• ǀGores ge sadu ǀhōsagusisa, Jehovab ǀkha nî ǀgaiǀgai
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • ǀGores ge sadu ǀhōsagusisa, Jehovab ǀkha nî ǀgaiǀgai

      Huihes di ǂhâsiba du ūhâ? ǂHâǂhâsa dîde du ra ǃereambahe ǂgao? ǁKhaeǂgaohesa du ǂhâ hâ? Jehovab ǀkha du ǀgū ǀhōsagusisa ra ūhâ ǂgao? Sadu ǀgores ge nēn hoana nî ī kai. Xawe mâpa a ǂhanu ǀgau, ǀgores diba? Eloba hoa khoen ǀgorede ra ǁnâu-am? Tae-e du nî dī îs, sadu ǀgoresa ǁnâu-amhe? Ha i da mû matis nēsa ra dīhesa.

      1. Ham-i ǃoa du nî ǀgore tsî taena du a ǀgoreba ǁkhā?

      Jesub ge ge ǁkhāǁkhā du, i du sadu ǀhomsi ǁGûb ǃoa ǀgui ǀgore. Jesub tsîn ge Jehovaba ǃoa gere ǀgore. ǁÎb ge ge mî: “Nēti ǁnâi ǀgore du re: Sida Îtse ǀhommi ǃnâ hâtse . . . ” (Mateub 6:9) Jehovaba ǃoa du ga ǀgore o, o du ge ǀhōsagusis, ǁîb ǀkha du ūhâsa ra ǀgaiǀgai.

      ǁÎb ǀkha du ge ǀgores ǃnâ-ū mâ xū-i hoa-e a ǀgoragu ǁkhā. ǁÎb ge sadu di ǀgorede nî ǁnâu-am. ǁÎb di ǂâis ǃoagu du ga ǀgore o. “Xū-e da ga ǁîb di ǂâis ǃoa ǂgan o, ob ge ra ǁnâu-am da.” (1 Johaneb 5:​14) Jesub ge aiǁgaude ge mā du, ǀgores dide. (Khomai re Mateub 6:​9-13 sa.) Sadu ǂhâ hâ xūna du ga ǀgores ǃnâ-ū ǂgan o, o tā ǀuru re, ǁîba gangansa. Dībahe du ra ǃgâib ǃaroma. Tsî ǀnî khoen tsîna ǀgoreba re.

      2. Mati du nî ǀgore?

      Elobmîs ge ra ǂkhâǃnâ du, î du, “ǁhōǂui sadu ǂgaoba” Elob ais aiǃâ (Psalmdi 62:8) Sadu ǂgaob ǃgamsiba xu du ge a ǀgore ǁkhā. ǃGârise tamas ka io du ge ǃnōsases tsîna a ǀgore ǁkhā. Tsî Jehovaba ǃgôasiba ra ǁgau ǀgaub ǃnâ du ge mâ tsî a ǀgore ǁkhā. Mâ ǃkhai-i hoa-i tawa du ge a ǀgore ǁkhā. Tsî mâ ǁaeb hoab ai.

      3. Eloba sadu ǀgorede mati ra ǃeream?

      ǁÎb ge ǂgui ǀgaugu ǃnâ nēsa ra dī. Jehovab ge Elobmîsa mā du hâ. Elobmîs ǃnâ du ge dî du ra, dîdi ǃereamde a hōǁkhā. Elobmîsa khomais ge ‘gârena gā-aisiba ra mā.’ (Psalmdi 19:7; khomai re Jakobub 1:5 sa.) ǃGomsina du ra hōǃâ ǁaeb ǃnâb ge Eloba ǂkhîba a mā du ǁkhā. Elob ge ǁîb ǃoaba-aona ra sîsen-ū, în hui du.

      ǃGAMSE ÔAǃN RE

      ǁKhāǁkhāsen re, mati du ǂgaob ǃgamsiba xu nî ǀgore tsî Jehovaba nî ǂkhî kaisa. Tsî ôaǃnâ re, ǀgores mati nî ǀgaiǀgai du ǀgausa.

