• Ûib ǀkhaeba ǃgôaǃgâ re
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 1. Tae-i ǃaroma du ûiba nî ǃgôaǃgâ?

      Ûiba du ge nî ǃgôaǃgâ. Sadu ǀnamxaǃnâ Pap, Jehovab xa du ge māhe amaga. ǁÎb tawas ge “ûib di ǀausa” hâ. ǁÎb ge hoa xūna a kuru amaga. (Psalmdi 36:9) “Hoanab kom ûib tsî ǀoms tsî hoa xūna ra māo.” (ǃNaeǃkhaidi 17:​25, 28) Jehovab ge sadu ûib ǃaroma a ǂhâǂhâsa xūna ra mā du. ǁNās xōǀkhāb ge ǁkhoaxase ra tsâ kai du. Xūn tsîna ra mā du.​—Khomai re ǃNaeǃkhaidi 14:​17 sa.

  • Ûib ǀkhaeba ǃgôaǃgâ re
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 2. Mati du Jehovaba nî ǁgau, ûib di ǀkhaeba du ra ǃgôaǃgâsa?

      Sadu mas ge sadu ǀkha ǀgamǀkhā. ǁAeba xub ge Jehovaba sadu ǃnâ ǃgâiǃgâibasensa ūhâ. Davib ǀgores hîna Elobmîs ǃnâ xoamâisas. ǃNâb ge ǁîba Jehovab ǃoa ge mî: “Sa mûra ge tita kuruhe tama ta hâ hîa ge mû.” (Psalmdi 139:​16) Jehovab ge sadu ûiba ǂhâǂhâsase ra mû. (Khomai re Mateub 10:​29-31 sa.) ǁÎb ge kaise nî tsûaǂgao. Khoe-i ga ǂanapegase nau khoe-i. Tamas ka io ǁî-i ûiba a ǀam kai o.a (Eksodus 20:​13) ǂAnapegas ǃnâ i ga khoe-e. ǁÎ-i ûiba ǁkhōǁkhōsa mâsib ǃnâ mâi. Tamas ka io nau khoen ûiga nî ǁkhauba xū-e dī tama io. Os tsînab ge Jehovaba nî tsûaǂgao. Sadu ûiba kōǃgâ. Tsî du ga nau khoen ûib tsîna ǃgôasiba ǁgau o. O du ge ûib ǀkhaeba du ǃgôahâsa ra ǁgau.

  • Ûib ǀkhaeba ǃgôaǃgâ re
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 5. Noxoba ǃnaehe tama hâ ǀgôa-i ti ûiba ǃgôaǃgâ re

      ǀGamǀkhā khoes ge ǁîs di ǁkhomsa ra tsâǀkhā.

      Îsa mîdi ǃnâb ge Daviba, Jehovab ûib tsî ǀgôa-i ra kuruhe ǀgaus ǃnâ ūhâ ǃgâiǃgâibasens xa ge ǃhoa. Khomai re Psalmdi 139:​13-17 sa. Tsî sao ra dîsa ǃhoaǃgao re:

      • Jehovab mûǁae i ǀgôa-i ûiba mâǁae ra tsoatsoa? Kuruhe î ra ǁaeb ai? Tamas ka io ǃnae i ra ǁaeb ai?

      Jehovab ge Israelǁaesa mā hâ i ǁgaragu ge. ǁGûs tsî ǁîs di ǀgôaro-i hîna noxoba ǃnae tama i tsîna gere ǁkhauba. Khomai re Eksodus 21:​22, 23 sa. Tsî sao ra dîde ǃhoaǃgao re:

      • Jehovaba ǃnae tama ǀgôa-e ǂâibasen tama i hâ hîna ra ǃgam khoe-i xa mati gere tsâ?

      • Matib nî tsâ khoe-i ga ǂanapegase ǁnāsa dī o?b

      • Mati du Jehovab di mûǂuib xa ra tsâ?

      VIDIOBA ǀhuru re.

      VIDIOB: Elob ûiba ra mû khami ûiba mû re (5:00)

      Ûiba ra ǃgôaǃgâ khoes tsîn ge a ǂâi ǁkhā. ǀGôa-es ga āǁnâ o. On hoana nî ǃgâi di. Khomai re Jesajab 41:​10 sa. Tsî sao ra dîra ǃhoaǃgao re:

      • Khoes ga ǀgôa-e āǁnâs ǃaroma ǁgâiba a hō o. Ham-i ais huiba nî ǂgan? Tsî tae-i ǃaroma?