsen, īǁkhā i asa amab di daob ǃnâ aiǃgûsa . . . Jehovab ge ge sîsenute ǀoasa kurusa ta ūhâ tama xawe, tsîb ge hoaǁae aiǃgû tsî ra ǀgaiǀgaite” tib ge ra mî. w23.09 23 ¶12
Sontaxtsēs, Novemberi 23
ǃGamǃgamsens tsî ǃKhūba ǃaoǃgâs tsîra di mādawa-ams ge ǃkhūsib, ǃgôasib tsî ûib tsîga.—ǂKhm. 22:4.
ǂKham ǃgâsago ǁaeba go ge nî ū, Jesuba ǁgaesa. ǁGae ǁkhāts a ǃgâi aiǁgaude ôa, ǃgâi ǂâiǀgauba omkhâi, ǂgomǃgâhe ǁkhā, xūna ǁkhāǁkhāsen tsî hānîǁaeb ǃaroma aiǂhumisen re. Sîsen aits nî xūn hoan xats ga ǂâi, ots ge ǀnîsi a tsâ ǁkhā nēna sīǃnâs a ǃgom ti. Xawe dīhō ǁkhāts ge a. ǂÂis ǃnâ ūhâ re, Jehovab ge māsenxase ra huitsi ǂgao. (Jes. 41:10, 13) Tsî ǀhaohâb ǃnâ hâ ǃgâsan tsîn ge a huitsi ǁkhā. Jehovab ǂhâba hâ Xristeǁî-ao kaits ga, ob ge sa ûiba kaise nî ǁkhoaxa. ǂKham ǃgâsago kaise da ge a ǀnam go. Ab Jehovaba sago ra dī sîsen-e ǃnāǂamsase ǀkhae, gagasise ǀgaisa Xristeǁî-ao kai go ra khami. w23.12 29 ¶19-20