4:10-15

Jehovab huib ǀkhab ge Moseba ge ǃao ǀû. Tae-e da Jehovab ge Moseba a mîba xū-e xu a ǁkhāǁkhāsen ǁkhā?

• Dīhō ǁoa da a xūn xa da ge tā nî ǂâi

• ǂÂis ǃnâ da ge nî ūhâ Jehovab ge ǁkhāsiba nî mā da sida ǁgaumâide dīǀoaǀoasa

• Sida ǂgoms Elob ǃnâ da ūhâs ge nî hui da i da tā khoena ǃao

Moseb ge Jehovaba xub ge ǁgaumâîsa a hō o, nēsab a dī ǁoa khami gere tsâ. (Eks. 4:10, 13) Sadu tsîna di gere tsâ? Elobmîsa du Jehovab di ǀHûǀguitimi-aon ǀkha ra ǁkhāǁkhāsen tsî ra ǂâi tita tsîna omsa xu oms ǀkha nî ǃgû di? Tamas ka io du ge ǀnîsi a ǂkhamkhoe hîna skoli ai aoǁnâsa ra ǃao do. Tamas ka io du ge ǀnîsi ǀhûhâsib tamas ka io ǁâǁawab ǃnâ-ū aoǁnâsa ra ǃao. Jehovaba ǂgan re îb ǀgaiba mā du ǁîb di ǃanu gagab ǃnâ-ū. (1Pet. 4:11) ǂGomǃgâsiba ūhâ re Jehovab nî hui du sa sadu ǁgaumâisa dīǀoaǀoas ǃnâ.—Eks. 4:11, 12.