      4. Elob ra ǂgao xūn ǀgore du ga o

      Tae-e ra īǁkhā kai, sadu ǀgoredi Elob xa nî ūǃoahesa? Tamas ka io ūǃoahe tidesa? VIDIOBA ǀhuru re.

      VIDIOB: Eloba hoa ǀgore na ǃgâ i ra?​—ǃnubuǃnubusa ǃâb (2:42)

      Jehovab ge ra ǂhâba î du, ǁîba ǃoa ǀgore. Khomai re Psalmdi 65:2 sa. Tsî ǃnāka hâ dîra ǃhoaǃgao re:

      • ǂÂi i du ra ‘ǀgorede ra ǁnâub’ ǂhâba hâsa ǁîba ǃoa du nî ǀgoresa? Tae-i ǃaroma?

      Elob di ǂhanugu ǃoagu du ge nî ûi. Sadu ǀgoredi nî ǁnâu-amhesa du ga ǂgao o. Khomai re Mixab 3:4 tsî 1 Petrub 3:​12 sa. Tsî ǃnāka hâ dîsa ǃhoaǃgao re:

      • Tae-e du nî dī, îb Jehova Eloba sadu ǀgorede ǁnâu-am?

      Torob ǃnâgu ge hoa ǀgam ǀkhāgu toroǃkham-aoga ra ǀgore. Eloba ǁnāti i ǀgorede ǃeream i nî?

      5. Sadu ǀgoredi ge ǂgaoba xu nî hā

      ǀNî khoen ge ǁkhāǁkhāhe hâ, în xoamâisa ǀgorede ǀgore. ǀHomaxase tsî ǂgui mîde ra sîsen-ūse. Xawe Eloba ra ǂhâba, i du di ǀgore? Khomai re Mateub 6:7 sa. Tsî ǃnāka hâ dîsa ǃhoaǃgao re:

      • Mati du nî dī, î du “tā ǀhomaxase ǀgore” tsî ǂgui mîde sîsen-ū?

      ǂÂi re, tsēs hoasa du Jehovaba xu ra hō ǀkhaegu xa. Tsî nē ǀkhaegu ǃgao, Jehovaba gangan re. Nēsa mâ tsēs hoasa wekheb ǃnâ dī re. O du ge 7 ǃkharagagu xūn xa go ǀgore. ǀGui xū i ǀgui-e mîga mîs xa.

      Axab ge mamasas ǀkha ra ǃhoa.

      ǃGâi dadasab ge a ǃgâibahe, ǁîb ǀgôa-i ga ǁî-i ǂgaoba xu ǁîb ǀkha ǃhoa o. ǁKhāǀgaub ǃnâb ge Jehovab tsîna ra ǂhâba, î du ǂgaoba xu, ǁîb ǃoa ǀgore

      6. ǀGores ge ǃgâi ǀkhaeba Elob mā du hâba

      ǀGoresa mati nî ǀgaiǀgai du, ǃgâi tsî tsū ǁaegu ǃnâ? VIDIOBA ǀhuru re.

      VIDIOB: ǀGores ge ra hui da, î da ǃgomsina tani (1:32)

      Elobmîs ge a hui du ǁkhā, î du ǂkhîba ūhâ. Khomai re Filipeǁîn 4:​6, 7 sa. Tsî ǃnāka hâ dîra ǃhoaǃgao re:

      • ǀGores ge sadu ǃgomsin hoana ūbē tama hâ, xawe matis ra hui?

      • Taena xūn hîna du ra ǀgoreba ǂgaona?

      ǂAn i du go i?

      “Amen” di hâ mîs ge ra ǂâibasen “a i ti ī.” Elobmîs ǁaegu ǃnâs ge ‘amensa’ ǀgores ǀams ai gere mîhe.​—1 Kroniks 16:36.

      7. ǀGores ǃaroma ǁaeba ǁamaǂui re

      ǀNî ǁaeb ai du ge a ǀuru ǁkhā ǀgoresa. ǀGoresa Jesuba mati ge ǂhâǂhâsaba i? Khomai re Mateub 14:​23 tsî Markub 1:​35 sa. Tsî ǃnāka hâ dîra ǃhoaǃgao re:

      • Jesuba tae-e gere dī ǀgores ǃaroma?

      • Mâ ǁae du ǁaeba ūhâ ǀgores ǃaroma?

      ǀHaoǀhoasa ai-īsigu: Khoes ge hoa tsēsa ra ǀgore. 1. ǁGoaga. 2. ǀGôan ǀkha. 3. Sîsen-aib ai.v 4. Tsî ǂûs nîs aiǃâ.

      MATI DU NÎ ǃEREAM KHOE-I GA MÎ O: “ǀGores ge ǁae ǁores ǀguisa i.”

      • Mati du nî mî?

      ǃKHŌǀHAOS

      ǂGaoba xu du ra dī, ǀgoredi ge Elob ǃoa ra ǂgae du. Tsî ǁnās ge ǂkhîba a mā du ǁkhā. Tsî ǀgaiba a mā du ǁkhā, î du Jehovaba ǂkhîǂkhî.

      ǁKhāǁkhāsen du go xūna ǂâiǃgâs

      • Ham-e ǃoa du nî ǀgore?

      • Mati du nî ǀgore?

      • ǀGoresa tae ǃgâi xūna ǃkhōǂgā hâ?

      Sadu nî dī xū-i

      ÔAǃNÂ

      Hoaǁae ra dîhe, dîdi ǀgores xa.

      “Hû xūn ǀgores xa du nî ǂan” (ǃKhē xu ǂgō-ommi, Oktoberi 1, 2010)

      Khomai re, tae-i ǃaroma du nî ǀgoresa. Tsî mati du sadu ǀgorede nî ǃgâiǃgâi ǀgausa.

      “Tae-i ǃgao du nî ǀgore?” (Internets ai hâ ǁkhāǁkhādi)

      Khomai re, Elobmîs ra mî-e, ham-i ǃoa du nî ǀgoresa.

      “ǃAnuna ǃoa da nî ǀgore?” (Internets ai hâ ǁkhāǁkhādi)

      Saora vidiob ǃnâ kō re, mapa tsî mâǁae du a ǀgore ǁkhāsa.

      Mâǁaeb hoab ai ta ge ǀgore ǁkhā (1:22)

  • Aiǃgû re ǁkhāǁkhāsens ǀkha
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 4. Aiǃgû re, sadu ǃgâi ǀhōsab ǀkha ǃhoa tsî ǁîba ǃgâs ǀkha

      ǀGores tsî Elobmîs ǁkhāǁkhāsens ge go hui du. Î du Jehovab di ǀhōsa kai. Nē xūna mati nî hui du, î du ǁîb ǀkha du ūhâ ǀhōsagusisa ǀgaiǀgai?

      Khomai re Psalmdi 62:8 sa. Tsî sao ra dîsa ǃhoaǃgao re:

      • Jehovab ǀkha du ūhâ ǀhōsagusisa ǀgaiǀgais ǃaroma. Mati du sadu ǀgoresa nî ǃgâiǃgâi?

      Khomai re Psalmdi 1:2 sa. Tsî ǀgamirosa khomai re. ǁNāpaxū sao ra dîsa ǃhoaǃgao re:

      • Sadu ǀhōsagusis Jehovab ǀkha du ūhâsa ǀgaiǀgais ǃaroma. Mati du sadu Elobmîs khomaisa nî ǃgâiǃgâi?

      Tae-e du nî dī, î du ǃnāsa xūna sadu Elobmîs ǁkhāǁkhāsensa xu hō? Nēsa ǂanǂuis ǃaroma. VIDIOBA ǀhuru re. Tsî sao ra dîra ǃhaoǃgao re.

      VIDIOB: Sadu Elobmîs ǁkhāǁkhāsa ǃgâiǃgâi re (5:22)

      • Mâ ǀgaub hîna ra vidiob ǃnâ ǁgauheba du ra sîsenū ǂgao?

      • Mâ ǁkhāǁkhāǃâde du ra ǁkhāǁkhāsen ǂgao?